ஸமஸ்தஸ்ய க²லு ஸாம்ந உபாஸநꣳ ஸாது⁴ யத்க²லு ஸாது⁴ தத்ஸாமேத்யாசக்ஷதே யத³ஸாது⁴ தத³ஸாமேதி ॥ 1 ॥

தது³தாப்யாஹு: ஸாம்நைநமுபாகா³தி³தி ஸாது⁴நைநமுபாகா³தி³த்யேவ ததா³ஹுரஸாம்நைநமுபாகா³தி³த்யஸாது⁴நைநமுபாகா³தி³த்யேவ ததா³ஹு: ॥ 2 ॥

அதோ²தாப்யாஹு: ஸாம நோ ப³தேதி யத்ஸாது⁴ ப⁴வதி ஸாது⁴ ப³தேத்யேவ ததா³ஹுரஸாம நோ ப³தேதி யத³ஸாது⁴ ப⁴வத்யஸாது⁴ ப³தேத்யேவ ததா³ஹு: ॥ 3 ॥

ஸ ய ஏததே³வம் வித்³வாந்ஸாது⁴ ஸாமேத்யுபாஸ்தே(அ)ப்⁴யாஶோ ஹ யதே³நꣳ ஸாத⁴வோ த⁴ர்மா ஆ ச க³ச்சே²யுருப ச நமேயு: ॥ 4 ॥

லோகேஷு பஞ்சவித⁴ꣳ ஸாமோபாஸீத ப்ருதி²வீ ஹிங்கார: । அக்³நி: ப்ரஸ்தாவோ(அ)ந்தரிக்ஷமுத்³கீ³த² ஆதி³த்ய: ப்ரதிஹாரோ த்³யௌர்நித⁴நமித்யூர்த்⁴வேஷு ॥ 1 ॥

அதா²வ்ருத்தேஷு த்³யௌர்ஹிங்கார ஆதி³த்ய: ப்ரஸ்தாவோ(அ)ந்தரிக்ஷமுத்³கீ³தோ²(அ)க்³நி: ப்ரதிஹார: ப்ருதி²வீ நித⁴நம் ॥ 2 ॥

கல்பந்தே ஹாஸ்மை லோகா ஊர்த்⁴வாஶ்சாவ்ருத்தாஶ்ச ய ஏததே³வம் வித்³வாம்ல்லோகேஷு பஞ்சவித⁴ம் ஸாமோபாஸ்தே ॥ 3 ॥

வ்ருஷ்டௌ பஞ்சவித⁴ம் ஸாமோபாஸீத புரோவாதோ ஹிங்காரோ மேகோ⁴ ஜாயதே ஸ ப்ரஸ்தாவோ வர்ஷதி ஸ உத்³கீ³தோ² வித்³யோததே ஸ்தநயதி ஸ ப்ரதிஹார உத்³க்³ருஹ்ணாதி தந்நித⁴நம் ॥ 1 ॥

வர்ஷதி ஹாஸ்மை வர்ஷயதி ஹ ய ஏததே³வம் வித்³வாந்வ்ருஷ்டௌ பஞ்சவித⁴ம் ஸாமோபாஸ்தே ॥ 2 ॥

ஸர்வாஸ்வப்ஸு பஞ்சவித⁴ꣳ ஸாமோபாஸீத மேகோ⁴ யத்ஸம்ப்லவதே ஸ ஹிங்காரோ யத்³வர்ஷதி ஸ ப்ரஸ்தாவோ யா: ப்ராச்ய: ஸ்யந்த³ந்தே ஸ உத்³கீ³தோ² யா: ப்ரதீச்ய: ஸ ப்ரதிஹார: ஸமுத்³ரோ நித⁴நம் ॥ 1 ॥

ந ஹாப்ஸு பॆத்யப்ஸுமாந்ப⁴வதி ய ஏததே³வம் வித்³வாந்ஸர்வாஸ்வப்ஸு பஞ்சவித⁴ꣳ ஸாமோபாஸ்தே ॥ 2 ॥

ருதுஷு பஞ்சவித⁴ꣳ ஸாமோபாஸீத வஸந்தோ ஹிங்காரோ க்³ரீஷ்ம: ப்ரஸ்தாவோ வர்ஷா உத்³கீ³த²: ஶரத்ப்ரதிஹாரோ ஹேமந்தோ நித⁴நம் ॥ 1 ॥

கல்பந்தே ஹாஸ்மா ரூதவ ரூதுமாந்ப⁴வதி ய ஏததே³வம் வித்³வாந்ருதுஷு பஞ்சவித⁴ꣳ ஸாமோபாஸ்தே ॥ 2 ॥

பஶுஷு பஞ்சவித⁴ꣳ ஸாமோபாஸீதாஜா ஹிங்காரோ(அ)வய: ப்ரஸ்தாவோ கா³வ உத்³கீ³தோ²(அ)ஶ்வா: ப்ரதிஹார: புருஷோ நித⁴நம் ॥ 1 ॥

ப⁴வந்தி ஹாஸ்ய பஶவ: பஶுமாந்ப⁴வதி ய ஏததே³வம் வித்³வாந்பஶுஷு பஞ்சவித⁴ꣳ ஸாமோபாஸ்தே ॥ 2 ॥

ப்ராணேஷு பஞ்சவித⁴ம் பரோவரீய: ஸாமோபாஸீத ப்ராணோ ஹிங்காரோ வாக்ப்ரஸ்தாவஶ்சக்ஷுருத்³கீ³த²: ஶ்ரோத்ரம் ப்ரதிஹாரோ மநோ நித⁴நம் பரோவரீயாம்ஸி வா ஏதாநி ॥ 1 ॥

பரோவரீயோ ஹாஸ்ய ப⁴வதி பரோவரீயஸோ ஹ லோகாஞ்ஜயதி ய ஏததே³வம் வித்³வாந்ப்ராணேஷு பஞ்சவித⁴ம் பரோவரீய: ஸாமோபாஸ்த இதி து பஞ்சவித⁴ஸ்ய ॥ 2 ॥

அத² ஸப்தவித⁴ஸ்ய வாசி ஸப்தவித⁴ꣳ ஸாமோபாஸீத யத்கிஞ்ச வாசோ ஹுமிதி ஸ ஹிங்காரோ யுத்ப்ரேதி ஸ ப்ரஸ்தாவோ யதே³தி ஸ ஆதி³: ॥ 1 ॥

யது³தி³தி ஸ உத்³கீ³தோ² யத்ப்ரதீதி ஸ ப்ரதிஹாரோ யது³பேதி ஸ உபத்³ரவோ யந்நீதி தந்நித⁴நம் ॥ 2 ॥

து³க்³தே⁴(அ)ஸ்மை வாக்³தோ³ஹம் யோ வாசோ தோ³ஹோ(அ)ந்நவாநந்நாதோ³ ப⁴வதி ய ஏததே³வம் வித்³வாந்வாசி ஸப்தவித⁴ꣳ ஸாமோபாஸ்தே ॥ 3 ॥

அத² க²ல்வமுமாதி³த்யꣳ ஸப்தவித⁴ꣳ ஸாமோபாஸீத ஸர்வதா³ ஸமஸ்தேந ஸாம மாம் ப்ரதி மாம் ப்ரதீதி ஸர்வேண ஸமஸ்தேந ஸாம ॥ 1 ॥

தஸ்மிந்நிமாநி ஸர்வாணி பூ⁴தாந்யந்வாயத்தாநீதி வித்³யாத்தஸ்ய யத்புரோத³யாத்ஸ ஹிங்காரஸ்தத³ஸ்ய பஶவோ(அ)ந்வாயத்தாஸ்தஸ்மாத்தே ஹிம் குர்வந்தி ஹிங்காரபா⁴ஜிநோ ஹ்யேதஸ்ய ஸாம்ந: ॥ 2 ॥

அத² யத்ப்ரத²மோதி³தே ஸ ப்ரஸ்தாவஸ்தத³ஸ்ய மநுஷ்யா அந்வாயத்தாஸ்தஸ்மாத்தே ப்ரஸ்துதிகாமா: ப்ரஶம்ஸாகாமா: ப்ரஸ்தாவபா⁴ஜிநோ ஹ்யேதஸ்ய ஸாம்ந: ॥ 3 ॥

அத² யத்ஸங்க³வவேலாயாꣳ ஸ ஆதி³ஸ்தத³ஸ்ய வயாம் ஸ்யந்வாயத்தாநி தஸ்மாத்தாந்யந்தரிக்ஷே(அ)நாரம்ப³ணாந்யாதா³யாத்மாநம் பரிபதந்த்யாதி³பா⁴ஜீநி ஹ்யேதஸ்ய ஸாம்ந: ॥ 4 ॥

அத² யத்ஸம்ப்ரதிமத்⁴யந்தி³நே ஸ உத்³கீ³த²ஸ்தத³ஸ்ய தே³வா அந்வாயத்தாஸ்தஸ்மாத்தே ஸத்தமா: ப்ராஜாபத்யாநாமுத்³கீ³த²பா⁴ஜிநோ ஹ்யேதஸ்ய ஸாம்ந: ॥ 5 ॥

அத² யதூ³ர்த்⁴வம் மத்⁴யந்தி³நாத்ப்ராக³பராஹ்ணாத்ஸ ப்ரதிஹாரஸ்தத³ஸ்ய க³ர்பா⁴ அந்வாயத்தாஸ்தஸ்மாத்தே ப்ரதிஹ்ருதாநாவபத்³யந்தே ப்ரதிஹாரபா⁴ஜிநோ ஹ்யேதஸ்ய ஸாம்ந: ॥ 6 ॥

அத² யதூ³ர்த்⁴வமபராஹ்ணாத்ப்ராக³ஸ்தமயாத்ஸஉபத்³ரவஸ்தத³ஸ்யாரண்யா அந்வாயத்தாஸ்தஸ்மாத்தே புருஷம் த்³ருஷ்ட்வா கக்ஷꣳ ஶ்வப்⁴ரமித்யுபத்³ரவந்த்யுபத்³ரவபா⁴ஜிநோ ஹ்யேதஸ்ய ஸாம்ந: ॥ 7 ॥

அத² யத்ப்ரத²மாஸ்தமிதே தந்நித⁴நம் தத³ஸ்ய பிதரோ(அ)ந்வாயத்தாஸ்தஸ்மாத்தாந்நித³த⁴தி நித⁴நபா⁴ஜிநோ ஹ்யேதஸ்ய ஸாம்ந ஏவம் க²ல்வமுமாதி³த்யம் ஸப்தவித⁴ꣳ ஸாமோபாஸ்தே ॥ 8 ॥

அத² க²ல்வாத்மஸம்மிதமதிம்ருத்யு ஸப்தவித⁴ꣳ ஸாமோபாஸீத ஹிங்கார இதி த்ர்யக்ஷரம் ப்ரஸ்தாவ இதி த்ர்யக்ஷரம் தத்ஸமம் ॥ 1 ॥

ஆதி³ரிதி த்³வ்யக்ஷரம் ப்ரதிஹார இதி சதுரக்ஷரம் தத இஹைகம் தத்ஸமம் ॥ 2 ॥

உத்³கீ³த² இதி த்ர்யக்ஷரமுபத்³ரவ இதி சதுரக்ஷரம் த்ரிபி⁴ஸ்த்ரிபி⁴: ஸமம் ப⁴வத்யக்ஷரமதிஶிஷ்யதே த்ர்யக்ஷரம் தத்ஸமம் ॥ 3 ॥

நித⁴நமிதி த்ர்யக்ஷரம் தத்ஸமமேவ ப⁴வதி தாநி ஹ வா ஏதாநி த்³வாவிம் ஶதிரக்ஷராணி ॥ 4 ॥

ஏகவிம்ஶத்யாதி³த்யமாப்நோத்யேகவிம்ஶோ வா இதோ(அ)ஸாவாதி³த்யோ த்³வாவிம்ஶேந பரமாதி³த்யாஜ்ஜயதி தந்நாகம் தத்³விஶோகம் ॥ 5 ॥

ஆப்நோதி ஹாதி³த்யஸ்ய ஜயம் பரோ ஹாஸ்யாதி³த்யஜயாஜ்ஜயோ ப⁴வதி ய ஏததே³வம் வித்³வாநாத்மஸம்மிதமதிம்ருத்யு ஸப்தவித⁴ꣳ ஸாமோபாஸ்தே ஸாமோபாஸ்தே ॥ 6 ॥

மநோ ஹிங்காரோ வாக்ப்ரஸ்தாவஶ்சக்ஷுருத்³கீ³த²: ஶ்ரோத்ரம் ப்ரதிஹார: ப்ராணோ நித⁴நமேதத்³கா³யத்ரம் ப்ராணேஷு ப்ரோதம் ॥ 1 ॥

ஸ ஏவமேதத்³கா³யத்ரம் ப்ராணேஷு ப்ரோதம் வேத³ ப்ராணீ ப⁴வதி ஸர்வமாயுரேதி ஜ்யோக்³ஜீவதி மஹாந்ப்ரஜயா பஶுபி⁴ர்ப⁴வதி மஹாந்கீர்த்யா மஹாமநா: ஸ்யாத்தத்³வ்ரதம் ॥ 2 ॥

அபி⁴மந்த²தி ஸ ஹிங்காரோ தூ⁴மோ ஜாயதே ஸ ப்ரஸ்தாவோ ஜ்வலதி ஸ உத்³கீ³தோ²(அ)ங்கா³ரா ப⁴வந்தி ஸ ப்ரதிஹார உபஶாம்யதி தந்நித⁴நம் ஸம்ஶாம்யதி தந்நித⁴நமேதத்³ரத²ந்தரமக்³நௌ ப்ரோதம் ॥ 1 ॥

ஸ ய ஏவமேதத்³ரத²ந்தரமக்³நௌ ப்ரோதம் வேத³ ப்³ரஹ்மவர்சஸ்யந்நாதோ³ ப⁴வதி ஸர்வமாயுரேதி ஜ்யோக்³ஜீவதி மஹாந்ப்ரஜயா பஶுபி⁴ர்ப⁴வதி மஹாந்கீர்த்யா ந ப்ரத்யங்ஙக்³நிமாசாமேந்ந நிஷ்டீ²வேத்தத்³வ்ரதம் ॥ 2 ॥

உபமந்த்ரயதே ஸ ஹிங்காரோ ஜ்ஞபயதே ஸ ப்ரஸ்தாவ: ஸ்த்ரியா ஸஹ ஶேதே ஸ உத்³கீ³த²: ப்ரதி ஸ்த்ரீம் ஸஹ ஶேதே ஸ ப்ரதிஹார: காலம் க³ச்ச²தி தந்நித⁴நம் பாரம் க³ச்ச²தி தந்நித⁴நமேதத்³வாமதே³வ்யம் மிது²நே ப்ரோதம் ॥ 1 ॥

ஸ ய ஏவமேதத்³வாமதே³வ்யம் மிது²நே ப்ரோதம் வேத³ மிது²நீ ப⁴வதி மிது²நாந்மிது²நாத்ப்ரஜாயதே ஸர்வமாயுரேதி ஜ்யோக்³ஜீவதி மஹாந்ப்ரஜயா பஶுபி⁴ர்ப⁴வதி மஹாந்கீர்த்யா ந காஞ்சந பரிஹரேத்தத்³வ்ரதம் ॥ 2 ॥

உத்³யந்ஹிங்கார உதி³த: ப்ரஸ்தாவோ மத்⁴யந்தி³ந உத்³கீ³தோ²(அ)பராஹ்ண: ப்ரதிஹாரோ(அ)ஸ்தம் யந்நித⁴நமேதத்³ப்³ருஹதா³தி³த்யே ப்ரோதம் ॥ 1 ॥

ஸ ய ஏவமேதத்³ப்³ருஹதா³தி³த்யே ப்ரோதம் வேத³ தேஜஸ்வ்யந்நாதோ³ ப⁴வதி ஸர்வமாயுரேதி ஜ்யோக்³ஜீவதி மஹாந்ப்ரஜயா பஶுபி⁴ர்ப⁴வதி மஹாந்கீர்த்யா தபந்தம் ந நிந்தே³த்தத்³வ்ரதம் ॥ 2 ॥

அப்⁴ராணி ஸம்ப்லவந்தே ஸ ஹிங்காரோ மேகோ⁴ ஜாயதே ஸ ப்ரஸ்தாவோ வர்ஷதி ஸ உத்³கீ³தோ² வித்³யோததே ஸ்தநயதி ஸ ப்ரதிஹார உத்³க்³ருஹ்ணாதி தந்நித⁴நமேதத்³வைரூபம் பர்ஜந்யே ப்ரோதம் ॥ 1 ॥

ஸ ய ஏவமேதத்³வைரூபம் பர்ஜந்யே ப்ரோதம் வேத³ விரூபாꣳஶ்ச ஸுரூபாꣳஶ்ச பஶூநவருந்தே⁴ ஸர்வமாயுரேதி ஜ்யோக்³ஜீவதி மஹாந்ப்ரஜயா பஶுபி⁴ர்ப⁴வதி மஹாந்கீர்த்யா வர்ஷந்தம் ந நிந்தே³த்தத்³ப்³ரதம் ॥ 2 ॥

வஸந்தோ ஹிங்காரோ க்³ரீஷ்ம: ப்ரஸ்தாவோ வர்ஷா உத்³கீ³த²: ஶரத்ப்ரதிஹாரோ ஹேமந்தோ நித⁴நமேதத்³வைராஜம்ருதுஷு ப்ரோதம் ॥ 1 ॥

ஸ ய ஏவமேதத்³வைராஜம்ருதுஷு ப்ரோதம் வேத³ விராஜதி ப்ரஜயா பஶுபி⁴ர்ப்³ரஹ்மவர்சஸேந ஸர்வமாயுரேதி ஜ்யோக்³ஜீவதி மஹாந்ப்ரஜயா பஶுபி⁴ர்ப⁴வதி மஹாந்கீர்த்யர்தூந்ந நிந்தே³த்தத்³வ்ரதம் ॥ 2 ॥

ப்ருதி²வீ ஹிங்காரோ(அ)ந்தரிக்ஷம் ப்ரஸ்தாவோ த்³யௌருத்³கீ³தோ² தி³ஶ: ப்ரதிஹார: ஸமுத்³ரோ நித⁴நமேதா: ஶக்வர்யோ லோகேஷு ப்ரோதா: ॥ 1 ॥

ஸ ய ஏவமேதா: ஶக்வர்யோ லோகேஷு ப்ரோதா வேத³ லோகீ ப⁴வதி ஸர்வமாயுரேதி ஜ்யோக்³ஜீவதி மஹாந்ப்ரஜயா பஶுபி⁴ர்ப⁴வதி மஹாந்கீர்த்யா லோகாந்ந நிந்தே³த்தத்³வ்ரதம் ॥ 2 ॥

அஜா ஹிங்காரோ(அ)வய: ப்ரஸ்தாவோ கா³வ உத்³கீ³தோ²(அ)ஶ்வா: ப்ரதிஹார: புருஷோ நித⁴நமேதா ரேவத்ய: பஶுஷு ப்ரோதா: ॥ 1 ॥

ஸ ய ஏவமேதா ரேவத்ய: பஶுஷு ப்ரோதா வேத³ பஶுமாந்ப⁴வதி ஸர்வமாயுரேதி ஜ்யோக்³ஜீவதி மஹாந்ப்ரஜயா பஶுபி⁴ர்ப⁴வதி மஹாந்கீர்த்யா பஶூந்ந நிந்தே³த்தத்³வ்ரதம் ॥ 2 ॥

லோம ஹிங்காரஸ்த்வக்ப்ரஸ்தாவோ மாம்ஸமுத்³கீ³தோ²(அ)ஸ்தி² ப்ரதிஹாரோ மஜ்ஜா நித⁴நமேதத்³யஜ்ஞாயஜ்ஞீயமங்கே³ஷு ப்ரோதம் ॥ 1 ॥

ஸ ய ஏவமேதத்³யஜ்ஞாயஜ்ஞீயமங்கே³ஷு ப்ரோதம் வேதா³ங்கீ³ ப⁴வதி நாங்கே³ந விஹூர்ச²தி ஸர்வமாயுரேதி ஜ்யோக்³ஜீவதி மஹாந்ப்ரஜயா பஶுபி⁴ர்ப⁴வதி மஹாந்கீர்த்யா ஸம்வத்ஸரம் மஜ்ஜ்ஞோ நாஶ்நீயாத்தத்³வ்ரதம் மஜ்ஜ்ஞோ நாஶ்நீயாதி³தி வா ॥ 2 ॥

அக்³நிர்ஹிங்காரோ வாயு: ப்ரஸ்தாவ ஆதி³த்ய உத்³கீ³தோ² நக்ஷத்ராணி ப்ரதிஹாரஶ்சந்த்³ரமா நித⁴நமேதத்³ராஜநம் தே³வதாஸு ப்ரோதம் ॥ 1 ॥

ஸ ய ஏவமேதத்³ராஜநம் தே³வதாஸு ப்ரோதம் வேதை³தாஸாமேவ தே³வதாநாꣳ ஸலோகதாꣳ ஸார்ஷ்டிதாம்ꣳஸாயுஜ்யம் க³ச்ச²தி ஸர்வமாயுரேதி ஜ்யோக்³ஜீவதி மஹாந்ப்ரஜயா பஶுபி⁴ர்ப⁴வதி மஹாந்கீர்த்யா ப்³ராஹ்மணாந்ந நிந்தே³த்தத்³வ்ரதம் ॥ 2 ॥

த்ரயீ வித்³யா ஹிங்காரஸ்த்ரய இமே லோகா: ஸ ப்ரஸ்தாவோ(அ)க்³நிர்வாயுராதி³த்ய: ஸ உத்³கீ³தோ² நக்ஷத்ராணி வயாம்ஸி மரீசய: ஸ ப்ரதிஹார: ஸர்பா க³ந்த⁴ர்வா: பிதரஸ்தந்நித⁴நமேதத்ஸாம ஸர்வஸ்மிந்ப்ரோதம் ॥ 1 ॥

ஸ ய ஏவமேதத்ஸாம ஸர்வஸ்மிந்ப்ரோதம் வேத³ ஸர்வம் ஹ ப⁴வதி ॥ 2 ॥

ததே³ஷ ஶ்லோகோ யாநி பஞ்சதா⁴ த்ரீணி த்ரீணி தேப்⁴யோ ந ஜ்யாய: பரமந்யத³ஸ்தி ॥ 3 ॥

யஸ்தத்³வேத³ ஸ வேத³ ஸர்வꣳ ஸர்வா தி³ஶோ ப³லிமஸ்மை ஹரந்தி ஸர்வமஸ்மீத்யுபாஸீத தத்³வ்ரதம் தத்³வ்ரதம் ॥ 4 ॥

விநர்தி³ ஸாம்நோ வ்ருணே பஶவ்யமித்யக்³நேருத்³கீ³தோ²(அ)நிருக்த: ப்ரஜாபதேர்நிருக்த: ஸோமஸ்ய ம்ருது³ ஶ்லக்ஷ்ணம் வாயோ: ஶ்லக்ஷ்ணம் ப³லவதி³ந்த்³ரஸ்ய க்ரௌஞ்சம் ப்³ருஹஸ்பதேரபத்⁴வாந்தம் வருணஸ்ய தாந்ஸர்வாநேவோபஸேவேத வாருணம் த்வேவ வர்ஜயேத் ॥ 1 ॥

அம்ருதத்வம் தே³வேப்⁴ய ஆகா³யாநீத்யாகா³யேத்ஸ்வதா⁴ம் பித்ருப்⁴ய ஆஶாம் மநுஷ்யேப்⁴யஸ்த்ருணோத³கம் பஶுப்⁴ய: ஸ்வர்க³ம் லோகம் யஜமாநாயாந்நமாத்மந ஆகா³யாநீத்யேதாநி மநஸா த்⁴யாயந்நப்ரமத்த: ஸ்துவீத ॥ 2 ॥

ஸர்வே ஸ்வரா இந்த்³ரஸ்யாத்மாந: ஸர்வ ஊஷ்மாண: ப்ரஜாபதேராத்மாந: ஸர்வே ஸ்பர்ஶா ம்ருத்யோராத்மாநஸ்தம் யதி³ ஸ்வரேஷூபாலபே⁴தேந்த்³ரம் ஶரணம் ப்ரபந்நோ(அ)பூ⁴வம் ஸ த்வா ப்ரதி வக்ஷ்யதீத்யேநம் ப்³ரூயாத் ॥ 3 ॥

அத² யத்³யேநமூஷ்மஸூபாலபே⁴த ப்ரஜாபதிம் ஶரணம் ப்ரபந்நோ(அ)பூ⁴வம் ஸ த்வா ப்ரதி பேக்ஷ்யதீத்யேநம் ப்³ரூயாத³த² யத்³யேநம் ஸ்பர்ஶேஷூபாலபே⁴த ம்ருத்யும் ஶரணம் ப்ரபந்நோ(அ)பூ⁴வம் ஸ த்வா ப்ரதி த⁴க்ஷ்யதீத்யேநம் ப்³ரூயாத் ॥ 4 ॥

ஸர்வே ஸ்வரா கோ⁴ஷவந்தோ ப³லவந்தோ வக்தவ்யா இந்த்³ரே ப³லம் த³தா³நீதி ஸர்வ ஊஷ்மாணோ(அ)க்³ரஸ்தா அநிரஸ்தா விவ்ருதா வக்தவ்யா: ப்ரஜாபதேராத்மாநம் பரித³தா³நீதி ஸர்வே ஸ்பர்ஶாலேஶேநாநபி⁴நிஹிதா வக்தவ்யா ம்ருத்யோராத்மாநம் பரிஹராணீதி ॥ 5 ॥

த்ரயோ த⁴ர்மஸ்கந்தா⁴ யஜ்ஞோ(அ)த்⁴யயநம் தா³நமிதி ப்ரத²மஸ்தப ஏவ த்³விதீயோ ப்³ரஹ்மசார்யாசார்யகுலவாஸீ த்ருதீயோ(அ)த்யந்தமாத்மாநமாசார்யகுலே(அ)வஸாத³யந்ஸர்வ ஏதே புண்யலோகா ப⁴வந்தி ப்³ரஹ்மஸம்ஸ்தோ²(அ)ம்ருதத்வமேதி ॥ 1 ॥

ப்ரஜாபதிர்லோகாநப்⁴யதபத்தேப்⁴யோ(அ)பி⁴தப்தேப்⁴யஸ்த்ரயீ வித்³யா ஸம்ப்ராஸ்ரவத்தாமப்⁴யதபத்தஸ்யா அபி⁴தப்தாயா ஏதாந்யக்ஷராணி ஸம்ப்ராஸ்ரவந்த பூ⁴ர்பு⁴வ: ஸ்வரிதி ॥ 2 ॥

தாந்யப்⁴யதபத்தேப்⁴யோ(அ)பி⁴தப்தேப்⁴ய ஓங்கார: ஸம்ப்ராஸ்ரவத்தத்³யதா² ஶங்குநா ஸர்வாணி பர்ணாநி ஸந்த்ருண்ணாந்யேவமோங்காரேண ஸர்வா வாக்ஸந்த்ருண்ணோங்கார ஏவேத³ம் ஸர்வமோங்கார ஏவேத³ம் ஸர்வம் ॥ 3 ॥

ப்³ரஹ்மவாதி³நோ வத³ந்தி யத்³வஸூநாம் ப்ராத: ஸவநꣳ ருத்³ராணாம் மாத்⁴யந்தி³நꣳ ஸவநமாதி³த்யாநாம் ச விஶ்வேஷாம் ச தே³வாநாம் த்ருதீயஸவநம் ॥ 1 ॥

க்வ தர்ஹி யஜமாநஸ்ய லோக இதி ஸ யஸ்தம் ந வித்³யாத்கத²ம் குர்யாத³த² வித்³வாந்குர்யாத் ॥ 2 ॥

புரா ப்ராதரநுவாகஸ்யோபாகரணாஜ்ஜக⁴நேந கா³ர்ஹபத்யஸ்யோத³ங்முக² உபவிஶ்ய ஸ வாஸவம் ஸாமாபி⁴கா³யதி ॥ 3 ॥

லோ3கத்³வாரமபாவா3ர்ணூ 33 பஶ்யேம த்வா வயம் ரா 33333 ஹு3ம் ஆ 33 ஜ்யா 3 யோ 3 ஆ 32111 இதி ॥ 4 ॥

அத² ஜுஹோதி நமோ(அ)க்³நயே ப்ருதி²வீக்ஷிதே லோகக்ஷிதே லோகம் மே யஜமாநாய விந்தை³ஷ வை யஜமாநஸ்ய லோக ஏதாஸ்மி ॥ 5 ॥

அத்ர யஜமாந: பரஸ்தாதா³யுஷ: ஸ்வாஹாபஜஹி பரிக⁴மித்யுக்த்வோத்திஷ்ட²தி தஸ்மை வஸவ: ப்ராத:ஸவநம் ஸம்ப்ரயச்ச²ந்தி ॥ 6 ॥

லோ3கத்³வரமபாவா3ர்ணூ33 பஶ்யேம த்வா வயம் வைரா33333 ஹு3ம் ஆ33ஜ்யா3யோ3 ஆ32111இதி ॥ 8 ॥

அத்ர யஜமாந: பரஸ்தாதா³யுஷ: ஸ்வாஹாபஜஹி பரிக⁴மித்யுக்த்வோத்திஷ்ட²தி தஸ்மை ருத்³ரா மாத்⁴யந்தி³நம் ஸவநம் ஸம்ப்ரயச்ச²ந்தி ॥ 10 ॥

ஆதி³த்யமத² வைஶ்வதே³வம் லோ3கத்³வாரமபாவா3ர்ணூ33 பஶ்யேம த்வா வயம் ஸாம்ரா33333 ஹு3ம் ஆ33 ஜ்யா3யோ3ஆ 32111 இதி ॥ 13 ॥

ஏஷ வை யஜமாநஸ்ய லோக ஏதாஸ்ம்யத்ர யஜமாந: பரஸ்தாதா³யுஷ: ஸ்வாஹாபஹத பரிக⁴மித்யுக்த்வோத்திஷ்ட²தி ॥ 15 ॥

தஸ்மா ஆதி³த்யாஶ்ச விஶ்வே ச தே³வாஸ்த்ருதீயஸவநம் ஸம்ப்ரயஜ்ச²ந்த்யேஷ ஹ வை யஜ்ஞஸ்ய மாத்ராம் வேத³ ய ஏவம் வேத³ ய ஏவம் வேத³ ॥ 16 ॥