உஶந்ஹ வை வாஜஶ்ரவஸ: ஸர்வவேத³ஸம் த³தௌ³ । தஸ்ய ஹ நசிகேதா நாம புத்ர ஆஸ ॥ 1 ॥

தꣳ ஹ குமாரꣳ ஸந்தம் த³க்ஷிணாஸு நீயமாநாஸு ஶ்ரத்³தா⁴விவேஶ ஸோ(அ)மந்யத ॥ 2 ॥

பீதோத³கா ஜக்³த⁴த்ருணாது³க்³த⁴தோ³ஹா நிரிந்த்³ரியா: ।
அநந்தா³ நாம தே லோகாஸ்தாந்ஸ க³ச்ச²தி தா த³த³த் ॥ 3 ॥

ஸ ஹோவாச பிதரம் தத கஸ்மை மாம் தா³ஸ்யஸீதி த்³விதீயம் த்ருதீயம் தம் ஹோவாச ம்ருத்யவே த்வா த³தா³மீதி ॥ 4 ॥

ப³ஹூநாமேமி ப்ரத²மோ ப³ஹூநாமேமி மத்⁴யம: ।
கிம் ஸ்வித்³யமஸ்ய கர்தவ்யம் யந்மயாத்³ய கரிஷ்யதி ॥ 5 ॥

அநுபஶ்ய யதா² பூர்வே ப்ரதிபஶ்ய ததா² பரே ।
ஸஸ்யமிவ மர்த்ய: பச்யதே ஸஸ்யமிவாஜாயதே புந: ॥ 6 ॥

வைஶ்வாநர: ப்ரவிஶதி அதிதி²ர்ப்³ராஹ்மணோ க்³ருஹாந் ।
தஸ்யைதாம் ஶாந்திம் குர்வந்தி ஹர வைவஸ்வதோத³கம் ॥ 7 ॥

ஆஶாப்ரதீக்ஷே ஸங்க³தம் ஸூந்ருதாம் ச இஷ்டாபூர்தே புத்ரபஶூம்ஶ்ச ஸர்வாந் ।
ஏதத்³வ்ருங்க்தே புருஷஸ்யால்பமேத⁴ஸோ யஸ்யாநஶ்நந்வஸதி ப்³ராஹ்மணோ க்³ருஹே ॥ 8 ॥

திஸ்ரோ ராத்ரீர்யத³வாத்ஸீர்க்³ருஹே மே அநஶ்நந்ப்³ரஹ்மந்நதிதி²ர்நமஸ்ய: ।
நமஸ்தே(அ)ஸ்து ப்³ரஹ்மந்ஸ்வஸ்தி மே(அ)ஸ்து தஸ்மாத்ப்ரதி த்ரீந்வராந்வ்ருணீஷ்வ ॥ 9 ॥

ஶாந்தஸங்கல்ப: ஸுமநா யதா² ஸ்யாத்³வீதமந்யுர்கௌ³தமோ மாபி⁴ம்ருத்யோ ।
த்வத்ப்ரஸ்ருஷ்டம் மாபி⁴வதே³த்ப்ரதீத ஏதத்த்ரயாணாம் ப்ரத²மம் வரம் வ்ருணே ॥ 10 ॥

யதா² புரஸ்தாத்³ப⁴விதா ப்ரதீத ஔத்³தா³லகிராருணிர்மத்ப்ரஸ்ருஷ்ட: ।
ஸுக²ம் ராத்ரீ: ஶயிதா வீதமந்யுஸ்த்வாம் த³த்³ருஶிவாந்ம்ருத்யுமுகா²த்ப்ரமுக்தம் ॥ 11 ॥

ஸ்வர்கே³ லோகே ந ப⁴யம் கிஞ்சநாஸ்தி ந தத்ர த்வம் ந ஜரயா பி³பே⁴தி ।
உபே⁴ தீர்த்வா அஶநாயாபிபாஸே ஶோகாதிகோ³ மோத³தே ஸ்வர்க³லோகே ॥ 12 ॥

ஸ த்வமக்³நிம் ஸ்வர்க்³யமத்⁴யேஷி ம்ருத்யோ ப்ரப்³ரூஹி தம் ஶ்ரத்³த³தா⁴நாய மஹ்யம் ।
ஸ்வர்க³லோகா அம்ருதத்வம் ப⁴ஜந்த ஏதத்³த்³விதீயேந வ்ருணே வரேண ॥ 13 ॥

ப்ர தே ப்³ரவீமி தது³ மே நிபோ³த⁴ ஸ்வர்க்³யமக்³நிம் நசிகேத: ப்ரஜாநந் ।
அநந்தலோகாப்திமதோ² ப்ரதிஷ்டா²ம் வித்³தி⁴ த்வமேதம் நிஹிதம் கு³ஹாயாம் ॥ 14 ॥

லோகாதி³மக்³நிம் தமுவாச தஸ்மை யா இஷ்டகா யாவதீர்வா யதா² வா ।
ஸ சாபி தத்ப்ரத்யவத³த்³யதோ²க்தமதா²ஸ்ய ம்ருத்யு: புநரேவாஹ துஷ்ட: ॥ 15 ॥

தமப்³ரவீத்ப்ரீயமாணோ மஹாத்மா வரம் தவேஹாத்³ய த³தா³மி பூ⁴ய: ।
தவைவ நாம்நா ப⁴விதாயமக்³நி: ஸ்ருங்காம் சேமாமநேகரூபாம் க்³ருஹாண ॥ 16 ॥

த்ரிணாசிகேதஸ்த்ரிபி⁴ரேத்ய ஸந்தி⁴ம் த்ரிகர்மக்ருத்தரதி ஜந்மம்ருத்யூ ।
ப்³ரஹ்மஜஜ்ஞம் தே³வமீட்³யம் விதி³த்வா நிசாய்யேமாம் ஶாந்திமத்யந்தமேதி ॥ 17 ॥

த்ரிணாசிகேதஸ்த்ரயமேதத்³விதி³த்வா ய ஏவம் வித்³வாம்ஶ்சிநுதே நாசிகேதம் ।
ஸ ம்ருத்யுபாஶாந்புரத: ப்ரணோத்³ய ஶோகாதிகோ³ மோத³தே ஸ்வர்க³லோகே ॥ 18 ॥

ஏஷ தே(அ)க்³நிர்நசிகேத: ஸ்வர்க்³யோ யமவ்ருணீதா² த்³விதீயேந வரேண ।
ஏதமக்³நிம் தவைவ ப்ரவக்ஷ்யந்தி ஜநாஸஸ்த்ருதீயம் வரம் நசிகேதோ வ்ருணீஷ்வ ॥ 19 ॥

யேயம் ப்ரேதே விசிகித்ஸா மநுஷ்யே அஸ்தீத்யேகே நாயமஸ்தீதி சைகே ।
ஏதத்³வித்³யாமநுஶிஷ்டஸ்த்வயாஹம் வராணாமேஷ வரஸ்த்ருதீய: ॥ 20 ॥

தே³வைரத்ராபி விசிகித்ஸிதம் புரா ந ஹி ஸுவிஜ்ஞேயமணுரேஷ த⁴ர்ம: ।
அந்யம் வரம் நசிகேதோ வ்ருணீஷ்வ மா மோபரோத்ஸீரதி மா ஸ்ருஜைநம் ॥ 21 ॥

தே³வைரத்ராபி விசிகித்ஸிதம் கில த்வம் ச ம்ருத்யோ யந்ந ஸுஜ்ஞேயமாத்த² ।
வக்தா சாஸ்ய த்வாத்³ருக³ந்யோ ந லப்⁴யோ நாந்யோ வரஸ்துல்ய ஏதஸ்ய கஶ்சித் ॥ 22 ॥

ஶதாயுஷ: புத்ரபௌத்ராந்வ்ருணீஷ்வ ப³ஹூந்பஶூந்ஹஸ்திஹிரண்யமஶ்வாந் ।
பூ⁴மேர்மஹதா³யதநம் வ்ருணீஷ்வ ஸ்வயம் ச ஜீவ ஶரதோ³ யாவதி³ச்ச²ஸி ॥ 23 ॥

ஏதத்துல்யம் யதி³ மந்யஸே வரம் வ்ருணீஷ்வ வித்தம் சிரஜீவிகாம் ச ।
மஹாபூ⁴மௌ நசிகேதஸ்த்வமேதி⁴ காமாநாம் த்வா காமபா⁴ஜம் கரோமி ॥ 24 ॥

யே யே காமா து³ர்லபா⁴ மர்த்யலோகே ஸர்வாந்காமாம்ஶ்ச²ந்த³த: ப்ரார்த²யஸ்வ ।
இமா ராமா: ஸரதா²: ஸதூர்யா ந ஹீத்³ருஶா லம்ப⁴நீயா மநுஷ்யை: ।
ஆபி⁴ர்மத்ப்ரத்தாபி⁴: பரிசாரயஸ்வ நசிகேதோ மரணம் மாநுப்ராக்ஷீ: ॥ 25 ॥

ஶ்வோபா⁴வா மர்த்யஸ்ய யத³ந்தகைதத்ஸர்வேந்த்³ரியாணாம் ஜரயந்தி தேஜ: ।
அபி ஸர்வம் ஜீவிதமல்பமேவ தவைவ வாஹாஸ்தவ ந்ருத்யகீ³தே ॥ 26 ॥

ந வித்தேந தர்பணீயோ மநுஷ்யோ லப்ஸ்யாமஹே வித்தமத்³ராக்ஷ்ம சேத்த்வா ।
ஜீவிஷ்யாமோ யாவதீ³ஶிஷ்யஸி த்வம் வரஸ்து மே வரணீய: ஸ ஏவ ॥ 27 ॥

அஜீர்யதாமம்ருதாநாமுபேத்ய ஜீர்யந்மர்த்ய: க்வத⁴:ஸ்த²: ப்ரஜாநந் ।
அபி⁴த்⁴யாயந்வர்ணரதிப்ரமோதா³நதிதீ³ர்கே⁴ ஜீவிதே கோ ரமேத ॥ 28 ॥

யஸ்மிந்நித³ம் விசிகித்ஸந்தி ம்ருத்யோ யத்ஸாம்பராயே மஹதி ப்³ரூஹி நஸ்தத் ।
யோ(அ)யம் வரோ கூ³ட⁴மநுப்ரவிஷ்டோ நாந்யம் தஸ்மாந்நசிகேதா வ்ருணீதே ॥ 29 ॥

அந்யச்ச்²ரேயோ(அ)ந்யது³தைவ ப்ரேயஸ்தே உபே⁴ நாநார்தே² புருஷம் ஸிநீத: ।
தயோ: ஶ்ரேய ஆத³தா³நஸ்ய ஸாது⁴ ப⁴வதி ஹீயதே(அ)ர்தா²த்³ய உ ப்ரேயோ வ்ருணீதே ॥ 1 ॥

ஶ்ரேயஶ்ச ப்ரேயஶ்ச மநுஷ்யமேதஸ்தௌ ஸம்பரீத்ய விவிநக்தி தீ⁴ர: ।
ஶ்ரேயோ ஹி தீ⁴ரோ(அ)பி⁴ ப்ரேயஸோ வ்ருணீதே ப்ரேயோ மந்தோ³ யோக³க்ஷேமாத்³வ்ருணீதே ॥ 2 ॥

ஸ த்வம் ப்ரியாந்ப்ரியரூபாம்ஶ்ச காமாநபி⁴த்⁴யாயந்நசிகேதோ(அ)த்யஸ்ராக்ஷீ: ।
நைதாம் ஸ்ருங்காம் வித்தமயீமவாப்தோ யஸ்யாம் மஜ்ஜந்தி ப³ஹவோ மநுஷ்யா: ॥ 3 ॥

தூ³ரமேதே விபரீதே விஷூசீ அவித்³யா யா ச வித்³யேதி ஜ்ஞாதா ।
வித்³யாபீ⁴ப்ஸிநம் நசிகேதஸம் மந்யே ந த்வா காமா ப³ஹவோ(அ)லோலுபந்த ॥ 4 ॥

அவித்³யாயாமந்தரே வர்தமாநா: ஸ்வயம் தீ⁴ரா: பண்டி³தம்மந்யமாநா: ।
த³ந்த்³ரம்யமாணா: பரியந்தி மூடா⁴ அந்தே⁴நைவ நீயமாநா யதா²ந்தா⁴: ॥ 5 ॥

ந ஸாம்பராய: ப்ரதிபா⁴தி பா³லம் ப்ரமாத்³யந்தம் வித்தமோஹேந மூட⁴ம் ।
அயம் லோகோ நாஸ்தி பர இதி மாநீ புந: புநர்வஶமாபத்³யதே மே ॥ 6 ॥

ஶ்ரவணாயாபி ப³ஹுபி⁴ர்யோ ந லப்⁴ய: ஶ்ருண்வந்தோ(அ)பி ப³ஹவோ யம் ந வித்³யு: ।
ஆஶ்சர்யோ வக்தா குஶலோ(அ)ஸ்ய லப்³தா⁴ ஆஶ்சர்யோ ஜ்ஞாதா குஶலாநுஶிஷ்ட: ॥ 7 ॥

ந நரேணாவரேண ப்ரோக்த ஏஷ ஸுவிஜ்ஞேயோ ப³ஹுதா⁴ சிந்த்யமாந: ।
அநந்யப்ரோக்தே க³திரத்ர நாஸ்தி அணீயாந்ஹ்யதர்க்யமணுப்ரமாணாத் ॥ 8 ॥

நைஷா தர்கேண மதிராபநேயா ப்ரோக்தாந்யேநைவ ஸுஜ்ஞாநாய ப்ரேஷ்ட² ।
யாம் த்வமாப: ஸத்யத்⁴ருதிர்ப³தாஸி த்வாத்³ருங் நோ பூ⁴யாந்நசிகேத: ப்ரஷ்டா ॥ 9 ॥

ஜாநாம்யஹம் ஶேவதி⁴ரித்யநித்யம் ந ஹ்யத்⁴ருவை: ப்ராப்யதே ஹி த்⁴ருவம் தத் ।
ததோ மயா நாசிகேதஶ்சிதோ(அ)க்³நிரநித்யைர்த்³ரவ்யை: ப்ராப்தவாநஸ்மி நித்யம் ॥ 10 ॥

காமஸ்யாப்திம் ஜக³த: ப்ரதிஷ்டா²ம் க்ரதோரநந்த்யமப⁴யஸ்ய பாரம் ।
ஸ்தோமமஹது³ருகா³யம் ப்ரதிஷ்டா²ம் த்³ருஷ்ட்வா த்⁴ருத்யா தீ⁴ரோ நசிகேதோ(அ)த்யஸ்ராக்ஷீ: ॥ 11 ॥

தம் து³ர்த³ர்ஶம் கூ³ட⁴மநுப்ரவிஷ்டம் கு³ஹாஹிதம் க³ஹ்வரேஷ்ட²ம் புராணம் ।
அத்⁴யாத்மயோகா³தி⁴க³மேந தே³வம் மத்வா தீ⁴ரோ ஹர்ஷஶோகௌ ஜஹாதி ॥ 12 ॥

ஏதச்ச்²ருத்வா ஸம்பரிக்³ருஹ்ய மர்த்ய: ப்ரவ்ருஹ்ய த⁴ர்ம்யமணுமேதமாப்ய ।
ஸ மோத³தே மோத³நீயம் ஹி லப்³த்⁴வா விவ்ருதம் ஸத்³ம நசிகேதஸம் மந்யே ॥ 13 ॥

அந்யத்ர த⁴ர்மாத³ந்யத்ராத⁴ர்மாத³ந்யத்ராஸ்மாத்க்ருதாக்ருதாத் ।
அந்யத்ர பூ⁴தாச்ச ப⁴வ்யாச்ச யத்தத்பஶ்யஸி தத்³வத³ ॥ 14 ॥

ஸர்வே வேதா³ யத்பத³மாமநந்தி தபாம்ஸி ஸர்வாணி ச யத்³வத³ந்தி ।
யதி³ச்ச²ந்தோ ப்³ரஹ்மசர்யம் சரந்தி தத்தே பத³ம் ஸங்க்³ரஹேண ப்³ரவீம்யோமித்யேதத் ॥ 15 ॥

ஏதத்³த்⁴யேவாக்ஷரம் ப்³ரஹ்ம ஏதத்³த்⁴யேவாக்ஷரம் பரம் ।
ஏதத்³த்⁴யேவாக்ஷரம் ஜ்ஞாத்வா யோ யதி³ச்ச²தி தஸ்ய தத் ॥ 16 ॥

ஏததா³லம்ப³நம் ஶ்ரேஷ்ட²மேததா³லம்ப³நம் பரம் ।
ஏததா³லம்ப³நம் ஜ்ஞாத்வா ப்³ரஹ்மலோகே மஹீயதே ॥ 17 ॥

ந ஜாயதே ம்ரியதே வா விபஶ்சிந்நாயம் குதஶ்சிந்ந ப³பூ⁴வ கஶ்சித் ।
அஜோ நித்ய: ஶாஶ்வதோ(அ)யம் புராணோ ந ஹந்யதே ஹந்யமாநே ஶரீரே ॥ 18 ॥

ஹந்தா சேந்மந்யதே ஹந்தும் ஹதஶ்சேந்மந்யதே ஹதம் ।
உபௌ⁴ தௌ ந விஜாநீதோ நாயம் ஹந்தி ந ஹந்யதே ॥ 19 ॥

அணோரணீயாந்மஹதோ மஹீயாநாத்மாஸ்ய ஜந்தோர்நிஹிதோ கு³ஹாயாம் ।
தமக்ரது: பஶ்யதி வீதஶோகோ தா⁴துப்ரஸாதா³ந்மஹிமாநமாத்மந: ॥ 20 ॥

ஆஸீநோ தூ³ரம் வ்ரஜதி ஶயாநோ யாதி ஸர்வத: ।
கஸ்தம் மதா³மத³ம் தே³வம் மத³ந்யோ ஜ்ஞாதுமர்ஹதி ॥ 21 ॥

அஶரீரம் ஶரீரேஷு அநவஸ்தே²ஷ்வவஸ்தி²தம் ।
மஹாந்தம் விபு⁴மாத்மாநம் மத்வா தீ⁴ரோ ந ஶோசதி ॥ 22 ॥

நாயமாத்மா ப்ரவசநேந லப்⁴யோ ந மேத⁴யா ந ப³ஹுநா ஶ்ருதேந ।
யமேவைஷ வ்ருணுதே தேந லப்⁴யஸ்தஸ்யைஷ ஆத்மா விவ்ருணுதே தநூம்ஸ்வாம் ॥ 23 ॥

நாவிரதோ து³ஶ்சரிதாந்நாஶாந்தோ நாஸமாஹித: ।
நாஶாந்தமாநஸோ வாபி ப்ரஜ்ஞாநேநைநமாப்நுயாத் ॥ 24 ॥

யஸ்ய ப்³ரஹ்ம ச க்ஷத்ரம் ச உபே⁴ ப⁴வத ஓத³ந: ।
ம்ருத்யுர்யஸ்யோபஸேசநம் க இத்தா² வேத³ யத்ர ஸ: ॥ 25 ॥

ருதம் பிப³ந்தௌ ஸுக்ருதஸ்ய லோகே கு³ஹாம் ப்ரவிஷ்டௌ பரமே பரார்தே⁴ ।
சா²யாதபௌ ப்³ரஹ்மவிதோ³ வத³ந்தி பஞ்சாக்³நயோ யே ச த்ரிணாசிகேதா: ॥ 1 ॥

ய: ஸேதுரீஜாநாநாமக்ஷரம் ப்³ரஹ்ம யத்பரம் ।
அப⁴யம் திதீர்ஷதாம் பாரம் நாசிகேதம் ஶகேமஹி ॥ 2 ॥

ஆத்மாநம் ரதி²நம் வித்³தி⁴ ஶரீரம் ரத²மேவ து ।
பு³த்³தி⁴ம் து ஸாரதி²ம் வித்³தி⁴ மந: ப்ரக்³ரஹமேவ ச ॥ 3 ॥

இந்த்³ரியாணி ஹயாநாஹுர்விஷயாம்ஸ்தேஷு கோ³சராந் ।
ஆத்மேந்த்³ரியமநோயுக்தம் போ⁴க்தேத்யாஹுர்மநீஷிண: ॥ 4 ॥

யஸ்த்வவிஜ்ஞாநவாந்ப⁴வத்யயுக்தேந மநஸா ஸதா³ ।
தஸ்யேந்த்³ரியாண்யவஶ்யாநி து³ஷ்டாஶ்வா இவ ஸாரதே²: ॥ 5 ॥

யஸ்து விஜ்ஞாநவாந்ப⁴வதி யுக்தேந மநஸா ஸதா³ ।
தஸ்யேந்த்³ரியாணி வஶ்யாநி ஸத³ஶ்வா இவ ஸாரதே²: ॥ 6 ॥

யஸ்த்வவிஜ்ஞாநவாந்ப⁴வத்யமநஸ்க: ஸதா³ஶுசி: ।
ந ஸ தத்பத³மாப்நோதி ஸம்ஸாரம் சாதி⁴க³ச்ச²தி ॥ 7 ॥

யஸ்து விஜ்ஞாநவாந்ப⁴வதி ஸமநஸ்க: ஸதா³ ஶுசி: ।
ஸ து தத்பத³மாப்நோதி யஸ்மாத்³பூ⁴யோ ந ஜாயதே ॥ 8 ॥

விஜ்ஞாநஸாரதி²ர்யஸ்து மந:ப்ரக்³ரஹவாந்நர: ।
ஸோ(அ)த்⁴வந: பாரமாப்நோதி தத்³விஷ்ணோ: பரமம் பத³ம் ॥ 9 ॥

இந்த்³ரியேப்⁴ய: பரா ஹ்யர்தா² அர்தே²ப்⁴யஶ்ச பரம் மந: ।
மநஸஸ்து பரா பு³த்³தி⁴ர்பு³த்³தே⁴ராத்மா மஹாந்பர: ॥ 10 ॥

மஹத: பரமவ்யக்தமவ்யக்தாத்புருஷ: பர: ।
புருஷாந்ந பரம் கிஞ்சித்ஸா காஷ்டா² ஸா பரா க³தி: ॥ 11 ॥

ஏஷ ஸர்வேஷு பூ⁴தேஷு கூ³டோ⁴(அ)த்மா ந ப்ரகாஶதே ।
த்³ருஶ்யதே த்வக்³ந்யயா பு³த்³த்⁴யா ஸூக்ஷ்மயா ஸூக்ஷ்மத³ர்ஶிபி⁴: ॥ 12 ॥

யச்சே²த்³வாங்மநஸீ ப்ராஜ்ஞஸ்தத்³யச்சே²ஜ்ஜ்ஞாந ஆத்மநி ।
ஜ்ஞாநமாத்மநி மஹதி நியச்சே²த்தத்³யச்சே²ச்சா²ந்த ஆத்மநி ॥ 13 ॥

உத்திஷ்ட²த ஜாக்³ரத ப்ராப்ய வராந்நிபோ³த⁴த ।
க்ஷுரஸ்ய தா⁴ரா நிஶிதா து³ரத்யயா து³ர்க³ம் பத²ஸ்தத்கவயோ வத³ந்தி ॥ 14 ॥

அஶப்³த³மஸ்பர்ஶமரூபமவ்யயம் ததா²ரஸம் நித்யமக³ந்த⁴வச்ச யத் ।
அநாத்³யநந்தம் மஹத: பரம் த்⁴ருவம் நிசாய்ய தம் ம்ருத்யுமுகா²த்ப்ரமுச்யதே ॥ 15 ॥

நாசிகேதமுபாக்²யாநம் ம்ருத்யுப்ரோக்தம் ஸநாதநம் ।
உக்த்வா ஶ்ருத்வா ச மேதா⁴வீ ப்³ரஹ்மலோகே மஹீயதே ॥ 16 ॥

ய இமம் பரமம் கு³ஹ்யம் ஶ்ராவயேத்³ப்³ரஹ்மஸம்ஸதி³ । ப்ரயத: ஶ்ராத்³த⁴காலே வா ததா³நந்த்யாய கல்பதே ॥
ததா³நந்த்யாய கல்பத இதி ॥ 17 ॥

பராஞ்சி கா²நி வ்யத்ருணத்ஸ்வயம்பூ⁴ஸ்தஸ்மாத்பராங் பஶ்யதி நாந்தராத்மந் ।
கஶ்சித்³தீ⁴ர: ப்ரத்யகா³த்மாநமைக்ஷதா³வ்ருத்தசக்ஷுரம்ருதத்வமிச்ச²ந் ॥ 1 ॥

பராச: காமாநநுயந்தி பா³லாஸ்தே ம்ருத்யோர்யந்தி விததஸ்ய பாஶம் ।
அத² தீ⁴ரா அம்ருதத்வம் விதி³த்வா த்⁴ருவமத்⁴ருவேஷ்விஹ ந ப்ரார்த²யந்தே ॥ 2 ॥

யேந ரூபம் ரஸம் க³ந்த⁴ம் ஶப்³தா³ந்ஸ்பர்ஶாம்ஶ்ச மைது²நாந் ।
ஏதேநைவ விஜாநாதி கிமத்ர பரிஶிஷ்யதே । ஏதத்³வை தத் ॥ 3 ॥

ஸ்வப்நாந்தம் ஜாக³ரிதாந்தம் சோபௌ⁴ யேநாநுபஶ்யதி ।
மஹாந்தம் விபு⁴மாத்மாநம் மத்வா தீ⁴ரோ ந ஶோசதி ॥ 4 ॥

ய இமம் மத்⁴வத³ம் வேத³ ஆத்மாநம் ஜீவமந்திகாத் ।
ஈஶாநம் பூ⁴தப⁴வ்யஸ்ய ந ததோ விஜுகு³ப்ஸதே । ஏதத்³வை தத் ॥ 5 ॥

ய: பூர்வம் தபஸோ ஜாதமத்³ப்⁴ய: பூர்வமஜாயத ।
கு³ஹாம் ப்ரவிஶ்ய திஷ்ட²ந்தம் யோ பூ⁴தேபி⁴ர்வ்யபஶ்யத । ஏதத்³வை தத் ॥ 6 ॥

யா ப்ராணேந ஸம்ப⁴வதி அதி³திர்தே³வதாமயீ ।
கு³ஹாம் ப்ரவிஶ்ய திஷ்ட²ந்தீம் யா பூ⁴தேபி⁴ர்வ்யஜாயத । ஏதத்³வை தத் ॥ 7 ॥

அரண்யோர்நிர்ஹிதோ ஜாதவேதா³ க³ர்ப⁴ இவ ஸுப்⁴ருதோ க³ர்பி⁴ணீபி⁴: ।
தி³வே தி³வ ஈட்³யோ ஜாக்³ருவத்³பி⁴ர்ஹவிஷ்மத்³பி⁴ர்மநுஷ்யேபி⁴ரக்³நி: । ஏதத்³வை தத் ॥ 8 ॥

யதஶ்சோதே³தி ஸூர்ய: அஸ்தம் யத்ர ச க³ச்ச²தி ।
தம் தே³வா: ஸர்வே அர்பிதாஸ்தது³ நாத்யேதி கஶ்சந । ஏதத்³வை தத் ॥ 9 ॥

யதே³வேஹ தத³முத்ர யத³முத்ர தத³ந்விஹ ।
ம்ருத்யோ: ஸ ம்ருத்யுமாப்நோதி ய இஹ நாநேவ பஶ்யதி ॥ 10 ॥

மநஸைவேத³மாப்தவ்யம் நேஹ நாநாஸ்தி கிஞ்சந ।
ம்ருத்யோ: ஸ ம்ருத்யும் க³ச்ச²தி ய இஹ நாநேவ பஶ்யதி ॥ 11 ॥

அங்கு³ஷ்ட²மாத்ர: புருஷோ மத்⁴ய ஆத்மநி திஷ்ட²தி ।
ஈஶாநம் பூ⁴தப⁴வ்யஸ்ய ந ததோ விஜுகு³ப்ஸதே । ஏதத்³வை தத் ॥ 12 ॥

அங்கு³ஷ்ட²மாத்ர: புருஷோ ஜ்யோதிரிவாதூ⁴மக: ।
ஈஶாநோ பூ⁴தப⁴வ்யஸ்ய ஸ ஏவாத்³ய ஸ உ ஶ்வ: । ஏதத்³வை தத் ॥ 13 ॥

யதோ²த³கம் து³ர்கே³ வ்ருஷ்டம் பர்வதேஷு விதா⁴வதி ।
ஏவம் த⁴ர்மாந்ப்ருத²க்பஶ்யம்ஸ்தாநேவாநுவிதா⁴வதி ॥ 14 ॥

யதோ²த³கம் ஶுத்³தே⁴ ஶுத்³த⁴மாஸிக்தம் தாத்³ருகே³வ ப⁴வதி । ஏவம் முநேர்விஜாநத ஆத்மா ப⁴வதி கௌ³தம ॥ 15 ॥

புரமேகாத³ஶத்³வாரமஜஸ்யாவக்ரசேதஸ: ।
அநுஷ்டா²ய ந ஶோசதி விமுக்தஶ்ச விமுச்யதே । ஏதத்³வை தத் ॥ 1 ॥

ஹம்ஸ: ஶுசிஷத்³வஸுரந்தரிக்ஷஸத்³தோ⁴தா வேதி³ஷத³திதி²ர்து³ரோணஸத் ।
ந்ருஷத்³வரஸத்³ருதஸத்³வ்யோமஸத³ப்³ஜா கோ³ஜா ருதஜா அத்³ரிஜா ருதம் ப்³ருஹத் ॥ 2 ॥

ஊர்த்⁴வம் ப்ராணமுந்நயதி அபாநம் ப்ரத்யக³ஸ்யதி ।
மத்⁴யே வாமநமாஸீநம் விஶ்வே தே³வா உபாஸதே ॥ 3 ॥

அஸ்ய விஸ்ரம்ஸமாநஸ்ய ஶரீரஸ்த²ஸ்ய தே³ஹிந: ।
தே³ஹாத்³விமுச்யமாநஸ்ய கிமத்ர பரிஶிஷ்யதே । ஏதத்³வை தத் ॥ 4 ॥

ந ப்ராணேந நாபாநேந மர்த்யோ ஜீவதி கஶ்சந ।
இதரேண து ஜீவந்தி யஸ்மிந்நேதாவுபாஶ்ரிதௌ ॥ 5 ॥

ஹந்த த இத³ம் ப்ரவக்ஷ்யாமி கு³ஹ்யம் ப்³ரஹ்ம ஸநாதநம் ।
யதா² ச மரணம் ப்ராப்ய ஆத்மா ப⁴வதி கௌ³தம ॥ 6 ॥

யோநிமந்யே ப்ரபத்³யந்தே ஶரீரத்வாய தே³ஹிந: ।
ஸ்தா²ணுமந்யே(அ)நுஸம்யந்தி யதா²கர்ம யதா²ஶ்ருதம் ॥ 7 ॥

ய ஏஷ ஸுப்தேஷு ஜாக³ர்தி காமம் காமம் புருஷோ நிர்மிமாண: । ததே³வ ஶுக்ரம் தத்³ப்³ரஹ்ம ததே³வாம்ருதமுச்யதே ।
தஸ்மிம்ல்லோகா: ஶ்ரிதா: ஸர்வே தது³ நாத்யேதி கஶ்சந । ஏதத்³வை தத் ॥ 8 ॥

அக்³நிர்யதை²கோ பு⁴வநம் ப்ரவிஷ்டோ ரூபம் ரூபம் ப்ரதிரூபோ ப³பூ⁴வ ।
ஏகஸ்ததா² ஸர்வபூ⁴தாந்தராத்மா ரூபம் ரூபம் ப்ரதிரூபோ ப³ஹிஶ்ச ॥ 9 ॥

வாயுர்யதை²கோ பு⁴வநம் ப்ரவிஷ்டோ ரூபம் ரூபம் ப்ரதிரூபோ ப³பூ⁴வ ।
ஏகஸ்ததா² ஸர்வபூ⁴தாந்தராத்மா ரூபம் ரூபம் ப்ரதிரூபோ ப³ஹிஶ்ச ॥ 10 ॥

ஸூர்யோ யதா² ஸர்வலோகஸ்ய சக்ஷுர்ந லிப்யதே சாக்ஷுஷைர்பா³ஹ்யதோ³ஷை: ।
ஏகஸ்ததா² ஸர்வபூ⁴தாந்தராத்மா ந லிப்யதே லோகது³:கே²ந பா³ஹ்ய: ॥ 11 ॥

ஏகோ வஶீ ஸர்வபூ⁴தாந்தராத்மா ஏகம் ரூபம் ப³ஹுதா⁴ ய: கரோதி ।
தமாத்மஸ்த²ம் யே(அ)நுபஶ்யந்தி தீ⁴ராஸ்தேஷாம் ஸுக²ம் ஶாஶ்வதம் நேதரேஷாம் ॥ 12 ॥

நித்யோ நித்யாநாம் சேதநஶ்சேதநாநாமேகோ ப³ஹூநாம் யோ வித³தா⁴தி காமாந் ।
தமாத்மஸ்த²ம் யே(அ)நுபஶ்யந்தி தீ⁴ராஸ்தேஷாம் ஶாந்தி: ஶாஶ்வதீ நேதரேஷாம் ॥ 13 ॥

ததே³ததி³தி மந்யந்தே(அ)நிர்தே³ஶ்யம் பரமம் ஸுக²ம் ।
கத²ம் நு தத்³விஜாநீயாம் கிமு பா⁴தி விபா⁴தி வா ॥ 14 ॥

ந தத்ர ஸூர்யோ பா⁴தி ந சந்த்³ரதாரகம் நேமா வித்³யுதோ பா⁴ந்தி குதோ(அ)யமக்³நி: ।
தமேவ பா⁴ந்தமநுபா⁴தி ஸர்வம் தஸ்ய பா⁴ஸா ஸர்வமித³ம் விபா⁴தி ॥ 15 ॥

ஊர்த்⁴வமூலோ(அ)வாக்ஶாக² ஏஷோ(அ)ஶ்வத்த²: ஸநாதந: ।
ததே³வ ஶுக்ரம் தத்³ப்³ரஹ்ம ததே³வாம்ருதமுச்யதே ।
தஸ்மிம்ல்லோகா: ஶ்ரிதா: ஸர்வே தது³ நாத்யேதி கஶ்சந । ஏதத்³வை தத் ॥ 1 ॥

யதி³த³ம் கிஞ்ச ஜக³த்ஸர்வம் ப்ராண ஏஜதி நி:ஸ்ருதம் ।
மஹத்³ப⁴யம் வஜ்ரமுத்³யதம் ய ஏதத்³விது³ரம்ருதாஸ்தே ப⁴வந்தி ॥ 2 ॥

ப⁴யாத³ஸ்யாக்³நிஸ்தபதி ப⁴யாத்தபதி ஸூர்ய: ।
ப⁴யாதி³ந்த்³ரஶ்ச வாயுஶ்ச ம்ருத்யுர்தா⁴வதி பஞ்சம: ॥ 3 ॥

இஹ சேத³ஶகத்³போ³த்³து⁴ம் ப்ராக்ஶரீரஸ்ய விஸ்ரஸ: ।
தத: ஸர்கே³ஷு லோகேஷு ஶரீரத்வாய கல்பதே ॥ 4 ॥

யதா²த³ர்ஶே ததா²த்மநி யதா² ஸ்வப்நே ததா² பித்ருலோகே ।
யதா²ப்ஸு பரீவ த³த்³ருஶே ததா² க³ந்த⁴ர்வலோகே ச்சா²யாதபயோரிவ ப்³ரஹ்மலோகே ॥ 5 ॥

இந்த்³ரியாணாம் ப்ருத²க்³பா⁴வமுத³யாஸ்தமயௌ ச யத் ।
ப்ருத²கு³த்பத்³யமாநாநாம் மத்வா தீ⁴ரோ ந ஶோசதி ॥ 6 ॥

இந்த்³ரியேப்⁴ய: பரம் மநோ மநஸ: ஸத்த்வமுத்தமம் ।
ஸத்த்வாத³தி⁴ மஹாநாத்மா மஹதோ(அ)வ்யக்தமுத்தமம் ॥ 7 ॥

அவ்யக்தாத்து பர: புருஷோ வ்யாபகோ(அ)லிங்க³ ஏவ ச ।
யம் ஜ்ஞாத்வா முச்யதே ஜந்துரம்ருதத்வம் ச க³ச்ச²தி ॥ 8 ॥

ந ஸந்த்³ருஶே திஷ்ட²தி ரூபமஸ்ய ந சக்ஷுஷா பஶ்யதி கஶ்சநைநம் ।
ஹ்ருதா³ மநீஷா மநஸாபி⁴க்ல்ருப்தோ ய ஏதத்³விது³ரம்ருதாஸ்தே ப⁴வந்தி ॥ 9 ॥

யதா³ பஞ்சாவதிஷ்ட²ந்தே ஜ்ஞாநாநி மநஸா ஸஹ ।
பு³த்³தி⁴ஶ்ச ந விசேஷ்டதி தாமாஹு: பரமாம் க³திம் ॥ 10 ॥

தாம் யோக³மிதி மந்யந்தே ஸ்தி²ராமிந்த்³ரியதா⁴ரணாம் ।
அப்ரமத்தஸ்ததா³ ப⁴வதி யோகோ³ ஹி ப்ரப⁴வாப்யயௌ ॥ 11 ॥

நைவ வாசா ந மநஸா ப்ராப்தும் ஶக்யோ ந சக்ஷுஷா ।
அஸ்தீதி ப்³ருவதோ(அ)ந்யத்ர கத²ம் தது³பலப்⁴யதே ॥ 12 ॥

அஸ்தீத்யேவோபலப்³த⁴வ்யஸ்தத்த்வபா⁴வேந சோப⁴யோ: ।
அஸ்தீத்யேவோபலப்³த⁴ஸ்ய தத்த்வபா⁴வ: ப்ரஸீத³தி ॥ 13 ॥

யதா³ ஸர்வே ப்ரமுச்யந்தே காமா யே(அ)ஸ்ய ஹ்ருதி³ ஶ்ரிதா: ।
அத² மர்த்யோ(அ)ம்ருதோ ப⁴வத்யத்ர ப்³ரஹ்ம ஸமஶ்நுதே ॥ 14 ॥

யதா³ ஸர்வே ப்ரபி⁴த்³யந்தே ஹ்ருத³யஸ்யேஹ க்³ரந்த²ய: ।
அத² மர்த்யோ(அ)ம்ருதோ ப⁴வத்யேதாவத்³த்⁴யநுஶாஸநம் ॥ 15 ॥

ஶதம் சைகா ச ஹ்ருத³யஸ்ய நாட்³யஸ்தாஸாம் மூர்தா⁴நமபி⁴நி:ஸ்ருதைகா ।
தயோர்த்⁴வமாயந்நம்ருதத்வமேதி விஷ்வங்ஙந்யா உத்க்ரமணே ப⁴வந்தி ॥ 16 ॥

அங்கு³ஷ்ட²மாத்ர: புருஷோ(அ)ந்தராத்மா ஸதா³ ஜநாநாம் ஹ்ருத³யே ஸம்நிவிஷ்ட: । தம் ஸ்வாச்ச²ரீராத்ப்ரவ்ருஹேந்முஞ்ஜாதி³வேஷீகாம் தை⁴ர்யேண ।
தம் வித்³யாச்சு²க்ரமம்ருதம் தம் வித்³யாச்சு²க்ரமம்ருதமிதி ॥ 17 ॥

ம்ருத்யுப்ரோக்தாம் நசிகேதோ(அ)த² லப்³த்⁴வா வித்³யாமேதாம் யோக³விதி⁴ம் ச க்ருத்ஸ்நம் ।
ப்³ரஹ்ம ப்ராப்தோ விரஜோ(அ)பூ⁴த்³விம்ருத்யுரந்யோ(அ)ப்யேவம் யோ வித³த்⁴யாத்மமேவ ॥ 18 ॥

ஸஹ நாவவது । ஸஹ நௌ பு⁴நக்து । ஸஹ வீர்யம் கரவாவஹை । தேஜஸ்வி நாவதீ⁴தமஸ்து மா வித்³விஷாவஹை ॥ 19 ॥