ப்ராணோ ப்³ரஹ்மேதி ஹ ஸ்மாஹ கௌஷீதகிஸ்தஸ்ய ஹ வா ஏதஸ்ய ப்ராணஸ்ய
ப்³ரஹ்மணோ மநோ தூ³தம் வாக்பரிவேஷ்ட்ரீ சக்ஷுர்கா³த்ரம் ஶ்ரோத்ரம்
ஸம்ஶ்ராவயித்ரு யோ ஹ வா ஏதஸ்ய ப்ராணஸ்ய ப்³ரஹ்மணோ மநோ தூ³தம்
வேத³ தூ³தவாந்ப⁴வதி யோ வாசம் பரிவேஷ்ட்ரீம்
பரிவேஷ்ட்ரீமாந்ப⁴வதி தஸ்மை வா ஏதஸ்மை ப்ராணாய ப்³ரஹ்மண ஏதா:
ஸர்வா தே³வதா அயாசமாநா ப³லிம் ஹரந்தி ததோ² ஏவாஸ்மை ஸர்வாணி
பூ⁴தாந்யயாசமாநாயைவ ப³லிம் ஹரந்தி ய ஏவம் வேத³
தஸ்யோபநிஷந்ந யாசேதி³தி தத்³யதா² க்³ராமம் பி⁴க்ஷித்வா
லப்³தோ⁴பவிஶேந்நாஹக³தோ த³த்தமஶ்நீயாமிதி ய ஏவைநம்
புரஸ்தாத்ப்ரத்யாசக்ஷீரம்ஸ்த ஏவைநமுபமந்த்ரயந்தே த³தா³ம த
இத்யேஷ த⁴ர்மோ யாசதோ ப⁴வத்யநந்தரஸ்தேவைநமுபமந்த்ரயந்தே
த³தா³ம த இதி ॥ 1 ॥

ப்ராணோ ப்³ரஹ்மேதி ஹ ஸ்மாஹ பைங்க்³யஸ்தஸ்ய வா ஏதஸ்ய ப்ராணஸ்ய ப்³ரஹ்மணோ வாக் பரஸ்தாச்சக்ஷுராருந்த⁴தே சக்ஷு: பரஸ்தாச்ச்²ரோத்ரமாருந்த⁴தே ஶ்ரோத்ரம் பரஸ்தாந்மந ஆருந்த⁴தே மந: பரஸ்தாத் ப்ராண ஆருந்த⁴தே தஸ்மை வா ஏதஸ்மை ப்ராணாய ப்³ரஹ்மண ஏதா: ஸர்வா தே³வதா அயாசமாநாய ப³லிம் ஹரந்த்யேவம் ஹைவாஸ்மை ஸர்வாணி பூ⁴தாந்யயாசமாநாயைவ ப³லிம் ஹரந்தி ய ஏவம் வேத³ தஸ்யோபநிஷந்ந யாசேதி³தி தத்³யதா² க்³ராமம் பி⁴க்ஷித்வா(அ)லப்³த்⁴வோபவிஶேந்நாஹமதோ த³த்தமஶ்நீயாமிதி த ஏவைநமுபமந்த்ரயந்தே யே புரஸ்தாத் ப்ரத்யாசக்ஷீரந்நேஷ த⁴ர்மோ(அ)யாசதோ ப⁴வத்யந்நதா³ஸ்த்வேவைநமுபமந்த்ரயந்தே த³தா³ம த இதி ॥ 2 ॥

அதா²த ஏகத⁴நாவரோத⁴நம்
யதே³கத⁴நமபி⁴த்⁴யாயாத்பௌர்ணமாஸ்யாம் வாமாவாஸ்யாம் வா
ஶுத்³த⁴பக்ஷே வா புண்யே நக்ஷத்ரே(அ)க்³நிமுபஸமாதா⁴ய பரிஸமுஹ்ய
பரிஸ்தீர்ய பர்யுக்ஷ பூர்வத³க்ஷிணம் ஜாந்வாச்ய ஸ்ருவேண வா
சமஸேந வா கம்ஸேந வைதா ஆஜ்யாஹுதீர்ஜுஹோதி
வாங்நாமதே³வதாவரோதி⁴நீ ஸா மே(அ)முஷ்மாதி³த³மவருந்த்³தா⁴ம் தஸ்யை
ஸ்வாஹா சக்ஷுர்நாம தே³வதாவரோதி⁴நீ ஸா
மே(அ)முஷ்மாதி³த³மவருந்த்³தா⁴ம் தஸ்யை ஸ்வாஹா ஶ்ரோத்ரம் நாம
தே³வதாவரோதி⁴நீ ஸா மே(அ)முஷ்மாதி³த³மவருந்த்³தா⁴ம் தஸ்யை ஸ்வாஹா
மநோ நாம தே³வதாவரோதி⁴நீ ஸா மே(அ)முஷ்மாதி³த³மவருந்த்³தா⁴ம்
தஸ்யை ஸ்வாஹைத்யத² தூ⁴மக³ந்த⁴ம்
ப்ரஜிகா⁴யாஜ்யலேபேநாங்கா³ந்யநுவிம்ருஜ்ய
வாசம்யமோ(அ)பி⁴ப்ரவ்ருஜ்யார்த²ம் ப்³ரவீத தூ³தம் வா
ப்ரஹிணுயால்லப⁴தே ஹைவ ॥ 3 ॥

அதா²தோ தை³வஸ்மரோ யஸ்ய ப்ரியோ பு³பூ⁴ஷேயஸ்யை வா ஏஷாம்
வைதேஷமேவைதஸ்மிந்பர்வண்யக்³நிமுபஸமாதா⁴யைதயைவாவ்ருதைதா
ஜுஹோம்யஸௌ ஸ்வாஹா சக்ஷுஸ்தே மயி ஜுஹோம்யஸௌ ஸ்வாஹா ப்ரஜ்ஞாநம் தே
மயி ஜுஹோம்யஸௌ ஸ்வாஹேத்யத² தூ⁴மக³ந்த⁴ம்
ப்ரஜிகா⁴யாஜ்யலேபேநாங்கா³ந்யநுவிம்ருஜ்ய வாசம்யமோ(அ)பி⁴ப்ரவ்ருஜ்ய
ஸம்ஸ்பர்ஶம் ஜிக³மிஷேத³பி வாதாத்³வா
ஸம்பா⁴ஷமாணஸ்திஷ்டே²த்ப்ரியோ ஹைவ ப⁴வதி ஸ்மரந்தி ஹைவாஸ்ய ॥ 4 ॥

அதா²த: ஸாயமந்நம் ப்ராதர்த³நமம்தரமக்³நிஹோத்ரமித்யாசக்ஷதே
யாவத்³வை
புருஷோ பா⁴ஸதே ந தாவத்ப்ராணிதும் ஶக்நோதி ப்ராணம் ததா³ வாசி
ஜுஹோதி
யாவத்³வை புருஷ: ப்ராணிதி ந தாவத்³பா⁴ஷிதும் ஶக்நோதி வாசம்
ததா³ ப்ராணே ஜுஹோத்யேதே(அ)நந்தே(அ)ம்ருதாஹுதிர்ஜாக்³ரச்ச ஸ்வபம்ஶ்ச
ஸந்ததமவச்சி²ந்நம் ஜுஹோத்யத² யா அந்யா ஆஹுதயோ(அ)ந்தவத்யஸ்தா:
கர்மமய்யோப⁴வந்த்யேதத்³த⁴ வை பூர்வே வித்³வாம்ஸோ(அ)க்³நிஹோத்ரம்
ஜுஹவாஞ்சக்ரு: ॥ 5 ॥

உக்த²ம் ப்³ரஹ்மேதி ஹ ஸ்மாஹ ஶுஷ்கப்⁴ருங்க³ரஸ்தத்³ருகி³த்யுபாஸீத
ஸர்வாணி ஹாஸ்மை பூ⁴தாநி ஶ்ரைஷ்ட்²யாயாப்⁴யர்ச்யந்தே
தத்³யஜுரித்யுபாஸீத ஸர்வாணி ஹாஸ்மை பூ⁴தாநி ஶ்ரைஷ்ட்²யாய
யுஜ்யந்தே தத்ஸாமேத்யுபாஸீத ஸர்வாணி ஹாஸ்மை பூ⁴தாநி
ஶ்ரைஷ்ட்²யாய ஸந்நமந்தே தச்ச்²ரீத்யுபாஸீத தத்³யஶ
இத்யுபாஸீத தத்தேஜ இத்யுபாஸீத தத்³யதை²தச்சா² ஸ்த்ராணா । ம்
ஶ்ரீமத்தமம் யஶஸ்விதமம் தேஜஸ்விதமம் ப⁴வதி ததோ² ஏவைவம்
வித்³வாந்ஸர்வேஷாம் பூ⁴தாநாம் ஶ்ரீமத்தமோ யஶஸ்விதமஸ்தேஜஸ்விதமோ
ப⁴வதி தமேதமைஷ்டகம் கர்மமயமாத்மாநமத்⁴வர்யு: ஸம்ஸ்கரோதி
தஸ்மிந்யஜுர்ப⁴யம் ப்ரவயதி யஜுர்மயம் ருங்மயம் ஹோதா ருங்மயம்
ஸாமமயமுத்³கா³தா ஸ ஏஷ ஸர்வஸ்யை த்ரயீவித்³யாயா ஆத்மைஷ உத
ஏவாஸ்யாத்யைததா³த்மா ப⁴வதி ஏவம் வேத³ ॥ 6 ॥

அதா²த: ஸர்வஜித: கௌஷீதகேஸ்ரீண்யுபாஸநாநி ப⁴வந்தி
யஜ்ஞோபவீதம் க்ருத்வாப ஆசம்ய த்ரிருத³பாத்ரம்
ப்ரஸிச்யோத்³யந்தமாதி³த்யமுபதிஷ்டே²த வர்கோ³(அ)ஸி பாப்மாநம் மே
வ்ருங்தீ⁴த்யேதயைவாவ்ருதா மத்⁴யே ஸந்தமுத்³வர்கோ³(அ)ஸி பாப்மாநம் ம
உத்³த்⁴ருங்தீ⁴த்யேதயைவாவ்ருதாஸ்தே யந்தம் ஸம்வர்கோ³(அ)ஸி பாப்மாநம்
மே ஸம்வ்ருங்தீ⁴தி யத³ஹோராத்ராப்⁴யாம் பாபம் கரோதி
ஸந்தத்³த்⁴ருங்க்தே ॥ 7 ॥

அத² மாஸி மாஸ்யமாவாஸ்யாயாம் பஶ்சாச்சந்த்³ரமஸம்
த்³ருஶ்யமாநமுபதிஷ்டே²தைவாவ்ருதா ஹரிதத்ருணாப்⁴யாமத² வாக்
ப்ரத்யஸ்யதி யத்தே ஸுஸீமம் ஹ்ருத³யமதி⁴சந்த்³ரமஸி ஶ்ரிதம் ॥
தேநாம்ருதத்வஸ்யேஶாநம் மாஹம் பௌத்ரமக⁴ம் ருத³மிதி ந
ஹாஸ்மாத்பூர்வா: ப்ரஜா: ப்ரயந்தீதி ந
ஜாதபுத்ரஸ்யாதா²ஜாதபுத்ரஸ்யாஹ ॥ ஆப்யாஸ்வ ஸமேது தே ஸந்தே
பயாம்ஸி ஸமுயந்து வாஜா யமாதி³த்யா
அம்ஶுமாப்யாயயந்தீத்யேதாஸ்திஸ்ர ருசோ ஜபித்வா நாஸ்மாகம் ப்ராணேந
ப்ரஜயா பஶுபி⁴ராப்யஸ்வேதி தை³வீமாவ்ருதமாவர்த
ஆதி³த்யஸ்யாவ்ருதமந்வாவர்தயதி த³க்ஷிணம் பா³ஹுமந்வாவர்ததே ॥ 8 ॥

அத² பௌர்ணமாஸ்யாம் புரஸ்தாச்சந்த்³ரமஸம்
த்³ருஶ்யமாநமுபதிஷ்டே²தைதயைவாவ்ருதா ஸோமோ ராஜாஸி
விசக்ஷண: பஞ்சமுகோ²(அ)ஸி ப்ரஜாபதிர்ப்³ராஹ்மணஸ்த ஏகம் முக²ம்
தேந முகே²ந ராஜ்ஞோ(அ)த்ஸி தேந முகே²ந மாமந்நாத³ம் குரு ॥ ராஜா
த ஏகம் முக²ம் தேந முகே²ந விஶோத்ஸி தேநைவ முகே²ந மாமந்நாத³ம்
குரு ॥ ஶ்யேநஸ்த ஏகம் முக²ம் தேந முகே²ந பக்ஷிணோ(அ)த்ஸி தேந
முகே²ந மாமந்நாத³ம் குரு ॥ அக்³நிஸ்த ஏகம் முக²ம் தேந முகே²நேமம்
லோகமத்ஸி தேந முகே²ந மாமந்நாத³ம் குரு ॥ ஸர்வாணி பூ⁴தாநீத்யேவ
பஞ்சமம் முக²ம் தேந முகே²ந ஸர்வாணி பூ⁴தாந்யத்ஸி தேந முகே²ந
மாமந்நாத³ம் குரு ॥ மாஸ்மாகம் ப்ராணேந ப்ரஜயா
பஶுபி⁴ரவக்ஷேஷ்டா² யோ(அ)ஸ்மாத்³வேஷ்டி யம் ச வயம்
த்³விஷ்மஸ்தஸ்ய ப்ராணேந ப்ரஜயா பஶுபி⁴ரவக்ஷீயஸ்வேதி
ஸ்தி²திர்தை³வீமாஅவ்ருதமாவர்த ஆதி³த்யஸ்யாவ்ருதமந்வாவர்தந்த இதி
த³க்ஷிணம் பா³ஹுமந்வாவர்ததே ॥ 9 ॥

அத² ஸம்வேஶ்யந்ஜாயாயை ஹ்ருத³யமபி⁴ம்ருஶேத் ॥ யத்தே ஸுஸீமே
ஹ்ருத³யே ஹிதமந்த: ப்ரஜாபதௌ ॥ மந்யே(அ)ஹம் மாம் தத்³வித்³வாம்ஸம்
மாஹம் பௌத்ரமக⁴ம் ருத³மிதி ந ஹாஸ்மத்பூர்வா: ப்ரஜா: ப்ரைதி ॥ 10 ॥

அத² ப்ரோஷ்யாந்புத்ரஸ்ய மூர்தா⁴நமபி⁴ம்ருஶதி ॥
அங்கா³த³ங்கா³த்ஸம்ப⁴வஸி ஹ்ருத³யாத³தி⁴ஜாயஸே ।
ஆத்மா வை புத்ரநாமாஸி ஸ ஜீவ ஶரத³: ஶதம் ॥ அஸாவிதி
நாமாஸ்ய க்³ருஹ்ணாதி । அஶ்மா ப⁴வ பரஶுர்ப⁴வ ஹிரண்யமஸ்த்ருதம்
ப⁴வ । தேஜோ வை புத்ரநாமாஸி ஸ ஜீவ ஶரத³: ஶதம் ॥ அஸாவிதி
நாமாஸி க்³ருஹ்ணாதி । யேந ப்ரஜாபதி: ப்ரஜா:
பர்யக்³ருஹ்ணீதாரிஷ்ட்யை தேந த்வா பரிக்³ருஹ்ணாம்யஸாவித்யதா²ஸ்ய
த³க்ஷிணே கர்ணே ஜபதி ॥ அஸ்மே ப்ரயந்தி⁴
மக⁴வந்ந்ருஜீஷிந்நிதீந்த்³ரஶ்ரேஷ்டா²நி த்³ரவிணாநி தே⁴ஹீதி
மாச்சே²த்தா மா வ்யதி²ஷ்டா²: ஶதம் ஶரத³ ஆயுஷோ ஜீவ புத்ர
 । தே நாம்நா மூர்தா⁴நமபி⁴ஜிக்⁴ராம்யஸாவிதி த்ரிரஸ்ய
மூர்தா⁴நமபி⁴ஜிக்⁴ரேத்³க³வா த்வா ஹிங்காரேணாபி⁴ஹிங்கரோமீதி
த்ரிரஸ்ய மூர்தா⁴நமபி⁴ஹிங்குர்யாத் ॥ 11 ॥

அதா²தோ தை³வ: பரிமர ஏதத்³வை ப்³ரஹ்ம தீ³ப்யதே
யத³க்³நிர்ஜ்வலத்யதை²தந்ம்ரியதே
யந்ந ஜ்வலதி தஸ்யாதி³த்யமேவ தேஜோ க³ச்ச²தி வாயும் ப்ராண ஏதத்³வை
ப்³ரஹ்ம
தீ³ப்யதே யதா²தி³த்யோ த்³ருஶ்யதே(அ)தை²தந்ம்ரியதே யந்ந த்³ருஶ்யதே தஸ்ய
சந்த்³ரமஸமேவ தேஜோ க³ச்ச²தி வாயும் ப்ராண ஏதத்³வை ப்³ரஹ்ம தீ³ப்யதே
யச்சந்த்³ரமா த்³ருஶ்யதே(அ)தை²தந்ம்ரியதே யந்ந த்³ருஶ்யதே தஸ்ய
வித்³யுதமேவ தேஜோ
க³ச்ச²தி வாயும் ப்ராண ஏதத்³வை ப்³ரஹ்ம தீ³ப்யதே
யத்³வித்³யுத்³வித்³யோததே(அ)தை²தந்ம்ரியதே
யந்ந வித்³யோததே தஸ்ய வாயுமேவ தேஜோ க³ச்ச²தி வாயும் ப்ராணஸ்தா
வா ஏதா:
ஸர்வா தே³வதா வாயுமேவ ப்ரவிஶ்ய வாயௌ ஸ்ருப்தா ந மூர்ச்ச²ந்தே
தஸ்மாதே³வ
புநருதீ³ரத இத்யதி⁴தை³வதமதா²த்⁴யாத்மம் ॥ 12 ॥

ஏதத்³வை ப்³ரஹ்ம தீ³ப்யதே யத்³வாசா வத³த்யதை²தந்ம்ரியதே யந்ந வலதி
தஸ்ய சக்ஷுரேவ தேஜோ க³ச்ச²தி ப்ராணம் ப்ராண ஏதத்³வை ப்³ரஹ்ம
தீ³ப்யதே
யச்சக்ஷுஷா பஶ்யத்யதை²தந்ம்ரியதே யந்ந பஶ்யதி தஸ்ய
ஶ்ரோத்ரமேவ
தேஜோ க³ச்ச²தி ப்ராணம் ப்ராண ஏதத்³வை ப்³ரஹ்ம தீ³ப்யதே யச்சோ²த்ரேண
ஶ்ருணோத்யதை²தந்ம்ரியதே யந்ந ஶ்ருணோதி தஸ்ய மந ஏவ தேஜோ
க³ச்ச²தி
ப்ராணம் ப்ராண ஏதத்³வை ப்³ரஹ்ம தீ³ப்யதே யந்மநஸா
த்⁴யாயத்யதை²தந்ம்ரியதே
யந்ந த்⁴யாயதி தஸ்ய ப்ராணமேவ தேஜோ க³ச்ச²தி ப்ராணம் ப்ராணஸ்தா
வா
ஏதா: ஸர்வா தே³வதா: ப்ராணமேவ ப்ரவிஶ்ய ப்ராணே ஸ்ருப்தா ந
மூர்ச²ந்தே
தஸ்மாத்³தை⁴வ புநருதீ³ரதே தத்³யதி³ஹ வா ஏவம்வித்³வாம்ஸ உபௌ⁴
பர்வதாவபி⁴ப்ரவர்தேயாதாம் துஸ்தூர்ஷமாணோ த³க்ஷிணஶ்சோத்தரஶ்ச
ந ஹைவைநம் ஸ்த்ருண்வீயாதாமத² ய ஏநம் த்³விஷந்தி யாம்ஶ்ச
ஸ்வயம்
த்³வேஷ்டி த ஏவம் ஸர்வே பரிதோ ம்ரியந்தே ॥ 13 ॥

அதா²தோ நி:ஶ்ரேயஸாதா³நம் ஏதா ஹ வை தே³வதா அஹம் ஶ்ரேயஸே
விவத³மாநா அஸ்மாச்ச²ரீராது³ச்சக்ரமுஸ்தத்³தா³ருபூ⁴தம்
ஶிஷ்யேதை²தத்³வாக்ப்ரவிவேஶ தத்³வாசா வத³ச்சி²ஷ்ய
ஏவாதை²தச்சக்ஷு: ப்ரவிவேஶ தத்³வாசா வத³ச்சக்ஷுஷா
பஶ்யச்சி²ஷ்ய ஏவாதை²தச்ச்²ரோத்ரம் ப்ரவிவேஶ தத்³வாசா
வத³ச்சக்ஷுஷா பஶ்யச்ச்²ரோத்ரேண ஶ்ருண்வந்மநஸா
த்⁴யாயச்சி²ஷ்ய ஏவாதை²தத்ப்ராண: ப்ரவிவேஶ தத்தத ஏவ
ஸமுத்தஸ்தௌ² தத்³தே³வா: ப்ராணே நி:ஶ்ரேயஸம் விசிந்த்ய ப்ராணமேவ
ப்ரஜ்ஞாத்மாநமபி⁴ஸம்ஸ்தூய ஸஹைதை:
ஸர்வைரஸ்மால்லோகாது³ச்சக்ரமுஸ்தே
வாயுப்ரதிஷ்டா²காஶாத்மாந: ஸ்வர்யயுஸ்தஹோ
ஏவைவம்வித்³வாந்ஸர்வேஷாம்
பூ⁴தாநாம் ப்ராணமேவ ப்ரஜ்ஞாத்மாநமபி⁴ஸம்ஸ்தூய ஸஹைதை:
ஸர்வைரஸ்மாச்ச²ரீராது³த்க்ராமதி ஸ வாயுப்ரதிஷ்டா²காஶாத்மா
ந ஸ்வரேதி தத்³ப⁴வதி யத்ரைதத்³தே³வாஸ்தத்ப்ராப்ய தத³ம்ருதோ ப⁴வதி
யத³ம்ருதா தே³வா: ॥ 14 ॥

அதா²த: பிதாபுத்ரீயம் ஸம்ப்ரதா³நமிதி சாசக்ஷதே பிதா புத்ரம்
ப்ரஷ்யாஹ்வயதி நவைஸ்த்ருணைரகா³ரம்
ஸம்ஸ்தீர்யாக்³நிமுபஸமாதா⁴யோத³கும்ப⁴ம் ஸபாத்ரமுபநிதா⁴யாஹதேந
வாஸஸா ஸம்ப்ரச்ச²ந்ந: ஶ்யேத ஏத்ய புத்ர உபரிஷ்டத³பி⁴நிபத்³யத
இந்த்³ரியைரஸ்யேந்த்³ரியாணி ஸம்ஸ்ப்ருஶ்யாபி வாஸ்யாபி⁴முக²த
ஏவாஸீதாதா²ஸ்மை ஸம்ப்ரயச்ச²தி வாசம் மே த்வயி த³தா⁴நீதி பிதா
வாசம் தே மயி த³த⁴ இதி புத்ர: ப்ராணம் மே த்வயி த³தா⁴நீதி பிதா
ப்ராணம் தே மயி த³த⁴ இதி புத்ரஶ்சக்ஷுர்மே த்வயி த³தா⁴நீதி பிதா
சக்ஷுஸ்தே மயி த³த⁴ இதி புத்ர: ஶ்ரோத்ரம் மே த்வயி த³தா⁴நீதி பிதா
ஶ்ரோத்ரம் தே மயி த³த⁴ இதி புத்ரோ மநோ மே த்வயி த³தா⁴நீதி பிதா
மநஸ்தே மயி த³த⁴ இதி புத்ரோ(அ)ந்நரஸாந்மே த்வயி த³தா⁴நீதி
பிதாந்நரஸாம்ஸ்தே மயி த³த⁴ இதி புத்ர: கர்மாணி மே த்வயி
த³தா⁴நீதி பிதா கர்மாணி தே மயி த³த⁴ இதி புத்ர: ஸுக²து³:கே² மே
த்வயி த³தா⁴நீதி பிதா ஸுக²து³:கே² தே மயி த³த⁴ இதி புத்ர ஆநந்த³ம்
ரதிம் ப்ரஜாஇம் மே த்வயி த³தா⁴நீதி பிதா ஆநந்த³ம் ரதிம் ப்ரஜாதிம்
தே
மயி த³த⁴ இதி புத்ர இத்யாம் மே த்வயி த³தா⁴நீதி பிதா இத்யாம் தே மயி
த³த⁴ இதி புத்ரோ தி⁴யோ விஜ்ஞாதவ்யம் காமாந்மே த்வயி த³தா⁴நீதி
பிஉதா
தி⁴யோ விஜ்ஞாதவ்யம் காமாம்ஸ்தே மயி த³த⁴ இதி புத்ரோ(அ)த²
த³க்ஷிணாவ்ருது³பநிஷ்க்ராமதி தம் பிதாநுமந்த்ரயதே யஶோ
ப்³ரஹ்மவர்சஸமந்நாத்³யம் கீர்திஸ்த்வா ஜுஷதாமித்யதே²தர:
ஸவ்யமம்ஸமந்வவேக்ஷதே பாணி நாந்தர்தா⁴ய வஸநாந்தேந வா
ப்ரச்ச²த்³ய ஸ்வர்கா³ல்லோகாந்காமாநவாப்நுஹீதி ஸ யத்³யக³த³:
ஸ்யாத்புத்ரஸ்யைஶ்வர்யே பிதா வஸேத்பரிவா வ்ரஜேத்³யயுர்வை
ப்ரேயாத்³யதே³வைநம்
ஸமாபயதி ததா² ஸமாபயிதவ்யோ ப⁴வதி ததா² ஸமாபயிதவ்யோ
ப⁴வதி ॥ 15 ॥