சித்ரோ ஹ வை கா³ர்க்³யாயணிர்யக்ஷமாண ஆருணிம் வவ்ரே ஸ ஹ புத்ரம்
ஶ்வேதகேதும் ப்ரஜிகா⁴ய யாஜயேதி தம் ஹாஸீநம் பப்ரச்ச²
கௌ³தமஸ்ய புத்ராஸ்தே ஸம்வ்ருதம் லோகே யஸ்மிந்மாதா⁴ஸ்யஸ்யந்யமஹோ
ப³த்³த்⁴வா தஸ்ய லோகே தா⁴ஸ்யஸீதி ஸ ஹோவாச நாஹமேதத்³வேத³
ஹந்தாசார்யம் ப்ரச்சா²நீதி ஸ ஹ பிதரமாஸாத்³ய பப்ரச்சே²தீதி
மா ப்ராக்ஷீத்கத²ம் ப்ரதிப்³ரவாணீதி ஸ ஹோவாசாஹமப்யேதந்ந வேத³
ஸத³ஸ்யேவ வயம் ஸ்வாத்⁴யாயமதீ⁴த்ய ஹராமஹே யந்ந: பரே
த³த³த்யேஹ்யுபௌ⁴ க³மிஷ்யாவ இதி ॥ ஸ ஹ ஸமித்பாணிஶ்சித்ரம்
கா³ர்க்³யாயணிம் ப்ரதிசக்ரம உபாயாநீதி தம் ஹோவாச ப்³ரஹ்மார்ஹோஸி
கௌ³தம யோ மாமுபாகா³ ஏஹி த்வா ஜ்ஞபயிஷ்யாமீதி ॥ 1 ॥

ஸ ஹோவாச யே வைகே சாஸ்மால்லோகாத்ப்ரயந்தி சந்த்³ரமஸமேவ தே
ஸர்வே க³ச்ச²ந்தி தேஷாம் ப்ராணை: பூர்வபக்ஷ
ஆப்யாயதே(அ)தா²பரபக்ஷே ந ப்ரஜநயத்யேதத்³வை ஸ்வர்க³ஸ்ய லோகஸ்ய
த்³வாரம் யஶ்சந்த்³ரமாஸ்தம் யத்ப்ரத்யாஹ தமதிஸ்ருஜதே ய ஏநம்
ப்ரத்யாஹ தமிஹ வ்ருஷ்டிர்பூ⁴த்வா வர்ஷதி ஸ இஹ கீடோ வா
பதங்கோ³ வா ஶகுநிர்வா ஶார்தூ³லோ வா ஸிம்ஹோ வா மத்ஸ்யோ வா
பரஶ்வா வா புருஷோ வாந்யோ வைதேஷு ஸ்தா²நேஷு ப்ரத்யாஜாயதே
யதா²கர்மம் யதா²வித்³யம் தமாக³தம் ப்ருச்ச²தி கோ(அ)ஸீதி தம்
ப்ரதிப்³ரூயாத்³விசக்ஷணாத்³ருதவோ ரேத ஆப்⁴ருதம்
பஞ்சத³ஶாத்ப்ரஸூதாத்பித்ர்யாவதஸ்தந்மா பும்ஸி கர்தர்யேரயத்⁴வம்
பும்ஸா கர்த்ரா மாதரி மாஸிஷிக்த: ஸ ஜாயமாந உபஜாயமாநோ
த்³வாத³ஶத்ரயோத³ஶ உபமாஸோ த்³வாத³ஶத்ரயோத³ஶேந பித்ரா
ஸந்தத்³விதே³ஹம் ப்ரதிதத்³விதே³ஹம் தந்ம ருதவோ மர்த்யவ ஆரப⁴த்⁴வம்
தேந ஸத்யேந தபஸர்துரஸ்ம்யார்தவோ(அ)ஸ்மி கோ(அ)ஸி த்வமஸ்மீதி
தமதிஸ்ருஜதே ॥ 2 ॥

ஸ ஏதம் தே³வயாநம் பந்தா²நமாஸாத்³யாக்³நிலோகமாக³ச்ச²தி ஸ
வாயுலோகம் ஸ வருணலோகம் ஸ ஆதி³த்யலோகம் ஸ இந்த்³ரலோகம் ஸ
ப்ரஜாபதிலோகம் ஸ ப்³ரஹ்மலோகம் தஸ்ய ஹ வா ஏதஸ்ய
ப்³ரஹ்மலோகஸ்யாரோஹ்ருதோ³ முஹூர்தா யேஷ்டிஹா விரஜா நதீ³ தில்யோ
வ்ருக்ஷ: ஸாயுஜ்யம் ஸம்ஸ்தா²நமபராஜிதமாயதநமிந்த்³ரப்ரஜாபதீ
த்³வாரகோ³பௌ விபு⁴ம் ப்ரமிதம் விசக்ஷணாஸந்த்⁴யமிதௌஜா: ப்ரயங்க:
ப்ரியா ச மாநஸீ ப்ரதிரூபா ச சாக்ஷுஷீ
புஷ்பாண்யாதா³யாவயதௌ வை ச
ஜக³த்யம்பா³ஶ்சாம்பா³வயவாஶ்சாப்ஸரஸோம்(அ)ப³யாநத்³யஸ்தமித்த²ம்வித³
அ க³ச்ச²தி தம் ப்³ரஹ்மாஹாபி⁴தா⁴வத மம யஶஸா விரஜாம்
வாயம் நதீ³ம் ப்ராபந்நவாநயம் ஜிகீ³ஷ்யதீதி ॥ 3 ॥

தம் பஞ்சஶதாந்யப்ஸரஸாம் ப்ரதிதா⁴வந்தி ஶதம் மாலாஹஸ்தா:
ஶதமாஞ்ஜநஹஸ்தா: ஶதம் சூர்ணஹஸ்தா: ஶதம் வாஸோஹஸ்தா:
ஶதம் கணாஹஸ்தாஸ்தம் ப்³ரஹ்மாலங்காரேணாலங்குர்வந்தி ஸ
ப்³ரஹ்மாலங்காரேணாலங்க்ருதோ ப்³ரஹ்ம வித்³வாந் ப்³ரஹ்மைவாபி⁴ப்ரைதி ஸ
ஆக³ச்ச²த்யாரம் ஹ்ருத³ம் தந்மநஸாத்யேதி தம்ருத்வா ஸம்ப்ரதிவிதோ³
மஜ்ஜந்தி ஸ ஆக³ச்ச²தி முஹூர்தாந்யேஷ்டிஹாம்ஸ்தே(அ)ஸ்மாத³பத்³ரவந்தி
ஸ ஆக³ச்ச²தி விரஜாம் நதீ³ம் தாம் மநஸைவாத்யேதி
தத்ஸுக்ருதது³ஷ்க்ருதே தூ⁴நுதே தஸ்ய ப்ரியா ஜ்ஞாதய:
ஸுக்ருதமுபயந்த்யப்ரியா து³ஷ்க்ருதம் தத்³யதா² ரதே²ந
தா⁴வயந்ரத²சக்ரே பர்யவேக்ஷத ஏவமஹோராத்ரே பர்யவேக்ஷத ஏவம்
ஸுக்ருதது³ஷ்க்ருதே ஸர்வாணி ச த்³வந்த்³வாநி ஸ ஏஷ விஸுக்ருதோ
விது³ஷ்க்ருதோ ப்³ரஹ்ம வித்³வாந்ப்³ரஹ்மைவாபி⁴ப்ரைதி ॥ 4 ॥

ஸ ஆக³ச்ச²தி தில்யம் வ்ருக்ஷம் தம் ப்³ரஹ்மக³ந்த⁴: ப்ரவிஶதி ஸ
ஆக³ச்ச²தி ஸாயுஜ்யம் ஸம்ஸ்தா²நம் தம் ப்³ரஹ்ம ஸ ப்ரவிஶதி
ஆக³ச்ச²த்யபராஜிதமாயதநம் தம் ப்³ரஹ்மதேஜ: ப்ரவிஶதி ஸ
ஆக³ச்ச²தீந்த்³ரப்ரஜாபதீ த்³வாரகோ³பௌ தாவஸ்மாத³பத்³ரவத: ஸ
ஆக³ச்ச²தி விபு⁴ப்ரமிதம் தம் ப்³ரஹ்மயஶ: ப்ரவிஶதி ஸ
ஆக³ச்ச²தி விசக்ஷணாமாஸந்தீ³ம் ப்³ருஹத்³ரத²ந்தரே ஸாமநீ
பூர்வௌ பாதௌ³ த்⁴யைத நௌத⁴ஸே சாபரௌ பாதௌ³ வைரூபவைராஜே
ஶாக்வரரைவதே திரஶ்சீ ஸா ப்ரஜ்ஞா ப்ரஜ்ஞயா ஹி விபஶ்யதி ஸ
ஆக³ச்ச²த்யமிதௌஜஸம் பர்யங்கம் ஸ ப்ராணஸ்தஸ்ய பூ⁴தம் ச
ப⁴விஷ்யச்ச பூர்வௌ பாதௌ³ ஶ்ரீஶ்சேரா சாபரௌ
ப்³ருஹத்³ரத²ந்தரே அநூச்யே ப⁴த்³ரயஜ்ஞாயஜ்ஞீயே
ஶீர்ஷண்யம்ருசஶ்ச ஸாமாநி ச ப்ராசீநாதாநம் யஜூம்ஷி
திரஶ்சீநாநி ஸோமாம்ஶவ உபஸ்தரணமுத்³கீ³த² உபஶ்ரீ:
ஶ்ரீருபப³ர்ஹணம் தஸ்மிந்ப்³ரஹ்மாஸ்தே தமித்த²ம்வித்பாதே³நைவாக்³ர
ஆரோஹதி தம் ப்³ரஹ்மாஹ கோ(அ)ஸீதி தம் ப்ரதிப்³ரூயாத் ॥ 5 ॥

ருதுரஸ்ம்யார்தவோ(அ)ஸ்ம்யாகாஶாத்³யோநே: ஸம்பூ⁴தோ பா⁴ர்யாயை ரேத:
ஸம்வத்ஸரஸ்ய தேஜோபூ⁴தஸ்ய பூ⁴தஸ்யாத்மபூ⁴தஸ்ய த்வமாத்மாஸி
யஸ்த்வமஸி ஸோஹமஸ்மீதி தமாஹ கோ(அ)ஹமஸ்மீதி ஸத்யமிதி ப்³ரூயாத்கிம்
தத்³யத்ஸத்யமிதி யத³ந்யத்³தே³வேப்⁴யஶ்ச ப்ராணேப்⁴யஶ்ச தத்ஸத³த²
யத்³தே³வாச்ச ப்ராணாஶ்ச தத்³யம் ததே³தயா வாசாபி⁴வ்யாஹ்ரியதே
ஸத்யமித்யேதாவதி³த³ம் ஸர்வமித³ம் ஸர்வமஸீத்யேவைநம் ததா³ஹ
ததே³தச்ச்²லோகேநாப்யுக்தம் ॥ 6 ॥

யஜூத³ர: ஸாமஶிரா அஸாவ்ருங்மூர்திரவ்யய: । ஸ ப்³ரஹ்மேதி ஹி
விஜ்ஞேய ருஷிர்ப்³ரஹ்மமயோ மஹாநிதி ॥
தமாஹ கேந பௌம்ஸ்ராநி நாமாந்யாப்நோதீதி ப்ராணேநேதி ப்³ரூயாத்கேந
ஸ்த்ரீநாமாநீதி வாசேதி கேந நபும்ஸகநாமாநீதி மநஸேதி கேந
க³ந்தா⁴நிதி க்⁴ராணேநேதி ப்³ரூயாத்கேந ரூபாணீதி சக்ஷுஷேதி கேந
ஶப்³தா³நிதி ஶ்ரோத்ரேணேதி கேநாந்நரஸாநிதி ஜிஹ்வயேதி கேந கர்மாணீதி
ஹஸ்தாப்⁴யாமிதி கேந ஸுக²து³:கே² இதி ஶரீரேணேதி கேநாநந்த³ம் ரதிம்
ப்ரஜாபதிமித்யுபஸ்தே²நேதி கேநேத்யா இதி பாதா³ப்⁴யாமிதி கேந தி⁴யோ
விஜ்ஞாதவ்யம் காமாநிதி ப்ரஜ்ஞயேதி ப்ரப்³ரூயாத்தமஹாபோ வை க²லு
மே ஹ்யஸாவயம் தே லோக இதி ஸா யா ப்³ரஹ்மணி சிதிர்யா வ்யஷ்டிஸ்தாம்
சிதிம் ஜயதி தாம் வ்யஷ்டிம் வ்யஶ்நுதே ய ஏவம் வேத³ ய ஏவம் வேத³
॥ 7 ॥