த்³ருஷ்டாந்தோ நைவ த்³ருஷ்டஸ்த்ரிபு⁴வநஜட²ரே ஸத்³கு³ரோர்ஜ்ஞாநதா³து:
ஸ்பர்ஶஶ்சேத்தத்ர கல்ப்ய: ஸ நயதி யத³ஹோ ஸ்வர்ணதாமஶ்மஸாரம் ।
ந ஸ்பர்ஶத்வம் ததா²பி ஶ்ரிதசரணயுகே³ ஸத்³கு³ரு: ஸ்வீயஶிஷ்யே
ஸ்வீயம் ஸாம்யம் வித⁴த்தே ப⁴வதி நிருபமஸ்தேந வாலௌகிகோ(அ)பி ॥ 1 ॥
யத்³வச்ச்²ரீக²ண்ட³வ்ருக்ஷப்ரஸ்ருதபரிமலேநாபி⁴தோ(அ)ந்யே(அ)பி வ்ருக்ஷா:
ஶஶ்வத்ஸௌக³ந்த்⁴யபா⁴ஜோ(அ)ப்யதநுதநுப்⁴ருதாம் தாபமுந்மூலயந்தி ।
ஆசார்யால்லப்³த⁴போ³தா⁴ அபி விதி⁴வஶத: ஸம்நிதௌ⁴ ஸம்ஸ்தி²தாநாம்
த்ரேதா⁴ தாபம் ச பாபம் ஸகருணஹ்ருத³யா: ஸ்வோக்திபி⁴: க்ஷாலயந்தி ॥ 2 ॥
ஆத்மாநாத்மப்ரதீதி: ப்ரத²மமபி⁴ஹிதா ஸத்யமித்²யாத்வயோகா³ -
த்³த்³வேதா⁴ ப்³ரஹ்மப்ரதீதிர்நிக³மநிக³தி³தா ஸ்வாநுபூ⁴த்யோபபத்த்யா ।
ஆத்³யா தே³ஹாநுப³ந்தா⁴த்³ப⁴வதி தத³பரா ஸா ச ஸர்வாத்மகத்வா -
தா³தௌ³ ப்³ரஹ்மாஹமஸ்மீத்யநுப⁴வ உதி³தே க²ல்வித³ம் ப்³ரஹ்ம பஶ்சாத் ॥ 3 ॥
ஆத்மா சித்³வித்ஸுகா²த்மாநுப⁴வபரிசித: ஸர்வதே³ஹாதி³யந்தா
ஸத்யேவம் மூட⁴பு³த்³தி⁴ர்ப⁴ஜதி நநு ஜநோ(அ)நித்யதே³ஹாத்மபு³த்³தி⁴ம் ।
பா³ஹ்யோ(அ)ஸ்தி²ஸ்நாயுமஜ்ஜாபலருதி⁴ரவஸாசர்மமேதோ³யுக³ந்த -
ர்விண்மூத்ரஶ்லேஷ்மபூர்ணம் ஸ்வபரவபுரஹோ ஸம்விதி³த்வாபி பூ⁴ய: ॥ 4 ॥
தே³ஹஸ்த்ரீபுத்ரமித்ராநுசரஹயவ்ருஷாஸ்தோஷஹேதுர்மமேத்த²ம்
ஸர்வே ஸ்வாயுர்நயந்தி ப்ரதி²தமலமமீ மாம்ஸமீமாம்ஸயேஹ ।
ஏதே ஜீவந்தி யேந வ்யவஹ்ருதிபடவோ யேந ஸௌபா⁴க்³யபா⁴ஜ -
ஸ்தம் ப்ராணாதீ⁴ஶமந்தர்க³தமம்ருதமமும் நைவ மீமாம்ஸயந்தி ॥ 5 ॥
கஶ்சித்கீட: கத²ஞ்சித்படுமதிரபி⁴த: கண்டகாநாம் குடீரம்
குர்வம்ஸ்தேநைவ ஸாகம் வ்யவஹ்ருதிவித⁴யே சேஷ்டதே யாவதா³யு: ।
தத்³வஜ்ஜீவோ(அ)பி நாநாசரிதஸமுதி³தை: கர்மபி⁴: ஸ்தூ²லதே³ஹம்
நிர்மாயாத்ரைவ திஷ்ட²ந்நநுதி³நமமுநா ஸாகமப்⁴யேதி பூ⁴மௌ ॥ 6 ॥
ஸ்வீகுர்வந்வ்யாக்⁴ரவேஷம் ஸ்வஜட²ரப்⁴ருதயே பீ⁴ஷயந்யஶ்ச முக்³தா⁴ -
ந்மத்வா வ்யாக்⁴ரோ(அ)ஹமித்த²ம் ஸ நரபஶுமுகா²ந்பா³த⁴தே கிம் நு ஸத்த்வாந் ।
மத்வா ஸ்த்ரீவேஷதா⁴ரீ ஸ்த்ர்யஹமிதி குருதே கி நடோ ப⁴ர்துரிச்சா²ம்
தத்³வச்சா²ரீர ஆத்மா ப்ருத²க³நுப⁴வதோ தே³ஹதோ யத்ஸ ஸாக்ஷீ ॥ 7 ॥
ஸ்வம் பா³லம் ரோத³மாநம் சிரதரஸமயம் ஶாந்திமாநேதுமக்³ரே
த்³ராக்ஷம் கா²ர்ஜூரமாம்ரம் ஸுகத³லமத²வா யோஜயத்யம்பி³காஸ்ய ।
தத்³வச்சேதோ(அ)திமூட⁴ம் ப³ஹுஜநநப⁴வாந்மௌட்⁴யஸம்ஸ்காரயோகா³ -
த்³போ³தோ⁴பாயைரநேகைரவஶமுபநிஷத்³போ³த⁴யாமாஸ ஸம்யக் ॥ 8 ॥
யத்ப்ரீத்யா ப்ரீதிமாத்ரம் தநுயுவதிதநூஜார்த²முக்²யம் ஸ தஸ்மா -
த்ப்ரேயாநாத்மாத² ஶோகாஸ்பத³மிதரத³த: ப்ரேய ஏதத்கத²ம் ஸ்யாத் ।
பா⁴ர்யாத்³யம் ஜீவிதார்தீ² விதரதி ச வபு: ஸ்வாத்மந: ஶ்ரேய இச்ச²ம் -
ஸ்தஸ்மாதா³த்மாநமேவ ப்ரியமதி⁴கமுபாஸீத வித்³வாந்ந சாந்யத் ॥ 9 ॥
யஸ்மாத்³யாவத்ப்ரியம் ஸ்யாதி³ஹ ஹி விஷயதஸ்தாவத³ஸ்மிந்ப்ரியத்வம்
யாவத்³து³:க²ம் ச யஸ்மாத்³ப⁴வதி க²லு ததஸ்தாவதே³வாப்ரியத்வம் ।
நைகஸ்மிந்ஸர்வகாலே(அ)ஸ்த்யுப⁴யமபி கதா³ப்யப்ரியோ(அ)பி ப்ரிய: ஸ்யா -
த்ப்ரேயாநப்யப்ரியோ வா ஸததமபி தத: ப்ரேய ஆத்மாக்²யவஸ்து ॥ 10 ॥
ஶ்ரேய: ப்ரேயஶ்ச லோகே த்³விவித⁴மபி⁴ஹிதம் காம்யமாத்யந்திகம் ச
காம்யம் து³:கை²கபீ³ஜம் க்ஷணலவவிரஸம் தச்சிகீர்ஷந்தி மந்தா³: ।
ப்³ரஹ்மைவாத்யந்திகம் யந்நிரதிஶயஸுக²ஸ்யாஸ்பத³ம் ஸம்ஶ்ரயந்தே
தத்த்வஜ்ஞாஸ்தச்ச காடோ²பநிஷத³பி⁴ஹிதம் ஷட்³விதா⁴யாம் ச வல்ல்யாம் ॥ 11 ॥
ஆத்மாம்போ⁴தே⁴ஸ்தரங்கோ³(அ)ஸ்ம்யஹமிதி க³மநே பா⁴வயந்நாஸநஸ்த²:
ஸம்வித்ஸூத்ராநுவித்³தோ⁴ மணிரஹமிதி வாஸ்மீந்த்³ரியார்த²ப்ரதீதௌ ।
த்³ருஷ்டோ(அ)ஸ்ம்யாத்மாவலோகாதி³தி ஶயநவிதௌ⁴ மக்³ந ஆநந்த³ஸிந்தா⁴ -
வந்தர்நிஷ்டோ² முமுக்ஷு: ஸ க²லு தநுப்⁴ருதா யோ நயத்யேவமாயு: ॥ 12 ॥
வைராஜவ்யஷ்டிரூபம் ஜக³த³கி²லமித³ம் நாமரூபாத்மகம் ஸ்யா -
த³ந்த:ஸ்த²ப்ராணமுக்²யாத்ப்ரசலதி ச புநர்வேத்தி ஸர்வாந்பதா³ர்தா²ந் ।
நாயம் கர்தா ந போ⁴க்தா ஸவித்ருவதி³தி யோ ஜ்ஞாநவிஜ்ஞாநபூர்ண:
ஸாக்ஷாதி³த்த²ம் விஜாநந்வ்யவஹரதி பராத்மாநுஸந்தா⁴நபூர்வம் ॥ 13 ॥
நைர்வேத்³யம் ஜ்ஞாநக³ர்ப⁴ த்³விவித⁴மபி⁴ஹிதம் தத்ர வைராக்³யமாத்³யம்
ப்ராயோ து³:கா²வலோகாத்³ப⁴வதி க்³ருஹஸுஹ்ருத்புத்ரவித்தைஷணாதே³: ।
அந்யஜ்ஜ்ஞாநோபதே³ஶாத்³யது³தி³தவிஷயே வாந்தவத்³தே⁴யதா ஸ்யா -
த்ப்ரவ்ரஜ்யாபி த்³விதா⁴ ஸ்யாந்நியமிதமநஸா தே³ஹதோ கே³ஹதஶ்ச ॥ 14 ॥
ய: கஶ்சித்ஸௌக்²யஹேதோஸ்த்ரிஜக³தி யததே நைவ து³:க²ஸ்ய ஹேதோ -
ர்தே³ஹே(அ)ஹதா தது³த்தா² ஸ்வவிஷயமமதா சேதி து³:கா²ஸ்பதே³ த்³வே ।
ஜாநந்ரோகா³பி⁴கா⁴தாத்³யநுப⁴வதி யதோ நித்யதே³ஹாத்மபு³த்³தி⁴ -
ர்பா⁴ர்யாபுத்ரார்த²நாஶே விபத³மத² பராமேதி நாராதிநாஶே ॥ 15 ॥
திஷ்ட²ந்கே³ஹே க்³ருஹேஶோ(அ)ப்யதிதி²ரிவ நிஜம் தா⁴ம க³ந்தும் சிகீர்ஷு -
ர்தே³ஹஸ்த²ம் து³:க²ஸௌக்²யம் ந ப⁴ஜதி ஸஹஸா நிர்மமத்வாபி⁴மாந: ।
ஆயாத்ராயாஸ்யதீத³ம் ஜலத³படலவத்³யாத்ரு யாஸ்யத்யவஶ்யம்
தே³ஹாத்³யம் ஸர்வமேவம் ப்ரவிதி³தவிஶயோ யஶ்ச திஷ்ட²த்யயத்ந: ॥ 16 ॥
ஶக்த்யா நிர்மோகத: ஸ்வாத்³ப³ஹிரஹிரிவ ய: ப்ரவ்ரஜந்ஸ்வீயகே³ஹா -
ச்சா²யாம் மார்க³த்³ருமோத்தா²ம் பதி²க இவ மநாக்ஸம்ஶ்ரயேத்³தே³ஹஸம்ஸ்தா²ம் ।
க்ஷுத்பர்யாப்தம் தருப்⁴ய: பதிதப²லமயம் ப்ரார்த²யேத்³பை⁴க்ஷமந்நம்
ஸ்வாத்மாராமம் ப்ரவேஷ்டும் ஸ க²லு ஸுக²மயம் ப்ரவ்ரஜேத்³தே³ஹதோ(அ)பி ॥ 17 ॥
காமோ பு³த்³தா⁴வுதே³தி ப்ரத²மமிஹ மநஸ்யுத்³தி³ஶத்யர்த²ஜாதம்
தத்³க்³ருஹ்ணாதீந்த்³ரியாஸ்யைஸ்தத³நதி⁴க³மத: க்ரோத⁴ ஆவிர்ப⁴வேச்ச ।
ப்ராப்தாவர்த²ஸ்ய ஸம்ரக்ஷணமதிருதி³தோ லோப⁴ ஏதத்த்ரயம் ஸ்யா -
த்ஸர்வேஷாம் பாதஹேதுஸ்ததி³ஹ மதிமதா த்யாஜ்யமத்⁴யாத்மயோகா³த் ॥ 18 ॥
தா³நம் ப்³ரஹ்மார்பணம் யத்க்ரியத இஹ ந்ருபி⁴: ஸ்யாத்க்ஷமாக்ரோத⁴ஸந்ஜ்ஞா
ஶ்ரத்³தா⁴ஸ்திக்யம் ச ஸத்யம் ஸதி³தி பரமத: ஸேதுஸந்ஜ்ஞம் சதுஷ்கம் ।
தத்ஸ்யாத்³ப³ந்தா⁴ய ஜந்தோரிதி சதுர இமாந்தா³நபூர்வைஶ்சதுர்பி⁴ -
ஸ்தீர்த்வா ஶ்ரேயோ(அ)ம்ருதம் ச ஶ்ரயத இஹ நர: ஸ்வர்க³திம் ஜ்யோதிராப்திம் ॥ 19 ॥
அந்நம் தே³வாதிதி²ப்⁴யோ(அ)ர்பிதமம்ருதமித³ம் சாந்யதா² மோக⁴மந்நம்
யஶ்சாத்மார்த²ம் வித⁴த்தே ததி³ஹ நிக³தி³தம் ம்ருத்யுரூபம் ஹி தஸ்ய ।
லோகே(அ)ஸௌ கேவலாகோ⁴ ப⁴வதி தநுப்⁴ருதாம் கேவலாதீ³ ச ய: ஸ்யா -
த்த்யக்த்வா ப்ராணாக்³நிஹோத்ரம் விதி⁴வத³நுதி³நம் யோ(அ)ஶ்நுதே ஸோ(அ)பி மர்த்ய: ॥ 20 ॥
லோகே போ⁴ஜ: ஸ ஏவார்பயதி க்³ருஹக³தாயார்தி²நே(அ)ந்நம் க்ருஶாய
யஸ்தஸ்மை பூர்ணமந்நம் ப⁴வதி மக²விதௌ⁴ ஜாயதே(அ)ஜாதஶத்ரு: ।
ஸக்²யே நாந்நார்தி²நே யோ(அ)ர்பயதி ந ஸ ஸகா² ஸேவமாநாய நித்யம்
ஸம்ஸக்தாயாந்நமஸ்மாத்³விமுக² இவ பராவ்ருத்திமிச்சே²த்கத³ர்யாத் ॥ 21 ॥
ஸ்வாஜ்ஞாநஜ்ஞாநஹேதூ ஜக³து³த³யலயௌ ஸர்வஸாதா⁴ரணௌ ஸ்தோ
ஜீவேஷ்வாஸ்வர்ணக³ர்ப⁴ம் ஶ்ருதய இதி ஜகு³ர்ஹூயதே ஸ்வப்ரபோ³தே⁴ ।
விஶ்வம் ப்³ரஹ்மண்யபோ³தே⁴ ஜக³தி புநரித³ம் ஹூயதே ப்³ரஹ்ம யத்³வ -
ச்சு²க்தோ ரௌப்யம் ச ரௌப்யே(அ)தி⁴கரணமத²வா ஹூயதே(அ)ந்யோந்யமோஹாத் ॥ 22 ॥
துச்ச²த்வாந்நாஸதா³ஸீத்³க³க³நகுஸுமவத்³பே⁴த³கம் நோ ஸதா³ஸீ -
த்கிம் த்வாப்⁴யாமந்யதா³ஸீத்³வ்யவஹ்ருதிக³திஸந்நாஸ லோகஸ்ததா³நீம் ।
கிம் த்வர்வாகே³வ ஶுக்தௌ ரஜதவத³பரோ நோ விராட்³ வ்யோமபூர்வ:
ஶர்மண்யாத்மந்யதை²தத்குஹகஸலிலவத்கிம் ப⁴வேதா³வரீவ: ॥ 23 ॥
ப³ந்தோ⁴ ஜந்மாத்யயாத்மா யதி³ ந புநரபூ⁴த்தர்ஹி மோக்ஷோ(அ)பி நாஸீ -
த்³யத்³வத்³ராத்ரிர்தி³நம் வா ந ப⁴வதி தரணௌ கிம் து த்³ருக்³தோ³ஷ ஏஷ: ।
அப்ராணம் ஶுத்³த⁴மேகம் ஸமப⁴வத³த² தந்மாயயா கர்த்ருஸந்ஜ்ஞம்
தஸ்மாத³ந்யச்ச நாஸீத்பரிவ்ருதமஜயா ஜீவபூ⁴தம் ததே³வ ॥ 24 ॥
ப்ராகா³ஸீத்³பா⁴வரூபம் தம இதி தமஸா கூ³ட⁴மஸ்மாத³தர்க்யம்
க்ஷீராந்தர்யத்³வத³ம்போ⁴ ஜநிரிஹ ஜக³தோ நாமரூபாத்மகஸ்ய ।
காமாத்³தா⁴து: ஸிஸ்ருக்ஷோரநுக³தஜக³த: கர்மபி⁴: ஸம்ப்ரவ்ருத்தா -
த்³ரேதோரூபைர்மநோபி⁴: ப்ரத²மமநுக³தை: ஸந்ததை: கார்யமாணை: ॥ 25 ॥
சத்வாரோ(அ)ஸ்யா: கபர்தா³ யுவதிரத² ப⁴வேந்நூதநா நித்யமேஷா
மாயா வா பேஶலா ஸ்யாத³க⁴டநக⁴டநாபாடவம் யாதி யஸ்மாத் ।
ஸ்யாதா³ரம்பே⁴ க்⁴ருதாஸ்யா ஶ்ருதிப⁴வவயுநாந்யேவமாச்சா²த³யந்தீ
தஸ்யாமேதௌ ஸுபர்ணாவிவ பரபுருஷௌ திஷ்ட²தோ(அ)ர்த²ப்ரதீத்யா ॥ 26 ॥
ஏகஸ்தத்ராஸ்த்யஸங்க³ஸ்தத³நு தத³பரோ(அ)ஜ்ஞாநஸிந்து⁴ம் ப்ரவிஷ்டோ
விஸ்ம்ருத்யாத்மஸ்வரூபம் ஸ விவித⁴ஜக³தா³காரமாபா⁴ஸமைக்ஷத் ।
பு³த்³த்⁴யாந்தர்யாவதை³க்ஷத்³விஸ்ருஜதி தமஜா ஸோ(அ)பி தாமேவமேக -
ஸ்தாவத்³விப்ராஸ்தமேகம் கத²மபி ப³ஹுதா⁴ கல்பயந்தி ஸ்வவாக்³பி⁴: ॥ 27 ॥
நாயாதி ப்ரத்யகா³த்மா ப்ரஜநநஸமயே நைவ யாத்யந்தகாலே
யத்ஸோ(அ)க²ண்டோ³(அ)ஸ்தி லைங்க³ம் மந இஹ விஶதி ப்ரவ்ரஜத்யூர்த்⁴வமர்வாக் ।
தத்கார்ஶ்யம் ஸ்தூ²லதாம் வா ந ப⁴ஜதி வபுஷ: கிந்து ஸம்ஸ்காரஜாதே
தேஜோமாத்ரா க்³ருஹீத்வா வ்ரஜதி புநரிஹாயாதி தைஸ்தை: ஸஹைவ ॥ 28 ॥
ஆஸீத்பூர்வம் ஸுப³ந்து⁴ர்ப்⁴ருஶமவநிஸுரோ ய: புரோதா⁴: ஸநாதே -
ர்ப்³ராஹ்ம்யாத்கூடாபி⁴சாராத்ஸ க²லு ம்ருதிமிதஸ்தந்மநோ(அ)கா³த்க்ருதாந்தம் ।
தத்³ப்⁴ராதா ஶ்ரௌதமந்த்ரை: புநரநயதி³தி ப்ராஹ ஸூக்தேந வேத³ -
ஸ்தஸ்மாதா³த்மாபி⁴யுக்தம் வ்ரஜதி நநு மந: கர்ஹிசிந்நாந்தராத்மா ॥ 29 ॥
ஏகோ நிஷ்கம்ப ஆத்மா ப்ரசலதி மநஸா தா⁴வமாநேந தஸ்மிம் -
ஸ்திஷ்ட²ந்நக்³ரே(அ)த² பஶ்சாந்ந ஹி தமநுக³தம் ஜாநதே சக்ஷுராத்³யா: ।
யத்³வத்பாத²ஸ்தரங்கை³: ப்ரசலதி பரிதோ தா⁴வமாநைஸ்தத³ந்த:
ப்ராக்பஶ்சாத³ஸ்தி தேஷாம் பவநஸமுதி³தைஸ்தை: ப்ரஶாந்தைர்யதா²வத் ॥ 30 ॥
ஏகாக்யாஸீத்ஸ பூர்வம் ம்ருக³யதி விஷயாநாநுபூர்வ்யாந்தராத்மா
ஜாயா மே ஸ்யாத்ப்ரஜா வா த⁴நமுபகரண கர்ம குர்வஸ்தத³ர்த²ம் ।
க்லேஶை: ப்ராணாவஶேஷைர்மஹத³பி மநுதே நாந்யத³ஸ்மாத்³க³ரீய -
ஸ்த்வேகாலாபே⁴(அ)ப்யக்ருத்ஸ்நோ ம்ருத இவ விரமத்யேகஹாந்யாக்ருதார்த²: ॥ 31 ॥
நாஸீத்பூர்வம் ந பஶ்சாத³தநுதி³நகராச்சா²த³கோ வாரிவாஹோ
த்³ருஶ்ய: கிம் த்வந்தராஸௌ ஸ்த²க³யதி ஸ த்³ருஶம் பஶ்யதோ நார்கபி³ம்ப³ம் ।
நோ சேதே³வம் விநார்கம் ஜலத⁴ரபடலம் பா⁴ஸதே தர்ஹி கஸ்மா -
த்தத்³வத்³விஶ்வம் பித⁴த்தே த்³ருஶமத² ந பரம் பா⁴ஸகம் சாலகம் ஸ்வம் ॥ 32 ॥
பு⁴ஞ்ஜாந: ஸ்வப்நராஜ்யம் ஸஸகலவிப⁴வோ ஜாக³ரம் ப்ராப்ய பூ⁴யோ
ராஜ்யப்⁴ரஷ்டோ(அ)ஹமித்த²ம் ந ப⁴ஜதி விஷமம் தந்ம்ருஷா மந்யமாந: ।
ஸ்வப்நே குர்வந்நக³ம்யாக³மநமுக²மக⁴ம் தேந ந ப்ரத்யவாயீ
தத்³வஜ்ஜாக்³ரத்³த³ஶாயாம் வ்யவஹ்ருதிமகி²லாம் ஸ்வப்நவத்³விஸ்மரேச்சேத் ॥ 33 ॥
ஸ்வப்நாவஸ்தா²நுபூ⁴தம் ஶுப⁴மத² விஷமம் தந்ம்ருஷா ஜாக³ரே ஸ்யா -
ஜ்ஜாக்³ரத்யாம் ஸ்தூ²லதே³ஹவ்யவஹ்ருதிவிஷயம் தந்ம்ருஷா ஸ்வாபகாலே ।
இத்த²ம் மித்²யாத்வஸித்³தா⁴வநிஶமுப⁴யதா² ஸஜ்ஜதே தத்ர மூட⁴:
ஸத்யே தத்³பா⁴ஸகே(அ)ஸ்மிந்நிஹ ஹி குத இத³ம் தந்ந வித்³மோ வயம் ஹி ॥ 34 ॥
ஜீவந்தம் ஜாக்³ரதீஹ ஸ்வஜநமத² ம்ருதம் ஸ்வப்நகாலே நிரீக்ஷ்ய
நிர்வேத³ம் யாத்யகஸ்மாந்ம்ருதமம்ருதமமும் வீக்ஷ்ய ஹர்ஷம் ப்ரயாதி ।
ஸ்ம்ருத்வாப்யேதஸ்ய ஜந்தோர்நித⁴நமஸுயுதிம் பா⁴ஷதே தேந ஸாகம்
ஸத்யேவம் பா⁴தி பூ⁴யோ(அ)ல்பகஸமயவஶாத்ஸத்யதா வா ம்ருஷாத்வம் ॥ 35 ॥
ஸ்வாப்நஸ்த்ரீஸங்க³ஸௌக்²யாத³பி ப்⁴ருஶமஸதோ யா ச ரேதஶ்ச்யுதி: ஸ்யா -
த்ஸா த்³ருஶ்யா தத்³வதே³தத்ஸ்பு²ரதி ஜக³த³ஸத்காரணம் ஸத்யகல்பம் ।
ஸ்வப்நே ஸத்ய: புமாந்ஸ்யாத்³யுவதிரிஹ ம்ருஷைவாநயோ: ஸம்யுதிஶ்ச
ப்ராத: ஶுக்ரேண வஸ்த்ரோபஹதிரிதி யத: கல்பநாமூலமேதத் ॥ 36 ॥
பஶ்யந்த்யாராமமஸ்ய ப்ரதிதி³வஸமமீ ஜந்தவ: ஸ்வாபகாலே
பஶ்யத்யேநம் ந கஶ்சித்கரணக³ணம்ருதே மாயயா க்ரீட³மாநம் ।
ஜாக்³ரத்யர்த²வ்ரஜாநாமத² ச தநுப்⁴ருதாம் பா⁴ஸகம் சாலகம் வா
நோ ஜாநீதே ஸுஷுப்தௌ பரமஸுக²மயம் கஶ்சிதா³ஶ்சர்யமேதத் ॥ 37 ॥
ஸ்வப்நே மந்த்ரோபதே³ஶ: ஶ்ரவணபரிசித: ஸத்ய ஏஷ ப்ரபோ³தே⁴
ஸ்வாப்நாதே³வ ப்ரஸாதா³த³பி⁴லஷிதப²லம் ஸத்யதாம் ப்ராதரேதி ।
ஸத்யப்ராப்திஸ்த்வஸத்யாத³பி ப⁴வதி ததா² கிம் ச தத்ஸ்வப்ரகாஶம்
யேநேத³ம் பா⁴தி ஸர்வம் சரமசரமதோ²ச்சாவசம் த்³ருஶ்யஜாதம் ॥ 38 ॥
மத்⁴யப்ராணம் ஸுஷுப்தௌ ஸ்வஜநிமநுவிஶந்த்யக்³நிஸூர்யாத³யோ(அ)மீ
வாகா³த்³யா: ப்ராணவாயும் ததி³ஹ நிக³தி³தா க்³லாநிரேஷாம் ந வாயோ: ।
தேப்⁴யோ த்³ருஶ்யாவபா⁴ஸோ ப்⁴ரம இதி விதி³த: ஶுக்திகாரௌப்யகல்ப:
ப்ராணாயாமவ்ரதம் தச்ச்²ருதிஶிரஸி மதம் ஸ்வாத்மலப்³தௌ⁴ ந சாந்யத் ॥ 39 ॥
நோ(அ)கஸ்மாதா³ர்த்³ரமேத⁴: ஸ்ப்ருஶதி ச த³ஹந: கிம் து ஶுஷ்கம் நிதா³கா⁴ -
தா³ர்த்³ரம் சேதோ(அ)நுப³ந்தை⁴: க்ருதஸுக்ருதமபி ஸ்வோக்தகர்மப்ரஜார்தை²: ।
தத்³வஜ்ஜ்ஞாநாக்³நிரேதத்ஸ்ப்ருஶதி ந ஸஹஸா கிம் து வைராக்³யஶுஷ்கம்
தஸ்மாச்சு²த்³தோ⁴ விராக³: ப்ரத²மமபி⁴ஹிதஸ்தேந விஜ்ஞாநஸித்³தி⁴: ॥ 40 ॥
யத்கிஞ்சிந்நாமரூபாத்மகமித³மஸதே³வோதி³தம் பா⁴தி பூ⁴மௌ
யேநாநேகப்ரகாரைர்வ்யவஹரதி ஜக³த்³யேந தேநேஶ்வரேண ।
தத்³வத்ப்ரச்சா²த³நீயம் நிப்⁴ருதரஶநயா யத்³வதே³ஷ த்³விஜிஹ்வ -
ஸ்தேந த்யக்தேந போ⁴ஜ்யம் ஸுக²மநதிஶயம் மா க்³ருதோ⁴(அ)ந்யத்³த⁴நாத்³யம் ॥ 41 ॥
ஜீவந்முக்திர்முமுக்ஷோ: ப்ரத²மமத² ததோ முக்திராத்யந்திகீ ச
தே(அ)ப்⁴யாஸஜ்ஞாநயோகா³த்³கு³ருசரணக்ருபாபாங்க³ஸங்கே³ந லப்³தா⁴த் ।
அப்⁴யாஸோ(அ)பி த்³விதா⁴ ஸ்யாத³தி⁴கரணவஶாத்³தை³ஹிகோ மாநஸஶ்ச
ஶாரீரஸ்த்வாஸநாத்³யோ ஹ்யுபரதிரபரோ ஜ்ஞாநயோக³: புரோக்த: ॥ 42 ॥
ஸர்வாநுந்மூல்ய காமாந்ஹ்ருதி³ க்ருதநிலயாந்க்ஷிப்தஶங்கூநிவோச்சை -
ர்தீ³ர்யத்³தே³ஹாபி⁴மாநஸ்த்யஜதி சபலதாமாத்மத³த்தாவதா⁴ந: ।
யாத்யூர்த்⁴வஸ்தா²நமுச்சை: க்ருதஸுக்ருதப⁴ரோ நாடி³காபி⁴ர்விசித்ரம்
நீலஶ்வேதாருணாபி⁴: ஸ்ரவத³ம்ருதப⁴ரம் க்³ருஹ்யமாணாத்மஸௌக்²ய: ॥ 43 ॥
ப்ராபஶ்யத்³விஶ்வமாத்மேத்யயமிஹ புருஷ: ஶோகமோஹாத்³யதீத:
ஶுக்ரம் ப்³ரஹ்மாத்⁴யக³ச்ச²த்ஸ க²லு ஸகலவித்ஸர்வஸித்³த்⁴யாஸ்பத³ம் ஹி ।
விஸ்ம்ருத்ய ஸ்தூ²லஸூக்ஷ்மப்ரப்⁴ருதிவபுரஸௌ ஸர்வஸங்கல்பஶூந்யோ
ஜீவந்முக்தஸ்துரீயம் பத³மதி⁴க³தவாந்புண்யபாபைர்விஹீந: ॥ 44 ॥
ய: ஸத்த்வாகாரவ்ருத்தௌ ப்ரதிப²லதி யுவா தே³ஹமாத்ராவ்ருதோ(அ)பி
தத்³த⁴ர்மைர்பா³ல்யவார்த்³த்⁴யாதி³பி⁴ரநுபஹத: ப்ராண ஆவிர்ப³பூ⁴வ ।
ஶ்ரேயாந்ஸாத்⁴யஸ்தமேதம் ஸுநிபுணமதய: ஸத்யஸங்கல்பபா⁴ஜோ
ஹ்யப்⁴யாஸாத்³தே³வயந்த: பரிணதமநஸா ஸாகமூர்த்⁴வம் நயந்தி ॥ 45 ॥
ப்ராயோ(அ)காமோ(அ)ஸ்தகாமோ நிரதிஶயஸுகா²யாத்மகாமஸ்ததா³ஸௌ
தத்ப்ராப்தாவாப்தகாம: ஸ்தி²தசரமத³ஶஸ்தஸ்ய தே³ஹாவஸாநே ।
ப்ராணா நைவோத்க்ரமந்தி க்ரமவிரதிமிதா: ஸ்வஸ்வஹேதௌ ததா³நீம்
க்வாயம் ஜீவோ விலீநோ லவணமிவ ஜலே(அ)க²ண்ட³ ஆத்மைவ பஶ்சாத் ॥ 46 ॥
பிண்டீ³பூ⁴தம் யத³ந்தர்ஜலநிதி⁴ஸலிலம் யாதி தத்ஸைந்த⁴வாக்²யம்
பூ⁴ய: ப்ரக்ஷிப்தமஸ்மிந்விலயமுபக³தம் நாமரூபே ஜஹாதி ।
ப்ராஜ்ஞஸ்தத்³வத்பராத்மந்யத² ப⁴ஜதி லயம் தஸ்ய சேதோ ஹிமாம்ஶௌ
வாக³க்³நௌ சக்ஷுரர்கே பயஸி புநரஸ்ருக்³ரேதஸீ தி³க்ஷு கர்ணௌ ॥ 47 ॥
க்ஷீராந்தர்யத்³வதா³ஜ்யம் மது⁴ரிமவிதி³தம் தத்ப்ருத²க்³பூ⁴தமஸ்மா -
த்³பூ⁴தேஷு ப்³ரஹ்ம தத்³வத்³வ்யவஹ்ருதிவிதி³தம் ஶ்ராந்தவிஶ்ராந்திபீ³ஜம் ।
யம் லப்³த்⁴வா லாப⁴மந்யம் த்ருணமிவ மநுதே யத்ர நோதே³தி பீ⁴தி:
ஸாந்த்³ராநந்த³ம் யத³ந்த: ஸ்பு²ரதி தத³ம்ருதம் வித்³த்⁴யதோ ஹ்யந்யதா³ர்தம் ॥ 48 ॥
ஓத: ப்ரோதஶ்ச தந்துஷ்விஹ விததபடஶ்சித்ரவர்ணேஷு சித்ர -
ஸ்தஸ்மிஞ்ஜிஜ்ஞாஸ்யமாநே நநு ப⁴வதி பட: ஸூத்ரமாத்ராவஶேஷ: ।
தத்³வத்³விஶ்வம் விசித்ரம் நக³நக³ரநரக்³ராமபஶ்வாதி³ரூபம்
ப்ரோதம் வைராஜரூபே ஸ வியதி தத³பி ப்³ரஹ்மணி ப்ரோதமோதம் ॥ 49 ॥
ரூபம் ரூபம் ப்ரதீத³ம் ப்ரதிப²லநவஶாத்ப்ராதிரூப்யம் ப்ரபேதே³
ஹ்யேகோ த்³ரஷ்டா த்³விதீயோ ப⁴வதி ச ஸலிலே ஸர்வதோ(அ)நந்தரூப: ।
இந்த்³ரோ மாயாபி⁴ராஸ்தே ஶ்ருதிரிதி வத³தி வ்யாபகம் ப்³ரஹ்ம தஸ்மா -
ஜ்ஜீவத்வம் யாத்யகஸ்மாத³திவிமலதரே பி³ம்பி³தம் பு³த்³த்⁴யுபாதௌ⁴ ॥ 50 ॥
தஜ்ஜ்ஞா: பஶ்யந்தி பு³த்³த்⁴யா பரமப³லவதோ மாயயாக்தம் பதங்க³ம்
பு³த்³தா⁴வந்த:ஸமுத்³ரே ப்ரதிப²லிதமரீச்யாஸ்பத³ம் வேத⁴ஸஸ்தம் ।
யாத்³ருக்³யாவாநுபாதி⁴: ப்ரதிப²லதி ததா² ப்³ரஹ்ம தஸ்மிந்யதா²ஸ்யம்
ப்ராப்தாத³ர்ஶாநுரூபம் ப்ரதிப²லதி யதா²வஸ்தி²தம் ஸத்ஸதை³வ ॥ 51 ॥
ஏகோ பா⁴நுஸ்தத³ஸ்த²: ப்ரதிப²லநவஶாத்³யஸ்த்வநேகோத³காந்த -
ர்நாநாத்வம் யாத்யுபாதி⁴ஸ்தி²திக³திஸமதாம் சாபி தத்³வத்பராத்மா ।
பூ⁴தேஷூச்சாவசேஷு ப்ரதிப²லித இவாபா⁴தி தாவத்ஸ்வபா⁴வா -
வச்சி²ந்நோ ய: பரம் து ஸ்பு²டமநுபஹதோ பா⁴தி தாவத்ஸ்வபா⁴வை: ॥ 52 ॥
யத்³வத்பீயூஷரஶ்மௌ தி³நகரகிரணைர்பி³ம்பி³தைரேதி ஸாந்த்³ரம்
நாஶம் நைஶம் தமிஸ்ரம் க்³ருஹக³தமத²வா மூர்சி²தை: காம்ஸ்யபாத்ரே ।
தத்³வத்³பு³த்³தௌ⁴ பராத்மத்³யுதிபி⁴ரநுபத³ம் பி³ம்பி³தாபி⁴: ஸமந்தா -
த்³பா⁴ஸந்தே ஹீந்த்³ரியாஸ்யப்ரஸ்ருதிபி⁴ரநிஶம் ரூபமுக்²யா: பதா³ர்தா²: ॥ 53 ॥
பூர்ணாத்மாநாத்மபே⁴தா³த்த்ரிவித⁴மிஹ பரம் பு³த்³த்⁴யவச்சி²ந்நமந்ய -
த்தத்ரைவாபா⁴ஸமாத்ரம் க³க³நமிவ ஜலே த்ரிப்ரகாரம் விபா⁴தி ।
அம்போ⁴வச்சி²ந்நமஸ்மிந்ப்ரதிப²லிதமத: பாத²ஸோ(அ)ந்தர்ப³ஹிஶ்ச
பூர்ணாவச்சி²ந்நயோகே³ வ்ரஜதி லயமவித்³யா ஸ்வகார்யை: ஸஹைவ ॥ 54 ॥
த்³ருஶ்யந்தே தா³ருநார்யோ யுக³பத³க³ணிதா: ஸ்தம்ப⁴ஸூத்ரப்ரயுக்தா:
ஸங்கீ³தம் த³ர்ஶயந்த்யோ வ்யவஹ்ருதிமபராம் லோகஸித்³தா⁴ம் ச ஸர்வாம் ।
ஸர்வத்ராநுப்ரவிஷ்டாத³பி⁴நவவிப⁴வாத்³யாவத³ர்தா²நுப³ந்தா⁴ -
த்தத்³வத்ஸூத்ராத்மஸந்ஜ்ஞாத்³வ்யவஹரதி ஜக³த்³பூ⁴ர்பு⁴வ:ஸ்வர்மஹாந்தம் ॥ 55 ॥
தத்ஸத்யம் யத்த்ரிகாலேஷ்வநுபஹதமத³: ப்ராணதி³க்³வ்யோமமுக்²யம்
யஸ்மிந்விஶ்ராந்தமாஸ்தே ததி³ஹ நிக³தி³தம் ப்³ரஹ்ம ஸத்யஸ்ய ஸத்யம் ।
நாஸ்த்யந்யத்கிஞ்ச யத்³வத்பரமதி⁴கமதோ நாம ஸத்யஸ்ய ஸத்யம்
ஸச்ச த்யச்சேதி மூர்தாத்³யுபஹிதமவரம் ஸத்யமஸ்யாபி ஸத்யம் ॥ 56 ॥
யத்கிஞ்சித்³பா⁴த்யஸத்யம் வ்யவஹ்ருதிவிஷயே ரௌப்யஸர்பாம்பு³முக்²யம்
தத்³வை ஸத்யாஶ்ரயேணேத்யயமிஹ நியம: ஸாவதி⁴ர்லோகஸித்³த⁴: ।
தத்³வை ஸத்யஸ்ய ஸத்யே ஜக³த³கி²லமித³ம் ப்³ரஹ்மணி ப்ராவிராஸீ -
ந்மித்²யாபூ⁴தம் ப்ரதீதம் ப⁴வதி க²லு யதஸ்தச்ச ஸத்யம் வத³ந்தி ॥ 57 ॥
யத்ராகாஶாவகாஶ: கலயதி ச கலாமாத்ரதா யத்ர காலோ
யத்ரைவாஶாவஸாநம் ப்³ருஹதி³ஹ ஹி விராட் பூர்வமர்வாகி³வாஸ்தே ।
ஸூத்ரம் யத்ராவிராஸீந்மஹத³பி மஹதஸ்தத்³தி⁴ பூர்ணாச்ச பூர்ணம்
ஸம்பூர்ணாத³ர்ணவாதே³ரபி ப⁴வதி யதா² பூர்ணமேகார்ணவாம்ப⁴: ॥ 58 ॥
அந்த: ஸர்வௌஷதீ⁴நாம் ப்ருத²க³மிதரஸைர்க³ந்த⁴வீர்யைர்விபாகை -
ரேகம் பாதோ²த³பாத²: பரிணமதி யதா² தத்³வதே³வாந்தராத்மா ।
நாநாபூ⁴தஸ்வபா⁴வைர்வஹதி வஸுமதீ யேந விஶ்வம் பயோதோ³
வர்ஷத்யுச்சைர்ஹுதாஶ: பசதி த³ஹதி வா யேந ஸர்வாந்தரோ(அ)ஸௌ ॥ 59 ॥
பூ⁴தேஷ்வாத்மாநமாத்மந்யநுக³தமகி²லம் பூ⁴தஜாதம் ப்ரபஶ்யே -
த்ப்ராய: பாத²ஸ்தரங்கா³ந்வயவத³த² சிரம் ஸர்வமாத்மைவ பஶ்யேத் ।
ஏகம் ப்³ரஹ்மாத்³விதீயம் ஶ்ருதிஶிரஸி மதம் நேஹ நாநாஸ்தி கிம் சி -
ந்ம்ருத்யோராப்நோதி ம்ருத்யும் ஸ இஹ ஜக³தி³த³ம் யஸ்து நாநேவ பஶ்யேத் ॥ 60 ॥
ப்ராக்பஶ்சாத³ஸ்தி கும்பா⁴த்³க³க³நமித³மிதி ப்ரத்யயே ஸத்யபீத³ம்
கும்போ⁴த்பத்தாவுதே³தி ப்ரலயமுபக³தே நஶ்யதீத்யந்யதே³ஶம் ।
நீதே கும்பே⁴ந ஸாகம் வ்ரஜதி ப⁴ஜதி வா தத்ப்ரமாணாநுகாரா -
வித்த²ம் மித்²யாப்ரதீதி: ஸ்பு²ரதி தநுப்⁴ருதாம் விஶ்வதஸ்தத்³வதா³த்மா ॥ 61 ॥
யாவாந்பிண்டோ³ கு³ட³ஸ்ய ஸ்பு²ரதி மது⁴ரிமைவாஸ்தி ஸர்வோ(அ)பி தாவா -
ந்யாவாந்கர்பூரபிண்ட³: பரிணமதி ஸதா³மோத³ ஏவாத்ர தாவாந் ।
விஶ்வம் யாவத்³விபா⁴தி த்³ருமநக³நக³ராராமசைத்யாபி⁴ராமம்
தாவச்சைதந்யமேகம் ப்ரவிகஸதி யதோ(அ)ந்தே ததா³த்மாவஶேஷம் ॥ 62 ॥
வாத்³யாந்நாதா³நுபூ⁴திர்யத³பி தத³பி ஸா நூநமாகா⁴தக³ம்யா
வாத்³யாகா⁴தத்⁴வநீநாம் ந ப்ருத²க³நுப⁴வ: கிம் து தத்ஸாஹசர்யாத் ।
மாயோபாதா³நமேதத்ஸஹசரிதமிவ ப்³ரஹ்மணாபா⁴தி தத்³வ -
த்தஸ்மிந்ப்ரத்யக்ப்ரதீதே ந கிமபி விஷயீபா⁴வமாப்நோதி யஸ்மாத் ॥ 63 ॥
த்³ருஷ்ட: ஸாக்ஷாதி³தா³நீமிஹ க²லு ஜக³தாமீஶ்வர: ஸம்விதா³த்மா
விஜ்ஞாத: ஸ்தா²ணுரேகோ க³க³நவத³பி⁴த: ஸர்வபூ⁴தாந்தராத்மா ।
த்³ருஷ்டம் ப்³ரஹ்மாதிரிக்தம் ஸகலமித³மஸத்³ரூபமாபா⁴ஸமாத்ரம்
ஶுத்³த⁴ம் ப்³ரஹ்மாஹமஸ்மீத்யவிரதமது⁴நாத்ரைவ திஷ்டே²த³நீஹ: ॥ 64 ॥
இந்த்³ரேந்த்³ராண்யோ: ப்ரகாமம் ஸுரதஸுக²ஜுஷோ: ஸ்யாத்³ரதாந்த: ஸுஷுப்தி -
ஸ்தஸ்யாமாநந்த³ஸாந்த்³ரம் பத³மதிக³ஹநம் யத்ஸ ஆநந்த³கோஶ: ।
தஸ்மிந்நோ வேத³ கிஞ்சிந்நிரதிஶயஸுகா²ப்⁴யந்தரே லீயமாநோ
து³:கீ² ஸ்யாத்³போ³தி⁴த: ஸந்நிதி குஶலமதிர்போ³த⁴யேந்நைவ ஸுப்தம் ॥ 65 ॥
ஸர்வே நந்த³ந்தி ஜீவா அதி⁴க³தயஶஸா க்³ருஹ்ணதா சக்ஷுராதீ³ -
நந்த: ஸர்வோபகர்த்ரா ப³ஹிரபி ச ஸுஷுப்தௌ யதா² துல்யஸம்ஸ்தா²: ।
ஏதேஷாம் கில்பி³ஷஸ்ப்ருக்³ஜட²ரப்⁴ருதிக்ருதே யோ ப³ஹிர்வ்ருத்திராஸ்தே
த்வக்சக்ஷு:ஶ்ரோத்ரநாஸாரஸநவஶமிதோ யாதி ஶோகம் ச மோஹம் ॥ 66 ॥
ஜாக்³ரத்யாமந்தராத்மா விஷயஸுக²க்ருதே(அ)நேகயத்நாந்விதா⁴ஸ்ய -
ஞ்ஶ்ராம்யத்ஸர்வேந்த்³ரியௌகோ⁴(அ)தி⁴க³தமபி ஸுக²ம் விஸ்மரந்யாதி நித்³ராம் ।
விஶ்ராமாய ஸ்வரூபே த்வதிதரஸுலப⁴ம் தேந சாதீந்த்³ரியம் ஹி
ஸுக²ம் ஸர்வோத்தமம் ஸ்யாத் பரிணதிவிரஸாதி³ந்த்³ரியோத்தா²த்ஸுகா²ச்ச ॥ 67 ॥
பக்ஷாவப்⁴யஸ்ய பக்ஷீ ஜநயதி மருதம் தேந யாத்யுச்சதே³ஶம்
லப்³த்⁴வா வாயும் மஹாந்தம் ஶ்ரமமபநயதி ஸ்வீயபக்ஷௌ ப்ரஸார்ய ।
து³:ஸங்கல்பைர்விகல்பைர்விஷயமநு கத³ர்தீ²க்ருதம் சித்தமேத -
த்கி²ந்நம் விஶ்ராமஹேதோ: ஸ்வபிதி சிரமஹோ ஹஸ்தபாதா³ந்ப்ரஸார்ய ॥ 68 ॥
ஆஶ்லிஷ்யாத்மாநமாத்மா ந கிமபி ஸஹஸைவாந்தரம் வேத³ பா³ஹ்யம்
யத்³வத்காமீ விதே³ஶாத்ஸத³நமுபக³தோ கா³ட⁴மாஶ்லிஷ்ய காந்தாம் ।
யாத்யஸ்தம் தத்ர லோகவ்யவஹ்ருதிரகி²லா புண்யபாபாநுப³ந்த⁴:
ஶோகோ மோஹோ ப⁴யம் வா ஸமவிஷமமித³ம் ந ஸ்மரத்யேவ கிஞ்சித் ॥ 69 ॥
அல்பாநல்பப்ரபஞ்சப்ரலய உபரதிஶ்சேந்த்³ரியாணாம் ஸுகா²ப்தி -
ர்ஜீவந்முக்தௌ ஸுஷுப்தௌ த்ரிதயமபி ஸமம் கிம் து தத்ராஸ்தி பே⁴த³: ।
ப்ராக்ஸம்ஸ்காராத்ப்ரஸுப்த: புநரபி ச பராவ்ருத்திமேதி ப்ரபு³த்³தோ⁴
நஶ்யத்ஸம்ஸ்காரஜாதோ ந ஸ கில புநராவர்ததே யஶ்ச முக்த: ॥ 70 ॥
ஆநந்தா³ந்யஶ்ச ஸர்வாநநுப⁴வதி ந்ருப: ஸர்வஸம்பத்ஸம்ருத்³த⁴-
ஸ்தஸ்யாநந்த³: ஸ ஏக: ஸ க²லு ஶதகு³ண: ஸந்ப்ரதி³ஷ்ட: பித்ருணாம் ।
ஆதே³வப்³ரஹ்மலோகம் ஶதஶதகு³ணிதாஸ்தே யத³ந்தர்க³தா: ஸ்யு -
ர்ப்³ரஹ்மாநந்த³: ஸ ஏகோ(அ)ஸ்த்யத² விஷயஸுகா²ந்யஸ்ய மாத்ரா ப⁴வந்தி ॥ 71 ॥
யத்ராநந்தா³ஶ்ச மோதா³: ப்ரமுத³ இதி முத³ஶ்சாஸதே ஸர்வ ஏதே
யத்ராப்தா: ஸர்வகாமா: ஸ்யுரகி²லவிரமாத்கேவலீபா⁴வ ஆஸ்தே ।
மாம் தத்ராநந்த³ஸாந்த்³ரே க்ருதி⁴ சிரமம்ருதம் ஸோம பீயூஷபூர்ணாம்
தா⁴ராமிந்த்³ராய தே³ஹீத்யபி நிக³மகி³ரோ ப்⁴ரூயுகா³ந்தர்க³தாய ॥ 72 ॥
ஆத்மாகம்ப: ஸுகா²த்மா ஸ்பு²ரதி தத³பரா த்வந்யதை²வ ஸ்பு²ரந்தீ
ஸ்தை²ர்யம் வா சஞ்சலத்வம் மநஸி பரிணதிம் யாதி தத்ரத்யமஸ்மிந் ।
சாஞ்சல்யம் து³:க²ஹேதுர்மநஸ இத³மஹோ யாவதி³ஷ்டார்த²லப்³தி⁴ -
ஸ்தஸ்யாம் யாவத்ஸ்தி²ரத்வம் மநஸி விஷயஜம் ஸ்யாத்ஸுக²ம் தாவதே³வ ॥ 73 ॥
யத்³வத்ஸௌக்²யம் ரதாந்தே நிமிஷமிஹ மநஸ்யேகதாநே ரஸே ஸ்யா -
த்ஸ்தை²ர்யம் யாவத்ஸுஷுப்தௌ ஸுக²மநதிஶயம் தாவதே³வாத² முக்தௌ ।
நித்யாநந்த³: ப்ரஶாந்தே ஹ்ருதி³ ததி³ஹ ஸுக²ஸ்தை²ர்யயோ: ஸாஹசர்யம்
நித்யாநந்த³ஸ்ய மாத்ரா விஷயஸுக²மித³ம் யுஜ்யதே தேந வக்தும் ॥ 74 ॥
ஶ்ராந்தம் ஸ்வாந்தம் ஸ பா³ஹ்யவ்யவஹ்ருதிபி⁴ரித³ம் தா: ஸமாக்ருஷ்ய ஸர்வா -
ஸ்தத்தத்ஸம்ஸ்காரயுக்தம் ஹ்யுபரமதி பராவ்ருத்தமிச்ச²ந்நிதா³நம் ।
ஸ்வாப்நாந்ஸம்ஸ்காரஜாதப்ரஜநிதவிஷயாந்ஸ்வாப்நதே³ஹே(அ)நுபூ⁴தா -
ந்ப்ரோஜ்ஜ்²யாந்த: ப்ரத்யகா³த்மப்ரவணமித³மகா³த்³பூ⁴ரி விஶ்ராமமஸ்மிந் ॥ 75 ॥
ஸ்வப்நே போ⁴க³: ஸுகா²தே³ர்ப⁴வதி நநு குத: ஸாத⁴நே மூர்ச²மாநே
ஸ்வாப்நம் தே³ஹாந்தரம் தத்³வ்யவஹ்ருதிகுஶலம் நவ்யமுத்பத்³யதே சேத் ।
தத்ஸாமக்³ர்யா அபா⁴வாத்குத இத³முதி³தம் தத்³தி⁴ ஸாங்கல்பிகம் சே -
த்தத்கிம் ஸ்வாப்நே ரதாந்தே வபுஷி நிபதிதே த்³ருஶ்யதே ஶுக்ரமோக்ஷ: ॥ 76 ॥
பீ⁴த்யா ரோதி³த்யநேந ப்ரவத³தி ஹஸதி ஶ்லாக⁴தே நூநமஸ்மா -
த்ஸ்வப்நே(அ)ப்யங்கே³(அ)நுப³ந்த⁴ம் த்யஜதி ந ஸஹஸா மூர்சி²தே(அ)ப்யந்தராத்மா ।
பூர்வம் யே யே(அ)நுபூ⁴தாஸ்தநுயுவதிஹயவ்யாக்⁴ரதே³ஶாத³யோ(அ)ர்தா² -
ஸ்தத்ஸம்ஸ்காரஸ்வரூபாந்ஸ்ருஜதி புநரமூஞ்ஶ்ரித்ய ஸம்ஸ்காரதே³ஹம் ॥ 77 ॥
ஸந்தௌ⁴ ஜாக்³ரத்ஸுஷுப்த்யோரநுப⁴வவிதி³தா ஸ்வாப்ந்யவஸ்தா² த்³விதீயா
தத்ராத்மஜ்யோதிராஸ்தே புருஷ இஹ ஸமாக்ருஷ்ய ஸர்வேந்த்³ரியாணி ।
ஸம்வேஷ்ய ஸ்தூ²லதே³ஹம் ஸமுசிதஶயநே ஸ்வீயபா⁴ஸாந்தராத்மா
பஶ்யந்ஸம்ஸ்காரரூபாநபி⁴மதவிஷயாந்யாதி குத்ராபி தத்³வத் ॥ 78 ॥
ரக்ஷந்ப்ராணை: குலாயம் நிஜஶயநக³தம் ஶ்வாஸமாத்ராவஶேஷை -
ர்மா பூ⁴த்தத்ப்ரேதகல்பாக்ருதிகமிதி புந: ஸாரமேயாதி³ப⁴க்ஷ்யம் ।
ஸ்வப்நே ஸ்வீயப்ரபா⁴வாத்ஸ்ருஜதி ஹயரதா²ந்நிம்நகா³: பல்வலாநி
க்ரீடா³ஸ்தா²நாந்யநேகாந்யபி ஸுஹ்ருத³ப³லாபுத்ரமித்ராநுகாராந் ॥ 79 ॥
மாதங்க³வ்யாக்⁴ரத³ஸ்யுத்³விஷது³ரக³கபீந்குத்ரசித்ப்ரேயஸீபி⁴:
க்ரீட³ந்நாஸ்தே ஹஸந்வா விஹரதி குஹசிந்ம்ருஷ்டமஶ்நாதி சாந்நம் ।
ம்லேச்ச²த்வம் ப்ராப்தவாநஸ்ம்யஹமிதி குஹசிச்ச²ங்கித: ஸ்வீயலோகா -
தா³ஸ்தே வ்யாக்⁴ராதி³பீ⁴த்யா ப்ரசலதி குஹசித்³ரோதி³தி க்³ரஸ்யமாந: ॥ 80 ॥
யோ யோ த்³ருக்³கோ³சரோ(அ)ர்தோ² ப⁴வதி ஸ ஸ ததா³ தத்³க³தாத்மஸ்வரூபா -
விஜ்ஞாநோத்பத்³யமாந: ஸ்பு²ரதி நநு யதா² ஶுக்திகாஜ்ஞாநஹேது: ।
ரௌப்யாபா⁴ஸோ ம்ருஷைவ ஸ்பு²ரதி ச கிரணாஜ்ஞாநதோ(அ)ம்போ⁴ பு⁴ஜங்கோ³
ரஜ்ஜ்வஜ்ஞாநாந்நிமேஷம் ஸுக²ப⁴யக்ருத³தோ த்³ருஷ்டிஸ்ருஷ்டம் கிலேத³ம் ॥ 81 ॥
மாயாத்⁴யாஸாஶ்ரயேண ப்ரவிததமகி²லம் யந்மயா தேந மத்ஸ்தா² -
ந்யேதாந்யேதேஷு நாஹம் யத³பி ஹி ரஜதம் பா⁴தி ஶுக்தௌ ந ரௌப்யே ।
ஶுக்த்யம்ஶஸ்தேந பூ⁴தாந்யபி மயி ந வஸந்தீதி விஷ்வக்³விநேதா
ப்ராஹாஸ்மாத்³த்³ருஶ்யஜாதம் ஸகலமபி ம்ருஷைவேந்த்³ரஜாலோபமேயம் ॥ 82 ॥
ஹேது: கர்மைவ லோகே ஸுக²ததி³தரயோரேவமஜ்ஞோ(அ)விதி³த்வா
மித்ரம் வா ஶத்ருரித்த²ம் வ்யவஹரதி ம்ருஷா யாஜ்ஞவல்க்யார்தபா⁴கௌ³ ।
யத்கர்மைவோசது: ப்ராக்³ஜநகந்ருபக்³ருஹே சக்ரதுஸ்தத்ப்ரஶம்ஸாம்
வம்ஶோத்தம்ஸோ யதூ³நாமிதி வத³தி ந கோ(அ)ப்யத்ர திஷ்ட²த்யகர்மா ॥ 83 ॥
வ்ருக்ஷச்சே²தே³ குடா²ர: ப்ரப⁴வதி யத³பி ப்ராணிநோத்³யஸ்ததா²பி
ப்ராயோ(அ)ந்நம் த்ருப்திஹேதுஸ்தத³பி நிக³தி³தம் காரணம் போ⁴க்த்ருயத்ந: ।
ப்ராசீநம் கர்ம தத்³வத்³விஷமஸமப²லப்ராப்திஹேதுஸ்ததா²பி
ஸ்வாதந்த்ர்யம் நஶ்வரே(அ)ஸ்மிந்ந ஹி க²லு க⁴டதே ப்ரேரகோ(அ)ஸ்யாந்தராத்மா ॥ 84 ॥
ஸ்ம்ருத்யா லோகேஷு வர்ணாஶ்ரமவிஹிதமதோ³ நித்யகாம்யாதி³ கர்ம
ஸர்வம் ப்³ரஹ்மார்பணம் ஸ்யாதி³தி நிக³மகி³ர: ஸங்கி³ரந்தே(அ)திரம்யம் ।
யந்நாஸாநேத்ரஜிஹ்வாகரசரணஶிர:ஶ்ரோத்ரஸந்தர்பணேந
துஷ்யேத³ங்கீ³வ ஸாக்ஷாத்தருரிவ ஸகலோ மூலஸந்தர்பணேந ॥ 85 ॥
ய: ப்ரைத்யாத்மாநபி⁴ஜ்ஞ: ஶ்ருதிவித³பி ததா²கர்மக்ருத்கர்மணோ(அ)ஸ்ய
நாஶ: ஸ்யாத³ல்பபோ⁴கா³த்புநரவதரணே து³:க²போ⁴கோ³ மஹீயாந் ।
ஆத்மாபி⁴ஜ்ஞஸ்ய லிப்ஸோரபி ப⁴வதி மஹாஞ்ஶாஶ்வத: ஸித்³தி⁴போ⁴கோ³
ஹ்யாத்மா தஸ்மாது³பாஸ்ய: க²லு தத³தி⁴க³மே ஸர்வஸௌக்²யாந்யலிப்ஸோ: ॥ 86 ॥
ஸூர்யாத்³யைரர்த²பா⁴நம் ந ஹி ப⁴வதி புந: கேவலைர்நாத்ர சித்ரம்
ஸூர்யாத்ஸூர்யப்ரதீதிர்ந ப⁴வதி ஸஹஸா நாபி சந்த்³ரஸ்ய சந்த்³ராத் ।
அக்³நேரக்³நேஶ்ச கிம் து ஸ்பு²ரதி ரவிமுக²ம் சக்ஷுஷஶ்சித்ப்ரயுக்தா -
தா³த்மஜ்யோதிஸ்ததோ(அ)யம் புருஷ இஹ மஹோ தே³வதாநாம் ச சித்ரம் ॥ 87 ॥
ப்ராணேநாம்பா⁴ம்ஸி பூ⁴ய: பிப³தி புநரஸாவந்நமஶ்நாதி தத்ர
தத்பாகம் ஜாட²ரோ(அ)க்³நிஸ்தது³பஹிதப³லோ த்³ராக்ச²நைர்வா கரோதி ।
வ்யாந: ஸர்வாங்க³நாடீ³ஷ்வத² நயதி ரஸம் ப்ராணஸந்தர்பணார்த²ம்
நி:ஸாரம் பூதிக³ந்த⁴ம் த்யஜதி ப³ஹிரயம் தே³ஹதோ(அ)பாநஸந்ஜ்ஞ: ॥ 88 ॥
வ்யாபாரம் தே³ஹஸம்ஸ்த²: ப்ரதிவபுரகி²லம் பஞ்சவ்ருத்த்யாத்மகோ(அ)ஸௌ
ப்ராண: ஸர்வேந்த்³ரியாணாமதி⁴பதிரநிஶம் ஸத்தயா நிர்விவாத³ம் ।
யஸ்யேத்த²ம் சித்³க⁴நஸ்ய ஸ்பு²டமிஹ குருதே ஸோ(அ)ஸ்மி ஸர்வஸ்ய ஸாக்ஷீ
ப்ராணஸ்ய ப்ராண ஏஷோ(அ)ப்யகி²லதநுப்⁴ருதாம் சக்ஷுஷஶ்சக்ஷுரேஷ: ॥ 89 ॥
யம் பா⁴ந்தம் சித்³க⁴நைகம் க்ஷிதிஜலபவநாதி³த்யசந்த்³ராத³யோ யே
பா⁴ஸா தஸ்யைவ சாநு ப்ரவிரலக³தயோ பா⁴ந்தி தஸ்மிந்வஸந்தி ।
வித்³யுத்புஞ்ஜோ(அ)க்³நிஸங்கோ⁴(அ)ப்யுடு³க³ணவிததிர்பா⁴ஸயேத்கிம் பரேஶம்
ஜ்யோதி: ஶாந்தம் ஹ்யநந்தம் கவிமஜமமரம் ஶாஶ்வதம் ஜந்மஶூந்யம் ॥ 90 ॥
தத்³ப்³ரஹ்மைவாஹமஸ்மீத்யநுப⁴வ உதி³தோ யஸ்ய கஸ்யாபி சேத்³வை
பும்ஸ: ஶ்ரீஸத்³கு³ரூணாமதுலிதகருணாபூர்ணபீயூஷத்³ருஷ்ட்யா ।
ஜீவந்முக்த: ஸ ஏவ ப்⁴ரமவிது⁴ரமநா நிர்க³தே(அ)நாத்³யுபாதௌ⁴
நித்யாநந்தை³கதா⁴ம ப்ரவிஶதி பரமம் நஷ்டஸந்தே³ஹவ்ருத்தி: ॥ 91 ॥
நோ தே³ஹோ நேந்த்³ரியாணி க்ஷரமதிசபலம் நோ மநோ நைவ பு³த்³தி⁴:
ப்ராணோ நைவாஹமஸ்மீத்யகி²லஜட³மித³ம் வஸ்துஜாதம் கத²ம் ஸ்யாம் ।
நாஹங்காரோ ந தா³ரா க்³ருஹஸுதஸுஜநக்ஷேத்ரவித்தாதி³ தூ³ரம்
ஸாக்ஷீ சித்ப்ரத்யகா³த்மா நிகி²லஜக³த³தி⁴ஷ்டா²நபூ⁴த: ஶிவோ(அ)ஹம் ॥ 92 ॥
த்³ருஶ்யம் யத்³ரூபமேதத்³ப⁴வதி ச விஶத³ம் நீலபீதாத்³யநேகம்
ஸர்வஸ்யைதஸ்ய த்³ருக்³வை ஸ்பு²ரத³நுப⁴வதோ லோசநம் சைகரூபம் ।
தத்³த்³ருஶ்யம் மாநஸம் த்³ருக்பரிணதவிஷயாகாரதீ⁴வ்ருத்தயோ(அ)பி
த்³ருஶ்யா த்³ருக்³ரூப ஏவ ப்ரபு⁴ரிஹ ஸ ததா² த்³ருஶ்யதே நைவ ஸாக்ஷீ ॥ 93 ॥
ரஜ்ஜ்வஜ்ஞாநாத்³பு⁴ஜங்க³ஸ்தது³பரி ஸஹஸா பா⁴தி மந்தா³ந்த⁴காரே
ஸ்வாத்மாஜ்ஞாநாத்ததா²ஸௌ ப்⁴ருஶமஸுக²மபூ⁴தா³த்மநோ ஜீவபா⁴வ: ।
ஆப்தோக்த்யாஹிப்⁴ரமாந்தே ஸ ச க²லு விதி³தா ரஜ்ஜுரேகா ததா²ஹம்
கூடஸ்தோ² நைவ ஜீவோ நிஜகு³ருவசஸா ஸாக்ஷிபூ⁴த: ஶிவோ(அ)ஹம் ॥ 94 ॥
கிம் ஜ்யோதிஸ்தே வத³ஸ்வாஹநி ரவிரிஹ மே சந்த்³ரதீ³பாதி³ ராத்ரௌ
ஸ்யாதே³வம் பா⁴நுதீ³பாதி³கபரிகலநே கிம் தவ ஜ்யோதிரஸ்தி ।
சக்ஷுஸ்தந்மீலநே கிம் ப⁴வதி ச ஸுதராம் தீ⁴ர்தி⁴ய: கிம் ப்ரகாஶே
தத்ரைவாஹம் ததஸ்த்வம் தத³ஸி பரமகம் ஜ்யோதிரஸ்மி ப்ரபோ⁴(அ)ஹம் ॥ 95 ॥
கஞ்சித்காலம் ஸ்தி²த: கௌ புநரிஹ ப⁴ஜதே நைவ தே³ஹாதி³ஸங்க⁴ம்
யாவத்ப்ராரப்³த⁴போ⁴க³ம் கத²மபி ஸ ஸுக²ம் சேஷ்டதே(அ)ஸங்க³பு³த்³த்⁴யா ।
நிர்த்³வந்த்³வோ நித்யஶுத்³தோ⁴ விக³லிதமமதாஹங்க்ருதிர்நித்யத்ருப்தோ
ப்³ரஹ்மாநந்த³ஸ்வரூப: ஸ்தி²ரமதிரசலோ நிர்க³தாஶேஷமோஹ: ॥ 96 ॥
ஜீவாத்மப்³ரஹ்மபே⁴த³ம் த³லயதி ஸஹஸா யத்ப்ரகாஶைகரூபம்
விஜ்ஞாநம் தச்ச பு³த்³தௌ⁴ ஸமுதி³தமதுலம் யஸ்ய பும்ஸ: பவித்ரம் ।
மாயா தேநைவ தஸ்ய க்ஷயமுபக³மிதா ஸம்ஸ்ருதே: காரணம் யா
நஷ்டா ஸா காயகர்த்ரீ புநரபி ப⁴விதா நைவ விஜ்ஞாநமாத்ராத் ॥ 97 ॥
விஶ்வம் நேதி ப்ரமாணாத்³விக³லிதஜக³தா³காரபா⁴நஸ்த்யஜேத்³வை
பீத்வா யத்³வத்ப²லாம்ப⁴ஸ்த்யஜதி ச ஸுதராம் தத்ப²லம் ஸௌரபா⁴ட்⁴யம் ।
ஸம்யக்ஸச்சித்³க⁴நைகாம்ருதஸுக²கப³லாஸ்வாத³பூர்ணோ ஹ்ருதா³ஸௌ
ஜ்ஞாத்வா நி:ஸாரமேவம் ஜக³த³கி²லமித³ம் ஸ்வப்ரப⁴: ஶாந்தசித்த: ॥ 98 ॥
க்ஷீயந்தே சாஸ்ய கர்மாண்யபி க²லு ஹ்ருத³யக்³ரந்தி²ருத்³பி⁴த்³யதே வை
ச்சி²த்³யந்தே ஸம்ஶயா யே ஜநிம்ருதிப²லதா³ த்³ருஷ்டமாத்ரே பரேஶே ।
தஸ்மிம்ஶ்சிந்மாத்ரரூபே கு³ணமலரஹிதே தத்த்வமஸ்யாதி³லக்ஷ்யே
கூடஸ்தே² ப்ரத்யகா³த்மந்யகி²லவிதி⁴மநோகோ³சரே ப்³ரஹ்மணீஶே ॥ 99 ॥
ஆதௌ³ மத்⁴யே ததா²ந்தே ஜநிம்ருதிப²லத³ம் கர்மமூலம் விஶாலம்
ஜ்ஞாத்வா ஸம்ஸாரவ்ருக்ஷம் ப்⁴ரமமத³முதி³தாஶோகதாநேகபத்ரம் ।
காமக்ரோதா⁴தி³ஶாக²ம் ஸுதபஶுவநிதாகந்யகாபக்ஷிஸங்க⁴ம்
சி²த்வாஸங்கா³ஸிநைநம் படுமதிரபி⁴தஶ்சிந்தயேத்³வாஸுதே³வம் ॥ 100 ॥
ஜாதம் மய்யேவ ஸர்வ புநரபி மயி தத்ஸம்ஸ்தி²தம் சைவ விஶ்வம்
ஸர்வம் மய்யேவ யாதி ப்ரவிலயமிதி தத்³ப்³ரஹ்ம சைவாஹமஸ்மி ।
யஸ்ய ஸ்ம்ருத்யா ச யஜ்ஞாத்³யகி²லஶுப⁴விதௌ⁴ ஸுப்ரயாதீஹ கார்யம்
ந்யூநம் ஸம்பூர்ணதாம் வை தமஹமதிமுதை³வாச்யுதம் ஸம்நதோ(அ)ஸ்மி ॥ 101 ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய
ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத: க்ருதௌ
ஶதஶ்லோகீ ஸமாப்தா ॥