க³வாஶ்வக்³ரஹணஸ்ய ஸர்வதிர்யக்³தே³ஹோபலக்ஷகத்வமபி⁴ப்ரேத்யோக்தம் –
ஸர்வேதி ।
ஸ்வயோநிபூ⁴தமிதி ।
ஸ்வயோநிபூ⁴தவிராட்புருஷதே³ஹஸஜாதீயமித்யர்த²: ।
யஸ்மாத்ஸ்வகீயபரிதோஷத்³யோதகேந ஸுக்ருதம் ப³தேத்யநேந ஶப்³தே³ந புருஷதே³ஹமுக்தவத்யஸ்தஸ்மாத்தஸ்யேதா³நீமபி ஸுக்ருதத்வமித்யாஹ –
தஸ்மாதி³தி ।
ஸ்வயம் வேதி ।
ஈஶ்வரேண ஸ்வேநைவ க்ருதம் ப்⁴ருத்யாதி³க்ருதாபேக்ஷயா ஸுக்ருதம் ஸுஷ்டு² க்ருதமித்யர்த²: । ப்ருஷோத³ராதி³த்வாத்ஸ்வயமிதிஸ்தா²நே ஸுஶப்³த³ இத்யர்த²: ।
ஏவம் வ்யஷ்டிதே³ஹஸ்ருஷ்டிமுக்த்வா தத்ர கரணாநாம் தே³வதாநாம் ச வ்யஷ்டிரூபேண ப்ரவேஶமாஹ –
தா தே³வதா இதி ।
இஷ்டத்வே ஹேதுமாஹ –
ஸர்வே ஹீதி ।
ஆயதநமிதி ।
கோ³லகரூபம் ஸ்தா²நமித்யர்த²: । ராஜ்ஞோ(அ)நுஜ்ஞாம் ப்ரதிலப்⁴ய ப³லாதி⁴க்ருதாத³ய: ஸேநாபத்யாத³யோ நக³ர்யாம் யதா² ப்ரவிஶந்தி தத்³வதீ³ஶ்வரஸ்யாநுஜ்ஞாம் ப்ரதிலப்⁴யாக்³நி: ப்ராவிஶதி³த்யந்வய: ॥3॥