ஐதரேயோபநிஷத்³பா⁴ஷ்யம்
ப்ரத²ம: அத்⁴யாய:த்ருதீய: க²ண்ட³:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (ஐதரேய)
 
ஸ ஈக்ஷதேமே நு லோகாஶ்ச லோகபாலாஶ்சாந்நமேப்⁴ய: ஸ்ருஜா இதி ॥ 1 ॥
ஸ: ஏவமீஶ்வர: ஈக்ஷத । கத²ம் ? இமே நு லோகாஶ்ச லோகபாலாஶ்ச மயா ஸ்ருஷ்டா:, அஶநாயாபிபாஸாப்⁴யாம் ச ஸம்யோஜிதா: । அதோ நைஷாம் ஸ்தி²திரந்நமந்தரேண । தஸ்மாத் அந்நம் ஏப்⁴ய: லோகபாலேப்⁴ய: ஸ்ருஜை ஸ்ருஜே இதி । ஏவம் ஹி லோகே ஈஶ்வராணாமநுக்³ரஹே நிக்³ரஹே ச ஸ்வாதந்த்ர்யம் த்³ருஷ்டம் ஸ்வேஷு । தத்³வந்மஹேஶ்வரஸ்யாபி ஸர்வேஶ்வரத்வாத்ஸர்வாந்ப்ரதி நிக்³ரஹே அநுக்³ரஹே ச ஸ்வாதந்த்ர்யமேவ ॥

ஏவம் போ⁴க³ஸாத⁴நஸ்ருஷ்டிமுக்த்வா போ⁴க்³யஸ்ருஷ்டிம் வக்துமாரப⁴தே –

ஸ ஏவமிதி ।

நுஶப்³தோ³க்தம் விதர்கம் ஸ்பஷ்டீகரோதி –

லோகா இத்யாதி³நா ।

பூர்வவல்லோகபாலப்ரார்த²நாம் விநா ஸ்வயமேவாந்நம் ஸ்ரஷ்டும் விதர்கிதவாநித்யுக்தே: ப்ரயோஜநமீஶ்வரத்வஜ்ஞாபநமித்யாஹ –

ஏவம் ஹீதி ।

அப இதி । பஞ்ச பூ⁴தாநீத்யர்த²: ॥1॥