ப்³ரஹ்மஸூத்ரபா⁴ஷ்யம்
ப்ரத²மோ(அ)த்⁴யாய:சதுர்த²: பாத³:
பூர்வப்ருஷ்ட²ம்      உத்தரப்ருஷ்ட²ம்
பா⁴மதீவ்யாக்²யா
 
கல்பநோபதே³ஶாச்ச மத்⁴வாதி³வத³விரோத⁴: ॥ 10 ॥
நாயமஜாக்ருதிநிமித்தோ(அ)ஜாஶப்³த³: । நாபி யௌகி³க: । கிம் தர்ஹி ? கல்பநோபதே³ஶோ(அ)யம் — அஜாரூபகக்லுப்திஸ்தேஜோப³ந்நலக்ஷணாயாஶ்சராசரயோநேருபதி³ஶ்யதே । யதா² ஹி லோகே யத்³ருச்ச²யா காசித³ஜா ரோஹிதஶுக்லக்ருஷ்ணவர்ணா ஸ்யாத்³ப³ஹுப³ர்கரா ஸரூபப³ர்கரா ச, தாம் ச கஶ்சித³ஜோ ஜுஷமாணோ(அ)நுஶயீத, கஶ்சிச்சைநாம் பு⁴க்தபோ⁴கா³ம் ஜஹ்யாத் — ஏவமியமபி தேஜோப³ந்நலக்ஷணா பூ⁴தப்ரக்ருதிஸ்த்ரிவர்ணா ப³ஹு ஸரூபம் சராசரலக்ஷணம் விகாரஜாதம் ஜநயதி, அவிது³ஷா ச க்ஷேத்ரஜ்ஞேநோபபு⁴ஜ்யதே, விது³ஷா ச பரித்யஜ்யத இதி । ந சேத³மாஶங்கிதவ்யம் — ஏக: க்ஷேத்ரஜ்ஞோ(அ)நுஶேதே அந்யோ ஜஹாதீத்யத: க்ஷேத்ரஜ்ஞபே⁴த³: பாரமார்தி²க: பரேஷாமிஷ்ட: ப்ராப்நோதீதி । ந ஹீயம் க்ஷேத்ரஜ்ஞபே⁴த³ப்ரதிபிபாத³யிஷா । கிந்து ப³ந்த⁴மோக்ஷவ்யவஸ்தா²ப்ரதிபிபாத³யிஷா த்வேஷா । ப்ரஸித்³த⁴ம் து பே⁴த³மநூத்³ய ப³ந்த⁴மோக்ஷவ்யவஸ்தா² ப்ரதிபாத்³யதே । பே⁴த³ஸ்தூபாதி⁴நிமித்தோ மித்²யாஜ்ஞாநகல்பித:; ந பாரமார்தி²க:। ‘ஏகோ தே³வ: ஸர்வபூ⁴தேஷு கூ³ட⁴: ஸர்வவ்யாபீ ஸர்வபூ⁴தாந்தராத்மா’ (ஶ்வே. உ. 6 । 11) இத்யாதி³ஶ்ருதிப்⁴ய: । மத்⁴வாதி³வத் — யதா² ஆதி³த்யஸ்யாமது⁴நோ மது⁴த்வம், வாசஶ்சாதே⁴நோர்தே⁴நுத்வம் , த்³யுலோகாதீ³நாம் சாநக்³நீநாமக்³நித்வம் — இத்யேவம்ஜாதீயகம் கல்ப்யதே, ஏவமித³மநஜாயா அஜாத்வம் கல்ப்யத இத்யர்த²: । தஸ்மாத³விரோத⁴ஸ்தேஜோப³ந்நேஷ்வஜாஶப்³த³ப்ரயோக³ஸ்ய ॥ 10 ॥

கல்பநோபதே³ஶாச்ச மத்⁴வாதி³வத³விரோத⁴: ।

நநு கிம் சா²கா³ லோஹிதஶுக்லக்ருஷ்ணைவாந்யாத்³ருஶீநாமபி சா²கா³நாமுபலம்பா⁴தி³த்யத ஆஹ -

யத்³ருச்ச²யேதி ।

ப³ஹுப³ர்கரா ப³ஹுஶாவா । ஶேஷம் நிக³த³வ்யாக்²யாதம் ॥ 10 ॥