अद्वैतशारदा | दक्षिणाम्नाय श्रीशारदापीठम्, शृङ्गेरी

ஏதேந ஸர்வே வ்யாக்²யாதா வ்யாக்²யாதா: ॥ 28 ॥

‘ஈக்ஷதேர்நாஶப்³த³ம்’ (ப்³ர. ஸூ. 1 । 1 । 5) இத்யாரப்⁴ய ப்ரதா⁴நகாரணவாத³: ஸூத்ரைரேவ புந: புநராஶங்க்ய நிராக்ருத: — தஸ்ய ஹி பக்ஷஸ்யோபோத்³ப³லகாநி காநிசில்லிங்கா³பா⁴ஸாநி வேதா³ந்தேஷ்வாபாதேந மந்த³மதீந்ப்ரதி பா⁴ந்தீதி । ஸ ச கார்யகாரணாநந்யத்வாப்⁴யுபக³மாத்ப்ரத்யாஸந்நோ வேதா³ந்தவாத³ஸ்ய தே³வலப்ரப்⁴ருதிபி⁴ஶ்ச கைஶ்சித்³த⁴ர்மஸூத்ரகாரை: ஸ்வக்³ரந்தே²ஷ்வாஶ்ரித: । தேந தத்ப்ரதிஷேதே⁴ யத்நோ(அ)தீவ க்ருத:, நாண்வாதி³காரணவாத³ப்ரதிஷேதே⁴ । தே(அ)பி து ப்³ரஹ்மகாரணவாத³பக்ஷஸ்ய ப்ரதிபக்ஷத்வாத்ப்ரதிஷேத்³த⁴வ்யா: । தேஷாமப்யுபோத்³ப³லகம் வைதி³கம் கிஞ்சில்லிங்க³மாபாதேந மந்த³மதீந்ப்ரதி பா⁴யாதி³தி । அத: ப்ரதா⁴நமல்லநிப³ர்ஹணந்யாயேநாதிதி³ஶதி — ஏதேந ப்ரதா⁴நகாரணவாத³ப்ரதிஷேத⁴ந்யாயகலாபேந ஸர்வே(அ)ண்வாதி³காரணவாதா³ அபி ப்ரதிஷித்³த⁴தயா வ்யாக்²யாதா வேதி³தவ்யா: । தேஷாமபி ப்ரதா⁴நவத³ஶப்³த³த்வாச்ச²ப்³த³விரோதி⁴த்வாச்சேதி । வ்யாக்²யாதா வ்யாக்²யாதா இதி பதா³ப்⁴யாஸோ(அ)த்⁴யாயபரிஸமாப்திம் த்³யோதயதி ॥ 28 ॥

ஏதேந ஸர்வே வ்யாக்²யாதா வ்யாக்²யாதா: ;

ஸ்யாதே³தத் । மா பூ⁴த்ப்ரதா⁴நம் ஜக³து³பாதா³நம் ததா²பி ந ப்³ரஹ்மோபாதா³நத்வம் ஸித்⁴யதி, பரமாண்வாதீ³நாமபி தது³பாதா³நாநாமுபப்லவமாநத்வாத் , தேஷாமபி ஹி கிஞ்சிது³போத்³ப³லகமஸ்தி வைதி³கம் லிங்க³மித்யாஶங்காமபநேதுமாஹ ஸூத்ரகார: -

ஏதேந ஸர்வே வ்யாக்²யாதா வ்யாக்²யாதா: ।

நிக³த³வ்யாக்²யாதேந பா⁴ஷ்யேண வ்யாக்²யாதம் ஸூத்ரம் । “ப்ரதிஜ்ஞாலக்ஷணம் லக்ஷ்யமாணே பத³ஸமந்வய: வைதி³க: ஸ ச தத்ரைவ நாந்யத்ரேத்யத்ர ஸாதி⁴தம்” ॥ 28 ॥

இதி ஶ்ரீமத்³வாசஸ்பதிமிஶ்ரவிரசிதே ஶ்ரீமச்சா²ரீரகபா⁴ஷ்யவிபா⁴கே³ பா⁴மத்யாம் ப்ரத²மாத்⁴யாயஸ்ய சதுர்த²: பாத³: ॥ 4 ॥

॥ இதி ப்ரத²மாத்⁴யாயே(அ)வ்யக்தாதி³ஸந்தி³க்³த⁴பத³மாத்ரஸமந்வயாக்²யஶ்சதுர்த²: பாத³: ॥

॥ இதி ஶ்ரீமத்³ப்³ரஹ்மஸூத்ரஶாங்கரபா⁴ஷ்யே ஸமந்வயாக்²ய: ப்ரத²மோ(அ)த்⁴யாய: ॥