ओङ्कारादिनिरासेन ब्रह्मादाने हेत्वन्तरमाह —

अन्येति ।

प्रतिज्ञाभ्यां सूत्रं योजयति —

अन्यभावेति ।

हेत्वर्थं प्रश्नपूर्वकमाह —

किमित्यादिना ।

अन्यभावाद्व्यावृत्त्याक्षरस्याभावत्वं विधेयमिति भ्रमव्यावृत्त्यर्थमभिप्रेतमर्थमाह —

एतदिति ।

प्रधानमन्यदित्युक्तम् । इहेति प्रकृतोदाहरणम् ।

प्रधानस्यापि रूपादिराहित्याददृष्टत्वादियोगादुक्तश्रुतौ कुतोऽक्षरस्य ततो व्यावृत्तिः, तत्राह —

तत्रेति ।

एतेन सूत्रेणाक्षरत्वं जीवस्यापि निरस्तमित्याह —

तथेति ।

अक्षरमतःशब्दार्थः ।

इतश्च जीवस्य नाक्षरशब्दतेत्याह —

अचक्षुष्कमिति ।

उपाधिसम्बन्धनिषेधेऽपि तद्वतो निषेधाभावाद्युक्तं तस्याक्षरत्वमित्याशङ्क्याह —

नहीति ।

अनन्यथासिद्धलिङ्गसङ्गियोगवृत्त्या ज्ञेयब्रह्मपरमक्षरब्राह्मणमित्युपसंहरति —

तस्मादिति ॥ १२ ॥