अद्वैतशारदा | दक्षिणाम्नाय श्रीशारदापीठम्, शृङ्गेरी

पृथगुपदेशात् ॥ २८ ॥

‘प्रज्ञया शरीरं समारुह्य’ (कौ. उ. ३ । ६) इति च आत्मप्रज्ञयोः कर्तृकरणभावेन पृथगुपदेशात् चैतन्यगुणेनैव अस्य शरीरव्यापिता गम्यते । ‘तदेषां प्राणानां विज्ञानेन विज्ञानमादाय’ (बृ. उ. २ । १ । १७) इति च कर्तुः शारीरात्पृथग्विज्ञानस्योपदेशः एतमेवाभिप्रायमुपोद्बलयति । तस्मादणुरात्मेति ॥ २८ ॥

सूत्रं व्याचष्टे -

प्रज्ञयेति ।

विधान्तरेण सूत्रार्थमाह -

तदिति ।

एतमेवाभिप्रायं चैतन्येनात्मनो देहव्यापित्वविषयं बाघकाभावं साधकभावं च परामृश्य पूर्वपक्षमुपसंहरति -

तस्मादिति ॥ २८ ॥