सूत्राक्षराणि व्याचष्टे -
भूमेरिति ।
यथाशब्दमित्युक्तं विशदयति -
तथाहीति ।
भूमेर्मांसादिभावः सूत्रितस्तदयुक्तमोदनस्यैव तथात्वदृष्टेरित्याशङ्क्याह -
त्रिवृदिति ।
सूत्रतात्पर्यमुक्त्वा श्रुतितात्पर्यमाह -
तस्याश्चेति ।
इतरयोश्चेति भागं व्याकरोति -
एवमिति ।
तदेव कार्यमुदाहरति -
मूत्रमिति ।
जलाधीनस्थितित्वात्तत्कार्यत्वं प्राणस्योपचर्यते श्रुत्यन्तरे तस्य वायुकार्यत्वसिद्धेरन्यत्रापवादाभावान्मुख्यमेतत्कार्यत्वमिति विवेकः ॥ २१ ॥