अद्वैतशारदा | दक्षिणाम्नाय श्रीशारदापीठम्, शृङ्गेरी

दर्शनाच्च ॥ २० ॥

अपि च चतुर्विधे भूतग्रामे जरायुजाण्डजस्वेदजोद्भिज्जलक्षणे स्वेदजोद्भिज्जयोः अन्तरेणैव ग्राम्यधर्मम् उत्पत्तिदर्शनात् आहुतिसंख्यानादरो भवति । एवमन्यत्रापि भविष्यति ॥ २० ॥

दर्शनाच्चेति ; अपिचेत्यादिना ;

इतश्च देहमात्रारम्भे नाहुतिसङ्ख्यानियमोऽस्तीत्याह -

दर्शनाच्चेति ।

ऐतरेयश्रुत्यवष्टम्भेन सूत्रं व्याकरोति -

अपिचेत्यादिना ।

अन्यत्रपीत्यनिष्टादिकारिणो निर्दिश्यन्ते ॥ २० ॥