अद्वैतशारदा | दक्षिणाम्नाय श्रीशारदापीठम्, शृङ्गेरी

ध्यानाच्च ॥ ८ ॥

अपि च ध्यायत्यर्थ एषः, यत्समानप्रत्ययप्रवाहकरणम् । ध्यायतिश्च प्रशिथिलाङ्गचेष्टेषु प्रतिष्ठितदृष्टिषु एकविषयाक्षिप्तचित्तेषु उपचर्यमाणो दृश्यते — ध्यायति बकः, ध्यायति प्रोषितबन्धुरिति । आसीनश्च अनायासो भवति । तस्मादपि आसीनकर्मोपासनम् ॥ ८ ॥

ध्यानाच्चेति ; अपिचेति ; ध्यायतिश्चेति ; आसीनश्चेति ; तस्मादिति ॥ ८ ॥ ;

इतश्चोपासनमासीनकर्मेत्याह -

ध्यानाच्चेति ।

सूत्रं विवृणोति -

अपिचेति ।

उपास्तिध्यायत्योरेकार्थत्वेऽपि प्रकृते किं जातं तदाह -

ध्यायतिश्चेति ।

अथ ध्यायतिर्यस्यां प्रयुज्यते सावस्था तिष्ठतोऽपि सम्भवति नेत्याह -

आसीनश्चेति ।

लौकिकं लिङ्गमुपसंहरति -

तस्मादिति ॥ ८ ॥