कार्यब्रह्म गन्तव्यमित्यत्र हेत्वन्तरमाह -

विशेषितेति ।

सूत्रं व्याचष्टे -

ब्रह्मेति ।

बहूक्त्या गन्तव्यस्य विशेषितत्वेऽपि कथं परस्य गन्तव्यत्वनिरसनं, तत्राह -

नहीति ।

ऐक्यात्कार्यस्यापि ब्रह्मणो बहूक्तिरयुक्तेत्याशङ्क्याह -

कार्ये त्विति ।

चशब्दसूचितं युक्त्यन्तरमाह -

लोकेति ।

परस्मिन्नपि क्वचिद्दृष्टा लोकश्रुतिरित्याशङ्क्याह -

गौणीति ।

ब्रह्मलोकेष्वित्यधिकरणसप्तम्या ब्रह्मण्ययोगादपि कार्यविषयैव गतिरिति हेत्वन्तरमाह -

अधिकरणेति ।

सूत्रोक्तहेतूनां फलितं गिगमयति -

तस्मादिति ॥ ८ ॥