सिद्धान्तमुक्त्वा पूर्वपक्षबीजमनूद्य दूषयति

जीवमुख्यप्राणलिङ्गादिति ।

उक्तमेव स्मारयति

त्रिविधमिति ।

श्रैष्ठ्यं गुणाधिक्यम् , आधिपत्यं नियन्तृत्वम् । स्वाराज्यमनियम्यत्वमिति भेदः ।

'सम्भवत्येकवाक्यत्वे वाक्यभेदो हि नेष्यते' इत्युक्तं चेत्पुनरुक्तिः स्यादिति शङ्कते

नन्वेवमिति ।

कर्मपदस्य रूढ्या पूर्वपक्षप्राप्तौ तन्निरासार्थमस्यारम्भो युक्त इत्याह

नेत्यादिना ।

प्राणशब्दजीवलिङ्गयोर्गतिमाह

प्राणशब्दोऽपीति ।

मनो जीवः ॥ १७ ॥