कार्यमुत्पत्तेः प्रागसदेव स्यात् , स्वविरुद्धकारणात्मना सत्त्वायोगादित्यपसिद्धान्तापत्तिमाशङ्क्य मिथ्यात्वात्कार्यस्य कालत्रयेऽपि कारणात्मना सत्त्वमविरुद्धमिति समाधत्ते -

असदिति चेदित्यादिना ।

असत्यादिति सत्त्वप्रतिषेधो निरर्थक इत्यर्थः ।

कार्यसत्यत्वाभावे श्रुतिमाह -

सर्वं तमिति ।

मिथ्यात्वमजानतः शङ्कामनूद्य परिहरति -

नन्वित्यादिना ।

विस्तरेण चैतदिति ।

मिथ्यात्वमित्यर्थः ॥७॥