తే దేవా అబ్రువన్నేతావద్వా ఇదం సర్వం యదన్నం తదాత్మన ఆగాసీరను నోఽస్మిన్నన్న ఆభజస్వేతి తే వై మాభిసంవిశతేతి తథేతి తం సమన్తం పరిణ్యవిశన్త । తస్మాద్యదనేనాన్నమత్తి తేనైతాస్తృప్యన్త్యేవం హ వా ఎనం స్వా అభిసంవిశన్తి భర్తా స్వానాం శ్రేష్ఠః పుర ఎతా భవత్యన్నాదోఽధిపతిర్య ఎవం వేద య ఉ హైవంవిదం స్వేషు ప్రతి ప్రతిర్బుభూషతి న హైవాలం భార్యేభ్యో భవత్యథ య ఎవైతమను భవతి యో వైతమను భార్యాన్బుభూర్షతి స హైవాలం భార్యేభ్యో భవతి ॥ ౧౮ ॥