अद्वैतशारदा | दक्षिणाम्नाय श्रीशारदापीठम्, शृङ्गेरी

స హోవాచ గార్గ్యో య ఎవాయం వాయౌ పురుష ఎతమేవాహం బ్రహ్మోపాస ఇతి స హోవాచాజాతశత్రుర్మా మైతస్మిన్సంవదిష్ఠా ఇన్ద్రో వైకుణ్ఠోఽపరాజితా సేనేతి వా అహమేతముపాస ఇతి స య ఎతమేవముపాస్తే జిష్ణుర్హాపరాజిష్ణుర్భవత్యన్యతస్త్యజాయీ ॥ ౬ ॥

తథా వాయౌ ప్రాణే హృది చ ఎకా దేవతా ; తస్యా విశేషణమ్ — ఇన్ద్రః పరమేశ్వరః, వైకుణ్ఠః అప్రసహ్యః, న పరైర్జితపూర్వా అపరాజితా సేనా — మరుతాం గణత్వప్రసిద్ధేః ; ఉపాసనఫలమపి — జిష్ణుర్హ జయనశీలః అపరాజిష్ణుః న చ పరైర్జితస్వభావః భవతి, అన్యతస్త్యజాయీ అన్యతస్త్యానాం సపత్నానాం జయనశీలో భవతి ॥

మరుతామితి ; జిష్ణురిత్యాదినా ;

కథమేకస్మిన్వాయావపరాజితా సేనేతి గుణః సంభవతి తత్రాఽఽహ —

మరుతామితి ।

విశేషణత్రయస్య ఫలత్రయం క్రమేణ వ్యుత్పాదయతి —

జిష్ణురిత్యాదినా ।

అన్యతస్త్యానాదన్యతో మాతృతో జాతానామ్ ॥౬॥