ப்³ருஹதா³ரண்யகோபநிஷத்³பா⁴ஷ்யம்
த்³விதீயோ(அ)த்⁴யாய:பஞ்சமம் ப்³ராஹ்மணம்
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (ப்³ருஹதா³ரண்யக)
 
அயம் வாயு: ஸர்வேஷாம் பூ⁴தாநாம் மத்⁴வஸ்ய வாயோ: ஸர்வாணி பூ⁴தாநி மது⁴ யஶ்சாயமஸ்மிந்வாயௌ தேஜோமயோ(அ)ம்ருதமய: புருஷோ யஶ்சாயமத்⁴யாத்மம் ப்ராணஸ்தேஜோமயோ(அ)ம்ருதமய: புருஷோ(அ)யமேவ ஸ யோ(அ)யமாத்மேத³மம்ருதமித³ம் ப்³ரஹ்மேத³ம் ஸர்வம் ॥ 4 ॥
ததா² வாயு:, அத்⁴யாத்மம் ப்ராண: । பூ⁴தாநாம் ஶரீராரம்ப⁴கத்வேநோபகாராத் மது⁴த்வம் ; தத³ந்தர்க³தாநாம் தேஜோமயாதீ³நாம் கரணத்வேநோபகாராந்மது⁴த்வம் ; ததா² சோக்தம் — ‘தஸ்யை வாச: ப்ருதி²வீ ஶரீரம் ஜ்யோதிரூபமயமக்³நி:’ (ப்³ரு. உ. 1 । 5 । 11) இதி ॥

அக்³நாவுக்தம் ந்யாயம் வாயௌ யோஜயதி —

ததே²தி ।

‘வாயு: ப்ராணோ பூ⁴த்வா நாஸிகே ப்ராவிஶத்’ இதி ஶ்ருத்யந்தரமாஶ்ரித்யா(அ)(அ)ஹ —

அத்⁴யாத்மமிதி ।

ப்ருதி²வ்யாதீ³நாம் தத³ந்தர்வர்திநாம் ச புருஷாணாமேகவாக்யோபாத்தாநாமேகரூபம் மது⁴த்வமிதி ஶங்காம் பரிஹரந்நவாந்தரவிபா⁴க³மாஹ —

பூ⁴தாநாமிதி ।

ப்ருதி²வ்யாதீ³நாம் கார்யத்வம் தேஜோமயாதீ³நாம் கரணத்வமித்யத்ர ஸப்தாந்நாதி⁴காரஸம்மதிமாஹ —

ததா² சோக்தமிதி ॥4॥