अद्वैतशारदा | दक्षिणाम्नाय श्रीशारदापीठम्, शृङ्गेरी

ಬೃಹದಾರಣ್ಯಕೋಪನಿಷದ್ಭಾಷ್ಯಮ್

ದ್ವಿತೀಯೋಽಧ್ಯಾಯಃಪಂಚಮಂ ಬ್ರಾಹ್ಮಣಮ್

ಆನಂದಗಿರಿಟೀಕಾ (ಬೃಹದಾರಣ್ಯಕ)

ಅಯಂ ಚಂದ್ರಃ ಸರ್ವೇಷಾಂ ಭೂತಾನಾಂ ಮಧ್ವಸ್ಯ ಚಂದ್ರಸ್ಯ ಸರ್ವಾಣಿ ಭೂತಾನಿ ಮಧು ಯಶ್ಚಾಯಮಸ್ಮಿಂಶ್ಚಂದ್ರೇ ತೇಜೋಮಯೋಽಮೃತಮಯಃ ಪುರುಷೋ ಯಶ್ಚಾಯಮಧ್ಯಾತ್ಮಂ ಮಾನಸಸ್ತೇಜೋಮಯೋಽಮೃತಮಯಃ ಪುರುಷೋಽಯಮೇವ ಸ ಯೋಽಯಮಾತ್ಮೇದಮಮೃತಮಿದಂ ಬ್ರಹ್ಮೇದಂ ಸರ್ವಮ್ ॥ ೭ ॥

ತಥಾ ಚಂದ್ರಃ, ಅಧ್ಯಾತ್ಮಂ ಮಾನಸಃ ॥

ತಥೇತಿ ; ಅಧ್ಯಾತ್ಮಮಿತಿ ॥೭॥ ;

ದಿಕ್ಷು ವ್ಯವಸ್ಥಿತಂ ನ್ಯಾಯಂ ಚಂದ್ರೇ ದರ್ಶಯತಿ —

ತಥೇತಿ ।

‘ಚಂದ್ರಮಾ ಮನೋ ಭೂತ್ವಾ ಹೃದಯಂ ಪ್ರಾವಿಶತ್’ ಇತಿ ಶ್ರುತಿಮನುಸೃತ್ಯಾಽಽಹ —

ಅಧ್ಯಾತ್ಮಮಿತಿ ॥೭॥