த⁴ர்மஸ்ய ஶாஸ்த்ரைகக³ம்யத்வேந பரோக்ஷத்வாத³யமிதி நிர்தே³ஶாநர்ஹத்வமாஶங்க்யா(அ)(அ)ஹ —
அயமிதீதி ।
யத்³யபி த⁴ர்மோ(அ)ப்ரத்யக்ஷோ(அ)யமிதி நிர்தே³ஶாநர்ஹஸ்ததா²(அ)பி ப்ருதி²வ்யாதி³த⁴ர்மகார்யஸ்ய ப்ரத்யக்ஷத்வாத்தேந காரணஸ்யாபே⁴த³மௌபசாரிகமாதா³ய ப்ரத்யக்ஷக⁴டாதி³வத³யம் த⁴ர்ம இதி வ்யபதே³ஶோபபத்திரித்யர்த²: ।
கோ(அ)ஸௌ த⁴ர்மோ யஸ்ய ப்ரத்யக்ஷத்வேந வ்யபதே³ஶஸ்தத்ரா(அ)(அ)ஹ —
த⁴ர்மஶ்சேதி ।
வ்யாக்²யாதஸ்தச்ச்²ரேயோரூபமத்யஸ்ருஜத த⁴ர்மமித்யாதா³விதி ஶேஷ: ।
தர்ஹி தஸ்ய ப்ரத்யக்ஷத்வாந்ந சோத³நாலக்ஷணத்வமித்யாஶங்க்ய கௌ³ணத்வமுக்²யத்வாப்⁴யாமவிரோத⁴மபி⁴ப்ரேத்யா(அ)(அ)ஹ —
ஶ்ருதீதி ।
தஸ்மிந்நேவ கார்யலிங்க³கமநுமாநம் ஸூசயதி —
க்ஷத்த்ராதீ³நாமிதி ।
தத்ரைவாநுமாநாந்தரம் விவக்ஷித்வோக்தம் —
ஜக³த இதி ।
ஜக³த்³வைசித்ர்யகாரித்வே ஹேதுமாஹ —
ப்ருதி²வ்யாதீ³நாமிதி ।
த⁴ர்மஸ்ய ப்ரத்யக்ஷேண வ்யபதே³ஶே ஹேத்வந்தரமாஹ —
ப்ராணிபி⁴ரிதி ।
தேநாநுஷ்டீ²யமாநாசாரேண ப்ரத்யக்ஷேண த⁴ர்மஸ்ய லக்ஷ்யமாணத்வேநேதி யாவத் ।
நநு த்ருதீயே(அ)த்⁴யாயே ‘யோ வை ஸ த⁴ர்ம: ஸத்யம் வை ததி³’(ப்³ரு.உ.1-4-14)தி ஸத்யத⁴ர்மயோரபே⁴த³வசநாத்தயோர்பே⁴தே³நாத்ர பர்யாயத்³வயோபாதா³நமநுபபந்நமத ஆஹ —
ஸத்யேதி ।
கத²மேகத்வே ஸதி பே⁴தே³நோக்திரித்யாஶங்க்யா(அ)(அ)ஹ —
த்³ருஷ்டேதி ।
அத்³ருஷ்டேந ரூபேண கார்யாரம்ப⁴கத்வம் ப்ரகடயதி —
யஸ்த்விதி ।
ஸாமாந்யாத்மநா(அ)(அ)ரம்ப⁴கத்வமுதா³ஹரதி —
ஸாமாந்யரூபேணேதி ।
விஶேஷாத்மநா கார்யாரம்ப⁴கத்வம் வ்யநக்தி —
விஶேஷேதி ।
த⁴ர்மஸ்ய த்³வௌ பே⁴தா³வுக்தௌ தயோர்மத்⁴யே ப்ரத²மமதி⁴க்ருத்ய யஶ்சேத்யாதி³ வாக்யமித்யாஹ —
தத்ரேதி ।
த்³விதீயம் விஷயீக்ருத்ய யஶ்சாயமத்⁴யாத்மமித்யாதி³ ப்ரவ்ருத்தமித்யாஹ —
ததே²தி ॥11॥