ప్రసిద్ధం వజ్రం వ్యావర్తయతి —

వీర్యమితి ।

తదేవ సంఘాతనిష్ఠత్వేన స్ఫుటయతి —

బలమితి ।

కిం తద్బలమితి చేత్తత్రాఽఽహ —

యత్ప్రాణిన ఇతి ।

ప్రమాపణం హింసనమ్ ।

కథం తస్యేన్ద్రత్వముపచారాదిత్యాహ —

ఇన్ద్రస్య హీతి ।

పశూనాం యజ్ఞత్వమప్రసిద్ధమిత్యాశఙ్క్యాఽఽహ —

యజ్ఞస్య హీతి ।

కారణే కార్యోపచారం సాధయతి —

యజ్ఞస్యేతి ।

అమూర్తత్వాత్సాధనవ్యతిరిక్తరూపాభావాద్యజ్ఞస్య పశ్వాశ్రయత్వాచ్చ పశవో యజ్ఞ ఇత్యుచ్యత ఇత్యర్థః ॥౬॥