ஸம்கோசவிகாஸாப்⁴யாம் ப்ராணஸ்வரூபோக்த்யநந்தரமவஸரப்ராப்திரிதா³நீமித்யுச்யதே । உபதி³ஶ்யதே த்⁴யாநார்த²மிதி ஶேஷ: । அவயவஶோ வாக்யம் யோஜயதி —
ப்ருதி²வீதி ।
ஸம்பிண்டி³தம் வாக்யத்ரயார்த²ம் கத²யதி —
ப்ருதி²வீத்யாதி³நா ।
வைஶப்³தோ³(அ)வதா⁴ரணார்த²: । தம் பராயணம் ய ஏவ விஜாநீயாத்ஸ ஏவ வேதி³தா ஸ்யாதி³தி ஸம்ப³ந்த⁴: ।
அத² கேந ரூபேண ப்ருதி²வீதே³வஸ்ய கார்யகரணஸம்கா⁴தம் ப்ரத்யாஶ்ரயத்வம் ததா³ஹ —
மாத்ருஜேநேதி ।
ப்ருதி²வ்யா மாத்ருஶப்³த³வாச்யத்வாத்³ய ஏவ தே³வோ(அ)ஹம் ப்ருதி²வ்யஸ்மீதி மந்யஸே ஸ ஏவ ஶரீராரம்ப⁴கமாத்ருஜகோஶத்ரயாபி⁴மாநிதயா வர்ததே । ததா² ச தஸ்ய தேந ரூபேண பித்ருஜத்ரிதயம் கார்யம் லிங்க³ம் ச கரணம் ப்ரத்யாஶ்ரயத்வம் ஸம்ப⁴வதீத்யர்த²: ।
ப்ருதி²வீதே³வஸ்ய பராயணத்வமுபபாத்³யாநந்தரவாக்யமுத்தா²ப்ய வ்யாசஷ்டே —
ஸ வை வேதி³தேதி ।
ததா²(அ)பி மம கிமாயாதமித்யாஶங்க்யா(அ)(அ)ஹ —
யாஜ்ஞவல்க்யேதி ।
ஸ புருஷோ யேந விஶேஷணேந விஶிஷ்டஸ்தத்³விஶேஷணமுச்யமாநம் ஶ்ருண்வித்யுக்த்வா ததே³வா(அ)(அ)ஹ —
ய ஏவேதி ।
ஶரீரம் ஹி பஞ்சபூ⁴தாத்மகம் தத்ர பார்தி²வாம்ஶே ஜநகத்வேந ஸ்தி²த: ஶாரீர இதி யாவத் ।
தஸ்ய ஜீவத்வம் வாரயதி —
மாத்ருஜேதி ।
ப்ருதி²வீதே³வஸ்ய நிர்ணீதத்வஶங்காம் வாரயதி —
கிந்த்விதி ।
யாஜ்ஞவல்க்யோ வக்தா ஸந்ப்ரஷ்டாரம் ஶாகல்யம் ப்ரதி கத²ம் வதை³வேதி கத²யதி தத்ரா(அ)(அ)ஹ —
ப்ருச்சே²தி ।
க்ஷோபி⁴தஸ்யாமர்ஷவஶக³த்வே த்³ருஷ்டாந்த: —
தோத்ரேதி ।
ப்ராகரணிகம் தே³வதாஶப்³தா³ர்த²மாஹ —
யஸ்மாதி³தி ।
புருஷோ நிஷ்பத்திகர்தா ஷஷ்ட்²யோச்யதே ।
லோஹிதநிஷ்பத்திஹேதுத்வமந்நரஸஸ்யாநுப⁴வேந ஸாத⁴யதி —
தஸ்மாத்³தீ⁴தி ।
தஸ்ய கார்யமாஹ —
ததஶ்சேதி ।
லோஹிதாத³த்³விதீயபதா³ர்த²நிஷ்டா²த்தத்கார்யம் த்வங்மாம்ஸருதி⁴ரரூபம் பீ³ஜஸ்யாஸ்தி²மஜ்ஜாஶுக்ராத்மகஸ்யா(அ)(அ)ஶ்ரயபூ⁴தம் ப⁴வதீத்யர்த²: ।
பர்யாயஸப்தகமாத்³யபர்யாயேண துல்யார்த²த்வாந்ந ப்ருத²க்³வ்யாக்²யாநாபேக்ஷமித்யாஹ —
ஸமாநமிதி ॥10॥