ப்³ருஹதா³ரண்யகோபநிஷத்³பா⁴ஷ்யம்
சதுர்தோ²(அ)த்⁴யாய:சதுர்த²ம் ப்³ராஹ்மணம்
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (ப்³ருஹதா³ரண்யக)
 
யஸ்மிந்பஞ்ச பஞ்சஜநா ஆகாஶஶ்ச ப்ரதிஷ்டி²த: । தமேவ மந்ய ஆத்மாநம் வித்³வாந்ப்³ரஹ்மாம்ருதோ(அ)ம்ருதம் ॥ 17 ॥
கிம் ச யஸ்மிந் யத்ர ப்³ரஹ்மணி, பஞ்ச பஞ்சஜநா: — க³ந்த⁴ர்வாத³ய: பஞ்சைவ ஸங்க்²யாதா: க³ந்த⁴ர்வா: பிதரோ தே³வா அஸுரா ரக்ஷாம்ஸி — நிஷாத³பஞ்சமா வா வர்ணா:, ஆகாஶஶ்ச அவ்யாக்ருதாக்²ய: — யஸ்மிந் ஸூத்ரம் ஓதம் ச ப்ரோதம் ச — யஸ்மிந்ப்ரதிஷ்டி²த: ; ‘ஏதஸ்மிந்நு க²ல்வக்ஷரே கா³ர்க்³யாகாஶ:’ (ப்³ரு. உ. 3 । 8 । 11) இத்யுக்தம் ; தமேவ ஆத்மாநம் அம்ருதம் ப்³ரஹ்ம மந்யே அஹம் , ந சாஹமாத்மாநம் ததோ(அ)ந்யத்வேந ஜாநே । கிம் தர்ஹி ? அம்ருதோ(அ)ஹம் ப்³ரஹ்ம வித்³வாந்ஸந் ; அஜ்ஞாநமாத்ரேண து மர்த்யோ(அ)ஹம் ஆஸம் ; தத³பக³மாத் வித்³வாநஹம் அம்ருத ஏவ ॥

ஜ்யோதிஷாம் ஜ்யோதிரம்ருதமித்யுக்தம் தஸ்யாம்ருதத்வம் ஸர்வாதி⁴ஷ்டா²நத்வேந ஸாத⁴யதி —

கிஞ்சேதி ।

ஏவகாரார்த²மாஹ —

ந சேதி ।

யத்³யாத்மாநம் ப்³ரஹ்ம ஜாநாஸி தர்ஹி கிம் தே தத்³வித்³யாப²லமிதி ப்ரஶ்நபூர்வகமாஹ —

கிம் தர்ஹீதி ।

கத²ம் தர்ஹி தே மர்த்யத்வப்ரதீதிஸ்தத்ரா(அ)(அ)ஹ —

அஜ்ஞாநமாத்ரேணேதி ॥ 17 ॥