த்³வைதாபா⁴வே கத²மநுத்³ரஷ்டவ்யமித்யாஶங்க்யா(அ)(அ)ஹ —
யஸ்மாதி³தி ।
தமேவைகம் ப்ரகாரம் ப்ரகடயதி —
விஜ்ஞாநேதி ।
பரிச்சி²ந்நத்வம் வ்யவச்சி²நத்தி —
ஆகாஶவதி³தி ।
ஏகரஸத்வம் ஹேதூக்ருத்யாப்ரமேயத்வம் ப்ரதிஜாநீதே —
யஸ்மாதி³தி ।
ஏதத்³ப்³ரஹ்ம யஸ்மாதே³கரஸம் தஸ்மாத³ப்ரமேயமிதி யோஜநா ।
ஹேத்வர்த²ம் ஸ்பு²டயதி —
ஸர்வைகத்வாதி³தி ।
ததா²(அ)பி கத²மப்ரமேயத்வம் ததா³ஹ —
அந்யேநேதி ।
மிதோ² விரோத⁴மாஶங்கதே —
நந்விதி ।
விரோத⁴மேவ ஸ்போ²ரயதி —
ஜ்ஞாயத இதீதி ।
சோதி³தம் விரோத⁴ம் நிராகரோதி —
நைஷ தோ³ஷ இதி ।
ஸம்க்³ருஹீதே ஸமாதா⁴நம் விஶத³யதி —
யதே²த்யாதி³நா ।
தஸ்ய மாநாந்தரவிஷயீகர்துமஶக்யத்வே ஹேதுமாஹ —
ஸர்வஸ்யேதி ।
இதி ஸர்வத்³வைதோபஶாந்திஶ்ருதேரிதி ஶேஷ: ।
ஆக³மோ(அ)பி தர்ஹி கத²மாத்மாநமாவேத³யேதி³த்யாஶங்க்யா(அ)(அ)ஹ —
ப்ரமாத்ரிதி ।
ஆத்மந: ஸ்வர்கா³தி³வத்³விஷயத்வேநா(அ)(அ)க³மப்ரதிபாத்³யத்வாபா⁴வே ஹேதுமாஹ —
ப்ரதிபாத³யித்ரிதி ।
ததா²(அ)பி கிமிதி விஷயத்வேநாப்ரதிபாத்³யத்வம் தத்ரா(அ)(அ)ஹ —
ப்ரதிபாத³யிதுரிதி ।
ததி³தி ப்ரதிபாத்³யத்வமுக்தம் ।
கத²ம் தர்ஹி தஸ்மிந்நாக³மிகம் ஜ்ஞாநம் தத்ரா(அ)(அ)ஹ —
ஜ்ஞாநம் சேதி ।
பரஸ்மிந்தே³ஹாதா³வாத்மபா⁴வஸ்யா(அ)(அ)ரோபிதஸ்ய நிவ்ருத்திரேவ வாக்யேந க்ரியதே । ததா² சா(அ)(அ)த்மநி பரிஶிஷ்டே ஸ்வாபா⁴விகமேவ ஸ்பு²ரணம் ப்ரதிப³ந்த⁴விக³மாத்ப்ரகடீப⁴வதீதி பா⁴வ: ।
நநு ப்³ரஹ்மண்யாத்மபா⁴வ: ஶ்ருத்யா கர்தவ்யோ விவக்ஷ்யதே ந து தே³ஹாதா³வாத்மத்த்வவ்யாவ்ருத்திரத ஆஹ —
ந தஸ்மிந்நிதி ।
ப்³ரஹ்மணஶ்சேதா³த்மபா⁴வ: ஸதா³ மந்யதே கத²மந்யதா² ப்ரதே²த்யாஶங்க்யா(அ)(அ)ஹ —
நித்யோ ஹீதி ।
ஸர்வஸ்ய பூர்ணஸ்ய ப்³ரஹ்மண இத்யேதத் । அதத்³விஷயோ ப்³ரஹ்மவ்யதிரிக்தவிஷய இத்யர்த²: ।
ப்³ரஹ்மண்யாத்மபா⁴வஸ்ய ஸதா³ வித்³யமாநத்வே ப²லிதமாஹ —
தஸ்மாதி³தி ।
அதத்³விஷயாபா⁴ஸோ தே³ஹாதா³வாத்மப்ரதிபா⁴ஸ: । தஸ்மிந்ப்³ரஹ்மணீத்யர்த²: ।
அந்யஸ்மிந்நாத்மபா⁴வநிவ்ருத்திரேவா(அ)(அ)க³மேந க்ரியதே சேத்தர்ஹி கத²மாத்மா தேந க³ம்யத இத்யுச்யதே தத்ரா(அ)(அ)ஹ —
அந்யேதி ।
யத்³யாக³மிகவ்ருத்திவ்யாப்யத்வேநா(அ)(அ)த்மஜோ மேயத்வமிஷ்யதே கத²ம் தர்ஹி தஸ்யாமேயத்வவாசோ யுக்திரித்யாஶங்க்யா(அ)(அ)ஹ —
ஸ்வதஶ்சேதி ।
வ்ருத்திவ்யாப்யத்வேந மேயத்வம் ஸ்பு²ரணாவ்யாப்யத்வேந சாமேயத்வமித்யுபஸம்ஹரதி —
இத்யுப⁴யமிதி ।
யது³க்தம் த்⁴ருவத்வம் தது³பஸ்காரபூர்வகமுபபாத³யதி —
விரஜ இத்யாதி³நா ।
கத²ம் ஜந்மநிஷேதா⁴தி³தரே விகாரா நிஷித்⁴யந்தே தத்ரா(அ)(அ)ஹ —
ஸர்வேஷாமிதி ॥ 20 ॥