यथोक्तं वस्तुनिदर्शनं निगमयति —

तमीदृशमिति ।

नित्यशुद्धत्वादिलक्षणमिति यावत् ।

उक्तरीत्या प्रज्ञाकरणे कानि साधनानि चेत्तानि दर्शयति —

एवमिति ।

कर्मनिषिद्धत्यागः संन्यास उपरमो नित्यनैमित्तिकत्याग इति भेदः ।

बहूनिति विशेषणवशादायातमर्थं दर्शयति —

तत्रेति ।

चिन्तनीयेषु शब्देष्विति यावत् ।

तत्र श्रुत्यन्तरं संवादयति —

ओमित्येवमिति ।

नानुध्यायादित्यत्र हेतुमाह —

वाच इति ।

तस्माद्बहूञ्छब्दान्नानुचिन्तयेदिति पूर्वेण संबन्धः । इतिशब्दः श्लोकव्याख्यानसमाप्त्यर्थः ॥ २१ ॥