நிருபாதி⁴கப்³ரஹ்மஜ்ஞாநாந்முக்திருக்தா ஸோபாதி⁴கப்³ரஹ்மத்⁴யாநாச்சாப்⁴யுத³ய உக்தஸ்ததா² ச கிமுத்தரகண்டி³கயேத்யாஶங்க்யா(அ)(அ)ஹ —
இதா³நீமிதி ।
அஜத்வாச்சாவிநாஶீதி வக்தும் சஶப்³த³: ।
கத²ம் ஜந்மஜராபா⁴வயோரமரத்வாவிநாஶித்வஸாத⁴கத்வம் ததா³ஹ —
யோ ஹீதி ।
அயம் த்வஜத்வாத³விநாஶ்யஜரத்வாச்சாமரோ(அ)மரத்வாச்சாவிநாஶீதி யோஜநா ।
மரணாயோக்³யத்வமுபஜீவ்ய மரணகார்யாபா⁴வம் த³ர்ஶயதி —
அத ஏவேதி ।
ஜந்மாபக்ஷயவிநாஶாநாமேவ பா⁴வவிகாராணாமிஹ முக²தோ நிஷேதா⁴த்³விவ்ருத்³த்⁴யாதீ³நி விகாராந்தராண்யாத்மநி ப⁴விஷ்யந்நிதி விஶேஷநிஷேத⁴ஸ்ய ஶேஷாப்⁴யநுஜ்ஞாபரத்வாதி³த்யாஶங்க்யா(அ)(அ)ஹ —
யஸ்மாதி³தி ।
இதரே ஸத்த்வவிவ்ருத்³தி⁴விபரிணாமா: ।
அத ஏவாப⁴ய இத்யுக்தம் விவ்ருணோதி —
யஸ்மாச்சேதி ।
கிம் தத்³ப⁴யம் ததா³ஹ —
ப⁴யம் சேதி ।
அவித்³யாநிஷேதி⁴விஷேஶணாபா⁴வாதா³த்மாநம் ஸா ஸதா³ ஸ்ப்ருஶதீத்யாஶங்க்யா(அ)(அ)ஹ —
தத்கார்யேதி ।
விஶேஷணாந்தரம் ப்ரஶ்நபூர்வகமுத்தா²ப்ய வ்யாகரோதி —
அப⁴ய இதி ।
கத²ம் புநரப⁴யகு³ணவிஶிஷ்டஸ்யா(அ)த்மநோ ப்³ரஹ்மத்வம் ததா³ஹ —
அப⁴யமிதி ।
வைஶப்³தா³ர்த²மாஹ —
ப்ரஸித்³த⁴மிதி ।
லோகஶப்³த³: ஶாஸ்த்ரஸ்யாப்யுபலக்ஷணம் ।
வேத்³யஸ்வரூபமுக்த்வா வித்³யாப²லம் கத²யதி —
ய ஏவமிதி ।
கண்டி³கார்த²முபஸம்ஹரதி —
ஏஷ இதி ।
ஸ்ருஷ்ட்யாதே³ரபி தத³ர்த²த்வாத்கிமித்யஸாவிஹ நோபஸம்ஹ்ரியதே —
ஏதஸ்யேதி ।
ஸ்ருஷ்ட்யாதே³ராரோபிதத்வே க³மகமாஹ —
தத³போஹேநேதி ।
தச்ச²ப்³த³: ஸ்ருஷ்ட்யாதி³ப்ரபஞ்சவிஷய: ।
தத³போஹேநேதி யது³க்தம் ததே³வ ஸ்பு²டயதி —
நேதீதி ।
அத்⁴யாரோபாபவாத³ந்யாயேந தத்த்வஸ்யா(அ)(அ)வேதி³தத்த்வாதா³ரோபிதம் ப⁴வத்யேவ ஸ்ருஷ்ட்யாதி³த்³வைதமித்யர்த²: ।
அத்⁴யாரோபாபவாத³ந்யாயஸ்ய பங்கப்ரக்ஷாலநந்யாயவிருத்³த⁴த்வாத்தத்த்வம் விவக்ஷிதம் சேத்ததே³வோச்யதாம் க்ருதம் ஸ்ருஷ்ட்யாதி³த்³வைதாரோபேணேத்யாஶங்க்யா(அ)(அ)ஹ —
யதே²தி ।
உதா³ஹரணாந்தரமாஹ —
யதா² சேதி ।
த்³ருஷ்டாந்தத்³வயமநூத்³ய தா³ர்ஷ்டாந்திகமாசஷ்டே —
ததா² சேதி ।
இஹேதி மோக்ஷஶாஸ்த்ரோக்தி: । ததா²(அ)பி கல்பிதப்ரபஞ்சஸம்ப³ந்த⁴ப்ரயுக்தம் ஸவிஶேஷத்வம் ப்³ரஹ்மண: ஸ்யாதி³த்யாஶங்க்யா(அ)(அ)ஹ —
புநரிதி ।
தஸ்மிந்நாத்மநி கல்பித: ஸ்ருஷ்ட்யாதி³ருபாயஸ்தேந ஜநிதோ விஶேஷஸ்தஸ்மிந்காரணத்வாதி³ஸ்தஸ்ய நிராஸார்த²மிதி யாவத் ।
தர்ஹி த்³வைதாபா⁴வவிஶிஷ்டம் தத்த்வமிதி சேந்நேத்யாஹ —
தது³பஸம்ஹ்ருதமிதி ।
பரிஶுத்³த⁴ம் பா⁴வவத³பா⁴வேநாபி ந ஸம்ஸ்ப்ருஷ்டமித்யர்த²: । கேவலமித்யத்³விதீயோக்தி: ।
ஸ்ருஷ்ட்யாதி³வசநஸ்ய க³திமுக்த்வா ப்ரக்ருதமுபஸம்ஹரதி —
ஸப²லமிதி ।
இதிஶப்³த³: ஸம்க்³ரஹஸமாப்த்யர்தோ² ப்³ராஹ்மணஸமாப்த்யர்தோ² வா ॥ 25 ॥