ப்³ருஹதா³ரண்யகோபநிஷத்³பா⁴ஷ்யம்
சதுர்தோ²(அ)த்⁴யாய:பஞ்சமம் ப்³ராஹ்மணம்
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (ப்³ருஹதா³ரண்யக)
 
ஸ ஹோவாச ந வா அரே பத்யு: காமாய பதி: ப்ரியோ ப⁴வத்யாத்மநஸ்து காமாய பதி: ப்ரியோ ப⁴வதி । ந வா அரே ஜாயாயை காமாய ஜாயா ப்ரியா ப⁴வத்யாத்மநஸ்து காமாய ஜாயா ப்ரியா ப⁴வதி । ந வா அரே புத்ராணாம் காமாய புத்ரா: ப்ரியா ப⁴வந்த்யாத்மநஸ்து காமாய புத்ரா: ப்ரியா ப⁴வந்தி । ந வா அரே வித்தஸ்ய காமாய வித்தம் ப்ரியம் ப⁴வத்யாத்மநஸ்து காமாய வித்தம் ப்ரியம் ப⁴வதி । ந வா அரே பஶூநாம் காமாய பஶவ: ப்ரியா ப⁴வந்த்யாத்மநஸ்து காமாய பஶவ: ப்ரியா ப⁴வந்தி । ந வா அரே ப்³ரஹ்மண: காமாய ப்³ரஹ்ம ப்ரியம் ப⁴வத்யாத்மநஸ்து காமாய ப்³ரஹ்ம ப்ரியம் ப⁴வதி । ந வா அரே க்ஷத்த்ரஸ்ய காமாய க்ஷத்த்ரம் ப்ரியம் ப⁴வத்யாத்மநஸ்து காமாய க்ஷத்த்ரம் ப்ரியம் ப⁴வதி । ந வா அரே லோகாநாம் காமாய லோகா: ப்ரியா ப⁴வந்த்யாத்மநஸ்து காமாய லோகா: ப்ரியா ப⁴வந்தி । ந வா அரே தே³வாநாம் காமாய தே³வா: ப்ரியா ப⁴வந்த்யாத்மநஸ்து காமாய தே³வா: ப்ரியா ப⁴வந்தி । ந வா அரே வேதா³நாம் காமாய வேதா³: ப்ரியா ப⁴வந்த்யாத்மநஸ்து காமாய வேதா³: ப்ரியா ப⁴வந்தி । ந வா அரே பூ⁴தாநாம் காமாய பூ⁴தாநி ப்ரியாணி ப⁴வந்த்யாத்மநஸ்து காமாய பூ⁴தாநி ப்ரியாணி ப⁴வந்தி । ந வா அரே ஸர்வஸ்ய காமாய ஸர்வம் ப்ரியம் ப⁴வத்யாத்மநஸ்து காமாய ஸர்வம் ப்ரியம் ப⁴வதி । ஆத்மா வா அரே த்³ரஷ்டவ்ய: ஶ்ரோதவ்யோ மந்தவ்யோ நிதி³த்⁴யாஸிதவ்யோ மைத்ரேய்யாத்மநி க²ல்வரே த்³ருஷ்டே ஶ்ருதே மதே விஜ்ஞாத இத³ம் ஸர்வம் விதி³தம் ॥ 6 ॥
ஆத்மநி க²லு அரே மைத்ரேயி த்³ருஷ்டே ; கத²ம் த்³ருஷ்ட ஆத்மநீதி, உச்யதே — பூர்வம் ஆசார்யாக³மாப்⁴யாம் ஶ்ருதே, புந: தர்கேணோபபத்த்யா மதே விசாரிதே, ஶ்ரவணம் து ஆக³மமாத்ரேண, மதே உபபத்த்யா, பஶ்சாத் விஜ்ஞாதே — ஏவமேதத் நாந்யதே²தி நிர்தா⁴ரிதே ; கிம் ப⁴வதீத்யுச்யதே — இத³ம் விதி³தம் ப⁴வதி ; இத³ம் ஸர்வமிதி யத் ஆத்மநோ(அ)ந்யத் , ஆத்மவ்யதிரேகேணாபா⁴வாத் ॥

வ்யாக்²யாநப்ரகாரமேவா(அ)(அ)ஹ —

ஆத்மநீதி ।

த்³ருஷ்டே ஸர்வமித³ம் விதி³தம் ப⁴வதீத்யுத்தரத்ர ஸம்ப³ந்த⁴: ।

கேநோபாயேநா(அ)(அ)த்மநி த்³ருஷ்டே ஸர்வம் த்³ருஷ்டம் ப⁴வதீத்யுபாயம் ப்ருச்ச²தி —

கத²மிதி ।

ஆத்மத³ர்ஶநோபாயம் ஶ்ரவணாதி³கம் த³ர்ஶயந்நுத்தரமாஹ —

உச்யத இதி ।

உக்தோபாயப²லம் ப்ரஶ்நபூர்வகமாஹ —

கிமித்யாதி³நா ।

இத³ம் ஸர்வமித்யநூத்³ய தஸ்யார்த²மாஹ —

யதா³த்மநோ(அ)ந்யதி³தி ।

ததா³த்மநி த்³ருஷ்டே த்³ருஷ்டம் ஸ்யாதி³தி ஶேஷ: ।

கத²மந்யஸ்மிந்த்³ருஷ்டே ஸத்யந்யத்³த்³ருஷ்டம் ப⁴வதி தத்ரா(அ)(அ)ஹ —

ஆத்மவ்யதிரேகேணேதி ॥ 6 ॥7॥8॥9॥10॥