வாக்³கோ⁴ச்சக்ராம ஸா ஸம்வத்ஸரம் ப்ரோஷ்யாக³த்யோவாச கத²மஶகத மத்³ருதே ஜீவிதுமிதி தே ஹோசுர்யதா²கலா அவத³ந்தோ வாசா ப்ராணந்த: ப்ராணேந பஶ்யந்தஶ்சக்ஷுஷா ஶ்ருண்வந்த: ஶ்ரோத்ரேண வித்³வாம்ஸோ மநஸா ப்ரஜாயமாநா ரேதஸைவமஜீவிஷ்மேதி ப்ரவிவேஶ ஹ வாக் ॥ 8 ॥
தே ஏவமுக்தா ப்³ரஹ்மணா ப்ராணா: ஆத்மநோ வீர்யபரீக்ஷணாய க்ரமேண உச்சக்ரமு: । தத்ர வாகே³வ ப்ரத²மம் ஹ அஸ்மாத் ஶரீராத் உச்சக்ராம உத்க்ராந்தவதீ ; ஸா சோத்க்ரம்ய, ஸம்வத்ஸரம் ப்ரோஷ்ய ப்ரோஷிதா பூ⁴த்வா, புநராக³த்யோவாச — கத²ம் அஶகத ஶக்தவந்த: யூயம் , மத்³ருதே மாம் விநா, ஜீவிதுமிதி । தே ஏவமுக்தா: ஊசு: — யதா² லோகே அகலா: மூகா:, அவத³ந்த: வாசா, ப்ராணந்த: ப்ராணநவ்யாபாரம் குர்வந்த: ப்ராணேந, பஶ்யந்த: த³ர்ஶநவ்யாபாரம் சக்ஷுஷா குர்வந்த:, ததா² ஶ்ருண்வந்த: ஶ்ரோத்ரேண, வித்³வாம்ஸ: மநஸா கார்யாகார்யாதி³விஷயம் , ப்ரஜாயமாநா: ரேதஸா புத்ராந் உத்பாத³யந்த:, ஏவமஜீவிஷ்ம வயம் — இத்யேவம் ப்ராணை: த³த்தோத்தரா வாக் ஆத்மந: அஸ்மிந் அவஸிஷ்ட²த்வம் பு³த்³த்⁴வா, ப்ரவிவேஶ ஹ வாக் ॥