ஸ ஹோவாச பிதா புத்ரம் க்ருத்³த⁴முபஶமயந் — ததா² தேந ப்ரகாரேண ந: அஸ்மாந் த்வம் , ஹே தாத வத்ஸ, ஜாநீதா² க்³ருஹ்ணீதா²:, யதா² யத³ஹம் கிஞ்ச விஜ்ஞாநஜாதம் வேத³ ஸர்வம் தத் துப்⁴யம் அவோசம் இத்யேவ ஜாநீதா²: ; கோ(அ)ந்யோ மம ப்ரியதரோ(அ)ஸ்தி த்வத்த:, யத³ர்த²ம் ரக்ஷிஷ்யே ; அஹமபி ஏதத் ந ஜாநாமி, யத் ராஜ்ஞா ப்ருஷ்டம் ; தஸ்மாத் ப்ரேஹி ஆக³ச்ச² ; தத்ர ப்ரதீத்ய க³த்வா ராஜ்ஞி ப்³ரஹ்மசர்யம் வத்ஸ்யாவோ வித்³யார்த²மிதி । ஸ ஆஹ — ப⁴வாநேவ க³ச்ச²த்விதி, நாஹம் தஸ்ய முக²ம் நிரீக்ஷிதுமுத்ஸஹே । ஸ ஆஜகா³ம, கௌ³தம: கோ³த்ரதோ கௌ³தம:, ஆருணி:, யத்ர ப்ரவாஹணஸ்ய ஜைவலேராஸ ஆஸநம் ஆஸ்தா²யிகா ; ஷஷ்டீ²த்³வயம் ப்ரத²மாஸ்தா²நே ; தஸ்மை கௌ³தமாய ஆக³தாய ஆஸநம் அநுரூபம் ஆஹ்ருத்ய உத³கம் ப்⁴ருத்யைராஹாரயாஞ்சகார ; அத² ஹ அஸ்மை அர்க்⁴யம் புரோத⁴ஸா க்ருதவாந் மந்த்ரவத் , மது⁴பர்கம் ச । க்ருத்வா சைவம் பூஜாம் தம் ஹோவாச — வரம் ப⁴க³வதே கௌ³தமாய துப்⁴யம் த³த்³ம இதி கோ³ஶ்வாதி³லக்ஷணம் ॥