ஸம்ப்ரதி ப்ராஸம்கி³கமாபி⁴சாரிகம் கர்ம கத²யதி —
அத² புநரிதி ।
த்³வேஷவதா(அ)நுஷ்டி²தமித³ம் கர்ம ப²லவதி³தி வக்தும் த்³விஷ்யாதி³த்யதி⁴காரிவிஶேஷணம் । ஆமவிஶேஷணம் பாத்ரஸ்ய ப்ரக்ருதகர்மயோக்³யத்வக்²யாபநார்த²ம் । அக்³நிமித்யேகவசநாது³பஸமாதா⁴நவசநாச்சா(அ)வஸத்²யாக்³நிரத்ர விவக்ஷித: । ஸர்வம் பரிஸ்தரணாதி³ தஸ்ய ப்ரதிலோமத்வே கர்மண: ப்ரதிலோமத்வம் ஹேதூகர்தவ்யம் । மம ஸ்வபூ⁴தே யோஷாக்³நௌ யௌவநாதி³நா ஸமித்³தே⁴ ரேதோ ஹுதவாநஸி ததோ(அ)பராதி⁴நஸ்தவ ப்ராணாபாநாவாத³தே³ ப²டி³த்யுக்த்வா ஹோமோ நிர்வர்தயிதவ்ய: । தத³ந்தே சாஸாவித்யாத்மந: ஶத்ரோர்வா நாம க்³ருஹ்ணீயாத் । இஷ்டம் ஶ்ரௌதம் கர்ம ஸுக்ருதம் ஸ்மார்தம் । ஆஶா ப்ரார்த²நா வாசா யத்ப்ரதிஜ்ஞாதம் கர்மணா நோபபாதி³தம் தஸ்ய ப்ரதீக்ஷா பராகாஶ: ।
யதோ²க்தஹோமத்³வாரா ஶாபதா³நஸ்ய ப²லம் த³ர்ஶயதி —
ஸ ஏஷ இதி ।
ஏவம்வித்த்வம் மந்த²கர்மத்³வாரா ப்ராணவித்³யாவத்த்வம் । தஸ்மாதே³வம்வித்த்வம் பரதா³ரக³மநே யதோ²க்ததோ³ஷஜ்ஞாத்ருத்வம் ।
தச்ச²ப்³தோ³பாத்தம் ஹேத்வந்தரமாஹ —
ஏவம்வித³பீதி ॥12॥