అభిపత్తిరాలిఙ్గనమ్ । కదా క్షీరౌదనాదిభోజనం తదాహ —

క్షీరేతి ।

భుక్త్వాఽభిపద్యత ఇతి సంబన్ధః । అహం పతిరమః ప్రాణోఽస్మి సా త్వం వాగసి కథం తవ ప్రాణత్వం మమ వాక్త్వమిత్యాశఙ్క్య వాచః ప్రాణాధీనత్వవత్తవ మదధీనత్వాదిత్యభిప్రేత్య సా త్వమిత్యాది పునర్వచనమ్ । ఋగాధారం హి సామ గీయతే । అస్తి చ మదాధారత్వం తవ । తథా చ మమ సామత్వమృక్త్వం చ తవ । ద్యౌరహం పితృత్వాత్పృథివీ త్వం మాతృత్వాత్తయోర్మాతాపితృత్వసిద్ధేరిత్యర్థః । తావావాం సంరభావహై సంరమ్భముద్యమం కరవావహై । ఎహి త్వమాగచ్ఛ ।

కోఽసౌ సంరమ్భస్తమాహ —

సహేతి ।

పుంస్త్వయుక్తపుత్రలాభాయ రేతోధారణం కర్తవ్యమిత్యర్థః ॥౨౦॥