ஸாந்நித்⁴யாத்கி²லகாண்ட³ஸ்ய வம்ஶோ(அ)யமிதி ஶங்காம் நிவர்தயந்வம்ஶப்³ராஹ்மணதாத்பர்யமாஹ —
அதே²தி ।
வித்³யாபே⁴தா³த³தீதஸ்ய காண்ட³த்³வயஸ்ய ப்ரத்யேகம் வம்ஶபா⁴க்த்வே(அ)பி நாஸ்ய ப்ருத²க்த்வபா⁴கி³த்வம் கி²லத்வேந தச்சே²ஷத்வாத் । ததா² ச ஸமாப்தௌ படி²தோ வம்ஶ: ஸமஸ்தஸ்யைவ ப்ரவசநஸ்ய ப⁴விஷ்யதீத்யர்த²: ।
பூர்வௌ வம்ஶௌ புருஷவிஶேஷிதௌ த்ருதீயஸ்து ஸ்த்ரீவிஶேஷிதஸ்தத்ர கிம் கரணமித்யாஶங்க்யா(அ)(அ)ஹ —
ஸ்த்ரீப்ராதா⁴ந்யாதி³தி ।
ததே³வ ஸ்பு²டயதி —
கு³ணவாநிதி ।
கீர்த்யதே ப்³ராஹ்மணேநேதி ஸம்ப³ந்த⁴: । ஶுக்லாநி யஜூம்ஷீத்யஸ்ய வ்யாக்²யாநமவ்யாமிஶ்ராணீதி । தோ³ஷைரஸம்கீர்ணாநி பௌருஷேயத்வதோ³ஷத்³வாராபா⁴வாதி³த்யர்த²: । அயாதயாமாந்யது³ஷ்டாந்யக³தார்தா²நீத்யர்த²: । பாட²க்ரமேண மநுஷ்யாதி³: ப்ரஜாபதிபர்யந்தோ வம்ஶோ வ்யாக்²யாத: ।
ஸம்ப்ரத்யர்த²க்ரமமாஶ்ரித்யா(அ)(அ)ஹ —
ப்ரஜாபதிமிதி ।
அதோ⁴முக²த்வம் பாட²க்ரமாபேக்ஷயோச்யதே ।
தத்ராபி ப்ரஜாபதிமாரப்⁴ய ஸாஞ்ஜீவீபுத்ரபர்யந்தம் வாஜஸநேயிஶாகா²ஸு ஸர்வாஸ்வேகோ வம்ஶ இத்யாஹ —
ஸமாநமிதி ।
ப்ரவசநாக்²யஸ்ய வம்ஶாத்மநோ ப்³ரஹ்மண: ஸம்ப³ந்தா⁴த்ப்ரஜாபதிர்வித்³யாம் லப்³த⁴வாநித்யாஹ —
ப்³ரஹ்மண இதி ।
தஸ்யாதி⁴காரிபே⁴தா³த³வாந்தரபே⁴த³ம் த³ர்ஶயதி —
தச்சேதி ।
ப்ரஜாபதிமுக²ப்ரப³ந்த⁴: ப்ரபஞ்ச: ஸைவ பரம்பரா தயேதி யாவத் ।
தஸ்ய பரமாத்மரூபம் ஸ்வயம்பூ⁴த்வமபி⁴த³தா⁴தி —
அநாதீ³தி ।
தஸ்யாபௌருஷேயத்வேநாஸம்பா⁴விததோ³ஷதயா ப்ராமாண்யமபி⁴ப்ரேத்ய விஶிநஷ்டி —
நித்யமிதி ।
ஆதி³மத்⁴யாந்தரேஷு க்ருதமங்க³லா க்³ரந்தா²: ப்ரசாரிணோ ப⁴வந்தீதி மந்வாந: ஸந்நாஹ —
தஸ்மை ப்³ரஹ்மணே நம இதி ॥1 – 4॥