अद्वैतशारदा | दक्षिणाम्नाय श्रीशारदापीठम्, शृङ्गेरी

अथ यानि चतुश्चत्वारिंशद्वर्षाणि तन्माध्यन्दिनं सवनं चतुश्चत्वारिंशदक्षरा त्रिष्टुप्त्रैष्टुभं माध्यंन्दिनꣳ सवनं तदस्य रुद्रा अन्वायत्ताः प्राणा वाव रुद्रा एते हीदं सर्वꣳ रोदयन्ति ॥ ३ ॥

अथ यानि चतुश्चत्वारिंशद्वर्षाणीत्यादि समानम् । रुदन्ति रोदयन्तीति प्राणा रुद्राः । क्रूरा हि ते मध्यमे वयसि, अतो रुद्राः ॥

रुदन्तीति ; क्रूरा हीति ॥३॥ ;

प्राणेषु रुद्रशब्दप्रवृत्तौ निमित्तमाह –

रुदन्तीति ।

यदुक्तं रोदयन्तीति रुद्रा इति तदुपपादयति –

क्रूरा हीति ॥३॥

यथा प्राणा वसवो रुद्राश्चोक्तास्तथेति यावत् ।