ಯದ್ಯೇವಂ ಪರಕೀಯಂ ಬಲಮತಿಪ್ರಭೂತಂ ಪ್ರತೀತ್ಯಾತಿಭೀತವದಭಿದಧಾಸಿ, ಹಂತ ಸಂಧಿರೇವ ಪರೈರಿಷ್ಯತಾಮ್ , ಅಲಂ ವಿಗ್ರಹಾಗ್ರಹೇಣ ಇತ್ಯಾಚಾರ್ಯಾಭಿಪ್ರಾಯಮಾಶಂಕ್ಯ ಬ್ರವೀತಿ -

ಅಸ್ಮಾಕಮಿತಿ ।

ತುಶಬ್ದೇನಾಂತರುತ್ಪನ್ನಮಪಿ ಸ್ವಕೀಯಂ ಭಯಂ ತಿರೋದಧಾನೋ ಧೃಷ್ಟತಾಮಾತ್ಮನೋ ದ್ಯೋತಯತಿ । ಯೇ ಖಲ್ವಸ್ಮತ್ಪಕ್ಷೇ ವ್ಯವಸ್ಥಿತಾಃ ಸರ್ವೇಭ್ಯಃ ಸಮುತ್ಕರ್ಷಜುಷಃ ತಾನ್ ಮಯೋಚ್ಯಮಾನಾನ್ ನಿಬೋಧ - ನಿಶ್ಚಯೇನ ಮದ್ವಚನಾದವಧಾರಯೇತ್ಯರ್ಥಃ ।

ಯದ್ಯಪಿ ತ್ವಮೇವ ತ್ರೈವರ್ಣಿಕೇಷು ತ್ರೈವಿದ್ಯವೃದ್ಧೇಷು ಪ್ರಧಾನತ್ವಾತ್ ಪ್ರತಿಪತ್ತುಂ ಪ್ರಭವಸಿ, ತಥಾಪಿ ಮದೀಯಸೈನ್ಯಸ್ಯ ಯೇ ಮುಖ್ಯಾಸ್ತಾನಹಂ ತೇ ತುಭ್ಯಂ ಸಂಜ್ಞಾರ್ಥಮಸಂಖ್ಯೇಷು ತೇಷು ಮಧ್ಯೇ ಕತಿಚಿನ್ನಾಮಭಿರ್ಗೃಹೀತ್ವಾ ಪರಿಶಿಷ್ಟಾನುಪಲಕ್ಷಯಿತುಂ ವಿಜ್ಞಾಪನಂ ಕರೋಮಿ, ನ ತ್ವಜ್ಞಾತಂ ಕಿಂಚಿತ್ ತವ ಜ್ಞಾಪಯಾಮೀತಿ ಮತ್ವಾಹ -

ದ್ವಿಜೋತ್ತಮೇತಿ

॥ ೭ ॥