தமேவமாசார்யம் ப்ரதி ஸம்வாத³ம் குர்வந்தம் ப⁴யாவிஷ்டம் ராஜாநம் த்³ருஷ்ட்வா தத³ப்⁴யாஶவர்தீ பிதாமஹஸ்தத்³ - பு³த்³த்⁴யநுரோதா⁴ர்த²மித்த²ம் க்ருதவாநித்யாஹ -

தஸ்யேதி ।

ராஜ்ஞோ து³ர்யோத⁴நஸ்ய ஹர்ஷம் - பு³த்³தி⁴க³தமுல்லாஸவிஶேஷம் பரபரிப⁴வத்³வாரா ஸ்வகீயவிஜயத்³வாரகம் ஸம்யகு³த்பாத³யந் ப⁴யம் ததீ³யமபநிநீஷுருச்சை: ஸிம்ஹநாத³ம் க்ருத்வா ஶங்க²மாபூரிதவாந் । கிமிதி து³ர்யோத⁴நஸ்ய ஹர்ஷமுத்பாத³யிதும் பிதாமஹோ யததே, குருவ்ருத்³த⁴த்வாத் தஸ்ய குருராஜத்வாத் பிதாமஹத்வாச்சாஸ்ய து³ர்யோத⁴நப⁴யாபநயநார்தா² ப்ரவ்ருத்திருசிதா, தது³பஜீவிதயா தத்³வஶத்வாச்ச । தஸ்ய ச ஸிம்ஹநாதே³ ஶங்க²ஶப்³தே³ ச பரேஷாம் ஹ்ருத³யவ்யதா² ஸம்பா⁴வ்யதே, தூ³ராதே³வ அரிநிவஹம் ப்ரதி ப⁴யஜநநலக்ஷணப்ரதாபத்வாதி³த்யர்த²: ॥ 12 ॥