ஶ்ரீமத்³ப⁴க³வத்³கீ³தாபா⁴ஷ்யம்
ஆநந்த³கி³ரிடீகா (கீ³தாபா⁴ஷ்ய)
 
அத² வ்யவஸ்தி²தாந்த்³ருஷ்ட்வா தா⁴ர்தராஷ்ட்ராந்கபித்⁴வஜ:
ப்ரவ்ருத்தே ஶஸ்த்ரஸம்பாதே த⁴நுருத்³யம்ய பாண்ட³வ: ॥ 20 ॥
அத² வ்யவஸ்தி²தாந்த்³ருஷ்ட்வா தா⁴ர்தராஷ்ட்ராந்கபித்⁴வஜ:
ப்ரவ்ருத்தே ஶஸ்த்ரஸம்பாதே த⁴நுருத்³யம்ய பாண்ட³வ: ॥ 20 ॥

து³ர்யோத⁴நாதீ³நாம் தா⁴ர்தராஷ்ட்ராணாமேவம் ப⁴யப்ராப்திம் ப்ரத³ர்ஶ்ய பார்தா²தீ³நாம் பாண்ட³வாநாம் தத்³வைபரீத்யமிதா³நீமுதா³ஹரதி -

அதே²த்யாதி³நா ।

பீ⁴திப்ரத்யுபஸ்தி²தேரநந்தரம் பலாயநே ப்ராப்தே(அ)பி வைபரீத்யாத்³ வ்யவஸ்தி²தாந் அப்ரசலிதாநேவ பராந் ப்ரத்யக்ஷேணோபலப்⁴ய ஹநுமந்தம் வாநரவரம் த்⁴வஜலக்ஷணத்வேந ஆதா³யாவஸ்தி²தோ(அ)ர்ஜுநோ ப⁴க³வந்தமாஹேதி ஸம்ப³ந்த⁴: ।

கிமாஹேத்யபேக்ஷாயாமித³ம் - வக்ஷ்யமாணம் ஹேதுமத்³வசநமித்யாஹ -

வாக்யமித³மிதி ।

கஸ்யாமவஸ்தா²யாமித³முக்தவாநிதி தத்ராஹ -

ப்ரவ்ருத்த இதி ।

ஶஸ்த்ராணாம் - இஷுப்ராஸப்ரப்⁴ருதீநாம் ஸம்பாத: - ஸமுதா³ய: தஸ்மிந் ப்ரவ்ருத்தே - ப்ரயோகா³பி⁴முகே² ஸதீதி யாவத் ।

 கிம் க்ருத்வா ப⁴க³வந்தம் ப்ரத்யுக்தவாநிதி ததா³ஹ –

த⁴நுரிதி ।

மஹீபதிஶப்³தே³ந ராஜா ப்ரஜ்ஞாசக்ஷு: ஸஞ்ஜயேந ஸம்போ³த்⁴யதே ॥ 20 ॥