కోఽసౌ కులక్షయే దోషో యద్దర్శనాద్యుష్మాకం యుద్ధాదుపరతిరపేక్ష్యతే ? తత్రాహ –
కులేతి ।
కులస్య హి క్షయే కులసమ్బన్ధినః చిరన్తనా ధర్మాః తత్తదగ్నిహోత్రాదిక్రియాసాధ్యా నాశముపయాన్తి । కర్తురభావాదిత్యర్థః ।
ధర్మనాశేఽపి కిం స్యాత్ ఇతి చేత్ , తత్రాహ -
ధర్మ ఇతి ।
కులప్రయుక్తే ధర్మే కులనాశాదేవ నష్టే కులక్షయకరస్య కులం పరిశిష్టమఖిలమపి తదీయోఽధర్మోఽభిభవతి । అధర్మభూయిష్ఠం తస్య కులం భవతీత్యర్థః ॥ ౪౦ ॥