விஶேஷாணாமேவம் வ்யபி⁴சாரித்வே ஸதோ(அ)பி தது³பபத்தேரவ்யபி⁴சாரித்வஹேத்வஸித்³தி⁴தாத³வஸ்த்²யமிதி ஶங்கதே -
ஸத்³பு³த்³தி⁴ரிதி ।
க⁴டாதி³நாஶதே³ஶே தது³பரக்தாகாரேண ஸத்த்வாபா⁴நே(அ)பி நாஸத்த்வம் , க⁴டாத்³யபா⁴வாதி⁴ஷ்டா²நதயா பா⁴நாதி³த்யாஹ -
ந விஶேஷ்யேதி ।
யதா² ஸர்வக³தா ஜாதிரித்யத்ர க²ண்ட³முண்டா³தி³வ்யக்த்யபா⁴வதே³ஶே கோ³த்வம் வ்யஞ்ஜகாபா⁴வாத் ந வ்யஜ்யதே, ந கோ³த்வாபா⁴வாத் , ததா² ஸத்த்வமபி க⁴டாதி³நாஶே வ்யஞ்ஜகாபா⁴வாத் ந பா⁴தி, ந ஸ்வரூபாபா⁴வாத் இத்யுக்தமேவ ப்ரபஞ்சயதி -
ஸதி³த்யாதி³நா ।
ஸப்ரதியோகி³கவிஶேஷணவ்யபி⁴சாரே(அ)பி ஸ்வரூபாவ்யபி⁴சாராத்³யுக்தம் ஸத: ஸத்யத்வமிதி பா⁴வ: ।