య ఎనం వేత్తి హన్తారం యశ్చైనం మన్యతే హతమ్ ।
ఉభౌ తౌ న విజానీతో నాయం హన్తి న హన్యతే ॥ ౧౯ ॥
య ఎనం ప్రకృతం దేహినం వేత్తి విజానాతి హన్తారం హననక్రియాయాః కర్తారం యశ్చ ఎనమ్ అన్యో మన్యతే హతం దేహహననేన ‘హతః అహమ్’ ఇతి హననక్రియాయాః కర్మభూతమ్ , తౌ ఉభౌ న విజానీతః న జ్ఞాతవన్తౌ అవివేకేన ఆత్మానమ్ । ‘హన్తా అహమ్’ ‘హతః అస్మి అహమ్’ ఇతి దేహహననేన ఆత్మానమహం ప్రత్యయవిషయం యౌ విజానీతః తౌ ఆత్మస్వరూపానభిజ్ఞౌ ఇత్యర్థః । యస్మాత్ న అయమ్ ఆత్మా హన్తి న హననక్రియాయాః కర్తా భవతి, న చ హన్యతే న చ కర్మ భవతీత్యర్థః, అవిక్రియత్వాత్ ॥ ౧౯ ॥
య ఎనం వేత్తి హన్తారం యశ్చైనం మన్యతే హతమ్ ।
ఉభౌ తౌ న విజానీతో నాయం హన్తి న హన్యతే ॥ ౧౯ ॥
య ఎనం ప్రకృతం దేహినం వేత్తి విజానాతి హన్తారం హననక్రియాయాః కర్తారం యశ్చ ఎనమ్ అన్యో మన్యతే హతం దేహహననేన ‘హతః అహమ్’ ఇతి హననక్రియాయాః కర్మభూతమ్ , తౌ ఉభౌ న విజానీతః న జ్ఞాతవన్తౌ అవివేకేన ఆత్మానమ్ । ‘హన్తా అహమ్’ ‘హతః అస్మి అహమ్’ ఇతి దేహహననేన ఆత్మానమహం ప్రత్యయవిషయం యౌ విజానీతః తౌ ఆత్మస్వరూపానభిజ్ఞౌ ఇత్యర్థః । యస్మాత్ న అయమ్ ఆత్మా హన్తి న హననక్రియాయాః కర్తా భవతి, న చ హన్యతే న చ కర్మ భవతీత్యర్థః, అవిక్రియత్వాత్ ॥ ౧౯ ॥