ಆತ್ಮನಃ ಸ್ವತೋ ವಿಕ್ರಿಯಾಭಾವೇಽಪಿ ಪುರಾತನದೇಹತ್ಯಾಗೇ ನೂತನದೇಹೋಪಾದಾನೇ ಚ ವಿಕ್ರಿಯಾವತ್ತ್ವಧ್ರೌವ್ಯಾತ್ ಅವಿಕ್ರಿಯತ್ವಮಸಿದ್ಧಮಿತಿ ಚೇತ್ , ತತ್ರಾಹ -

ವಾಸಾಂಸೀತಿ ।

ಶರೀರಾಣಿ ಜೀರ್ಣಾನಿ - ವಯೋಹಾನಿಂ ಗತಾನಿ, ವಲೀಪಲಿತಾದಿಸಂಗತಾನೀತ್ಯರ್ಥಃ ।

ವಾಸಸಾಂ ಪುರಾತನಾನಾಂ ಪರಿತ್ಯಾಗೇ, ನವಾನಾಂ ಚೋಪಾದಾನೇ ತ್ಯಾಗೋಪಾದಾನಕರ್ತೃಭೂತಲೌಕಿಕಪುರುಷಸ್ಯಾಪಿ ಅವಿಕಾರಿತ್ವೇನ ಏಕರೂಪತ್ವವತ್ , ಆತ್ಮನೋ ದೇಹತ್ಯಾಗೋಪಾದಾನಯೋರವಿರುದ್ಧಂ ಅವಿಕ್ರಿಯತ್ವಮಿತಿ ವಾಕ್ಯಾರ್ಥಮಾಹ -

ಪುರುಷವದಿತಿ

॥ ೨೨ ॥