ఆత్మనః స్వతో విక్రియాభావేఽపి పురాతనదేహత్యాగే నూతనదేహోపాదానే చ విక్రియావత్త్వధ్రౌవ్యాత్ అవిక్రియత్వమసిద్ధమితి చేత్ , తత్రాహ -
వాసాంసీతి ।
శరీరాణి జీర్ణాని - వయోహానిం గతాని, వలీపలితాదిసఙ్గతానీత్యర్థః ।
వాససాం పురాతనానాం పరిత్యాగే, నవానాం చోపాదానే త్యాగోపాదానకర్తృభూతలౌకికపురుషస్యాపి అవికారిత్వేన ఎకరూపత్వవత్ , ఆత్మనో దేహత్యాగోపాదానయోరవిరుద్ధం అవిక్రియత్వమితి వాక్యార్థమాహ -
పురుషవదితి
॥ ౨౨ ॥