ஶ்ரீமத்³ப⁴க³வத்³கீ³தாபா⁴ஷ்யம்
த்³விதீயோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
அவ்யக்தாதீ³நி பூ⁴தாநி வ்யக்தமத்⁴யாநி பா⁴ரத ।
அவ்யக்தநித⁴நாந்யேவ தத்ர கா பரிதே³வநா ॥ 28 ॥
அவ்யக்தாதீ³நி அவ்யக்தம் அத³ர்ஶநம் அநுபலப்³தி⁴: ஆதி³: யேஷாம் பூ⁴தாநாம் புத்ரமித்ராதி³கார்யகரணஸங்கா⁴தாத்மகாநாம் தாநி அவ்யக்தாதீ³நி பூ⁴தாநி ப்ராகு³த்பத்தே:, உத்பந்நாநி ச ப்ராங்மரணாத் வ்யக்தமத்⁴யாநி । அவ்யக்தநித⁴நாந்யேவ புந: அவ்யக்தம் அத³ர்ஶநம் நித⁴நம் மரணம் யேஷாம் தாநி அவ்யக்தநித⁴நாநி । மரணாதூ³ர்த்⁴வமப்யவ்யக்ததாமேவ ப்ரதிபத்³யந்தே இத்யர்த²: । ததா² சோக்தம் — ‘அத³ர்ஶநாதா³பதித: புநஶ்சாத³ர்ஶநம் க³த: । நாஸௌ தவ ந தஸ்ய த்வம் வ்ருதா² கா பரிதே³வநா’ (மோ. த⁴. 174 । 17) இதி । தத்ர கா பரிதே³வநா கோ வா ப்ரலாப: அத்³ருஷ்டத்³ருஷ்டப்ரநஷ்டப்⁴ராந்திபூ⁴தேஷு பூ⁴தேஷ்வித்யர்த²: ॥ 28 ॥
அவ்யக்தாதீ³நி பூ⁴தாநி வ்யக்தமத்⁴யாநி பா⁴ரத ।
அவ்யக்தநித⁴நாந்யேவ தத்ர கா பரிதே³வநா ॥ 28 ॥
அவ்யக்தாதீ³நி அவ்யக்தம் அத³ர்ஶநம் அநுபலப்³தி⁴: ஆதி³: யேஷாம் பூ⁴தாநாம் புத்ரமித்ராதி³கார்யகரணஸங்கா⁴தாத்மகாநாம் தாநி அவ்யக்தாதீ³நி பூ⁴தாநி ப்ராகு³த்பத்தே:, உத்பந்நாநி ச ப்ராங்மரணாத் வ்யக்தமத்⁴யாநி । அவ்யக்தநித⁴நாந்யேவ புந: அவ்யக்தம் அத³ர்ஶநம் நித⁴நம் மரணம் யேஷாம் தாநி அவ்யக்தநித⁴நாநி । மரணாதூ³ர்த்⁴வமப்யவ்யக்ததாமேவ ப்ரதிபத்³யந்தே இத்யர்த²: । ததா² சோக்தம் — ‘அத³ர்ஶநாதா³பதித: புநஶ்சாத³ர்ஶநம் க³த: । நாஸௌ தவ ந தஸ்ய த்வம் வ்ருதா² கா பரிதே³வநா’ (மோ. த⁴. 174 । 17) இதி । தத்ர கா பரிதே³வநா கோ வா ப்ரலாப: அத்³ருஷ்டத்³ருஷ்டப்ரநஷ்டப்⁴ராந்திபூ⁴தேஷு பூ⁴தேஷ்வித்யர்த²: ॥ 28 ॥

சாக்ஷுஷத³ர்ஶநமாத்ரவ்ருத்திம் வ்யாவர்தயதி -

அநுபலப்³தி⁴ரிதி ।

நஹி யதோ²க்தஸங்கா⁴தரூபாணி பூ⁴தாநி பூர்வமுத்பத்தே: உபலப்⁴யந்தே । தேந தாநி ததா² வ்யபதே³ஶபா⁴ஞ்ஜி ப⁴வந்தி இத்யர்த²: ।

கிம் தத் மத்⁴யம் , யதே³ஷாம் வ்யக்தமிஷ்யதே ? ததா³ஹ -

உத்பந்நாநீதி ।

உத்பத்தேரூர்த்⁴வம் மரணாச்ச பூர்வம் வ்யாவஹாரிகம் ஸத்த்வம் மத்⁴யமேஷாம் வ்யக்தமிதி ததோ²ச்யதே ।

ஜந்மாநுஸாரித்வம் விலயஸ்ய யுக்தம் இதி மத்வா தாத்பர்யார்த²மாஹ -

மரணாதி³தி ।

உக்தே(அ)ர்தே² பௌராணிகஸம்மதிமாஹ -

ததா² சேதி ।

தத்ரேத்யஸ்யார்த²மாஹ -

அத்³ருஷ்டேதி ।

பூர்வம் அத்³ருஷ்டாநி ஸந்தி, புநர்த்³ருஷ்டாநி, தாந்யேவ புநர்நஷ்டாநி, ததே³வம் ப்⁴ராந்திவிஷயதயா க⁴டிகாயந்த்ரவத் சக்ரீபூ⁴தேஷு பூ⁴தேஷு ஶோகநிமிதஸ்ய ப்ரலாபஸ்ய நாவகாஶோ(அ)ஸ்தீத்யர்த²: ॥ 28 ॥