अद्वैतशारदा | दक्षिणाम्नाय श्रीशारदापीठम्, शृङ्गेरी

దేహీ నిత్యమవధ్యోఽయం దేహే సర్వస్య భారత ।
తస్మాత్సర్వాణి భూతాని న త్వం శోచితుమర్హసి ॥ ౩౦ ॥

దేహీ శరీరీ నిత్యం సర్వదా సర్వావస్థాసు అవధ్యః నిరవయవత్వాన్నిత్యత్వాచ్చ తత్ర అవధ్యోఽయం దేహే శరీరే సర్వస్య సర్వగతత్వాత్స్థావరాదిషు స్థితోఽపి సర్వస్య ప్రాణిజాతస్య దేహే వధ్యమానేఽపి అయం దేహీ న వధ్యః యస్మాత్ , తస్మాత్ భీష్మాదీని సర్వాణి భూతాని ఉద్దిశ్య న త్వం శోచితుమర్హసి ॥ ౩౦ ॥

సర్వస్యేతి ; యస్మాత్ ఇతి ; తస్మాద్భీష్మాదీనీతి ;

హేతుభాగం విభజతే -

సర్వస్యేతి ।

దేహే వధ్యమానేఽపి దేహినో వధ్యత్వాభావే ఫలితమాహ -

యస్మాత్ ఇతి ।

ఫలితప్రదర్శనపరం శ్లోకార్ధం వ్యాచష్టే-

తస్మాద్భీష్మాదీనీతి

॥ ౩౦ ॥