தே யாமிமாம் புஷ்பிதாம் வாசம் ப்ரவத³ந்தி தயா அபஹ்ருதசேதஸாம் காமிநாம் காமவஶாத் நிஶ்சயாத்மிகா பு³த்³தி⁴ர்ந ப்ராய: ஸ்தி²ரா ப⁴வதீத்யாஹ -
தே । யாமிதி ।
‘இமாம்’ இத்யவ்யயநவித்⁴யுபாத்தத்வேந ப்ரஸித்³த⁴த்வம் கர்மகாண்ட³ரூபாயா வாசோ விவக்ஷ்யதே । வக்ஷ்யமாணத்வம் ‘க்ரியாவிஶேஷப³ஹுலாம்’ (ப⁴. கீ³. 2-43) இத்யாதௌ³ த்³ரஷ்டவ்யம் । கிம்ஶுகோ ஹி புஷ்பஶாலீ ஶோப⁴மாநோ(அ)நுபூ⁴யதே, ந புருஷபோ⁴க்³யப²லபா⁴கீ³ லக்ஷ்யதே ।
ததா², இயமபி கர்மகாண்டா³த்மிகா ஶ்ரூயமாணத³ஶாயாம் ரமணீயா வாகு³பலப்⁴யதே, ஸாத்⁴யஸாத⁴நஸம்ப³ந்த⁴ப்ரதிபா⁴நாத் । ந த்வேஷா நிரதிஶயப²லபா⁴கி³நீ ப⁴வதி, கர்மாநுஷ்டா²நப²லஸ்ய அநித்யத்வாத் , இதி மத்வாஹ -
புஷ்பிதாமிதி ।
வாக்யத்வேந லக்ஷ்யதே(அ)ர்த²வத்த்வப்ரதிபா⁴நாத் । வஸ்துதஸ்து ந வாக்யம் , அர்தா²பா⁴ஸத்வாத் , இத்யாஹ -
வாக்யலக்ஷணாமிதி ।
ப்ரவக்த்ரூணாம் வேத³வாக்யதாத்பர்யபரிஜ்ஞாநாபா⁴வம் ஸூசயதி -
அவிபஶ்சித இதி ।
வேத³வாதா³: - வேத³வாக்யாநி, தாநி ச ப³ஹூநாமர்த²வாதா³நாம் ப²லாநாம் ஸாத⁴நாநாம் ச விதி⁴ஶேஷாணாம் ப்ரகாஶகாநி, தேஷு ரதி: - ஆஸக்தி:, தந்நிஷ்ட²த்வம் - தத்³வத்த்வமபி தேஷாம் விஶேஷணமித்யாஹ -
வேத³வாதே³தி ।
கர்மகாண்ட³நிஷ்ட²த்வப²லம் கத²யதி -
நாந்யதி³தி ।
ஈஶ்வரோ வா மோக்ஷோ வா நாஸ்தீத்யேவம் வத³ந்தோ நாஸ்திகா: ஸந்த: ஸம்யக்³ஜ்ஞாநவந்தோ ந ப⁴வந்தீத்யர்த²: ॥ 42 ॥