ஶ்ரீமத்³ப⁴க³வத்³கீ³தாபா⁴ஷ்யம்
த்³விதீயோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
கர்மண்யேவாதி⁴காரஸ்தே மா ப²லேஷு கதா³சந ।
மா கர்மப²லஹேதுர்பூ⁴ர்மா தே ஸங்கோ³(அ)ஸ்த்வகர்மணி ॥ 47 ॥
கர்மண்யேவ அதி⁴கார: ந ஜ்ஞாநநிஷ்டா²யாம் தே தவ । தத்ர ச கர்ம குர்வத: மா ப²லேஷு அதி⁴கார: அஸ்து, கர்மப²லத்ருஷ்ணா மா பூ⁴த் கதா³சந கஸ்யாஞ்சித³ப்யவஸ்தா²யாமித்யர்த²: । யதா³ கர்மப²லே த்ருஷ்ணா தே ஸ்யாத் ததா³ கர்மப²லப்ராப்தே: ஹேது: ஸ்யா:, ஏவம் மா கர்மப²லஹேது: பூ⁴: । யதா³ ஹி கர்மப²லத்ருஷ்ணாப்ரயுக்த: கர்மணி ப்ரவர்ததே ததா³ கர்மப²லஸ்யைவ ஜந்மநோ ஹேதுர்ப⁴வேத் । யதி³ கர்மப²லம் நேஷ்யதே, கிம் கர்மணா து³:க²ரூபேண ? இதி மா தே தவ ஸங்க³: அஸ்து அகர்மணி அகரணே ப்ரீதிர்மா பூ⁴த் ॥ 47 ॥
கர்மண்யேவாதி⁴காரஸ்தே மா ப²லேஷு கதா³சந ।
மா கர்மப²லஹேதுர்பூ⁴ர்மா தே ஸங்கோ³(அ)ஸ்த்வகர்மணி ॥ 47 ॥
கர்மண்யேவ அதி⁴கார: ந ஜ்ஞாநநிஷ்டா²யாம் தே தவ । தத்ர ச கர்ம குர்வத: மா ப²லேஷு அதி⁴கார: அஸ்து, கர்மப²லத்ருஷ்ணா மா பூ⁴த் கதா³சந கஸ்யாஞ்சித³ப்யவஸ்தா²யாமித்யர்த²: । யதா³ கர்மப²லே த்ருஷ்ணா தே ஸ்யாத் ததா³ கர்மப²லப்ராப்தே: ஹேது: ஸ்யா:, ஏவம் மா கர்மப²லஹேது: பூ⁴: । யதா³ ஹி கர்மப²லத்ருஷ்ணாப்ரயுக்த: கர்மணி ப்ரவர்ததே ததா³ கர்மப²லஸ்யைவ ஜந்மநோ ஹேதுர்ப⁴வேத் । யதி³ கர்மப²லம் நேஷ்யதே, கிம் கர்மணா து³:க²ரூபேண ? இதி மா தே தவ ஸங்க³: அஸ்து அகர்மணி அகரணே ப்ரீதிர்மா பூ⁴த் ॥ 47 ॥

தர்ஹி தத்ப²லாபி⁴லாஷோ(அ)பி ஸ்யாத் இதி, நேத்யாஹ -

மாப²லேஷ்விதி ।

பூர்வோக்தமேவார்த²ம் ப்ரபஞ்சயதி -

மா கர்மேதி ।

ப²லாபி⁴ஸந்த்⁴யஸம்ப⁴வே கர்மாகரணமேவ ஶ்ரத்³த³தா⁴மி, இத்யாஶங்க்யாஹ -

மா தே இதி ।

ஜ்ஞாநாநதி⁴காரிணோ(அ)பி கர்மத்யாக³ப்ரஸக்திம் நிவாரயதி -

கர்மண்யேவேதி ।

கர்மண்யேவேதி, ஏவகாரார்த²மாஹ -

ந ஜ்ஞாநேதி ।

நஹி தத்ர அப்³ராஹ்மணஸ்ய அபரிபக்வகஷாயஸ்ய முக்²யோ(அ)தி⁴கார: ஸித்⁴யதீத்யர்த²: ।

ப²லைஸ்தர்ஹி ஸம்ப³ந்தோ⁴ து³ர்வார: ஸ்யாத் , இத்யாஶங்க்யாஹ -

தத்ரேதி ।

கர்மண்யேவாதி⁴கரே ஸதீதி ஸப்தம்யர்த²: ।

ப²லேஷ்வதி⁴காராபா⁴வம் ஸ்போ²ரயதி -

கர்மேதி ।

கர்மாநுஷ்டா²நாத் ப்ராகூ³ர்த்⁴வம் தத்காலே சேத்யேதத் கதா³சநேதி விவக்ஷிதமித்யாஹ -

கஸ்யாஞ்சிதி³தி ।

ப²லாபி⁴ஸம்தா⁴நே தோ³ஷமாஹ -

யதே³தி ।

ஏவம் கர்மப²லத்ருஷ்ணாத்³வாரேணேத்யர்த²: ।

கர்மப²லஹேதுத்வம் விவ்ருணோதி -

யதா³ ஹீதி ।

தர்ஹி விப²லம் க்லேஶாத்மகம் கர்ம ந கர்தவ்யம் , இதி ஶங்காமநுபா⁴ஷ்ய தூ³ஷயதி -

யதீ³த்யாதி³நா ।

அகர்மணி தே ஸங்கோ³ மா பூ⁴த் , இத்யுக்தமேவ ஸ்பஷ்டயதி -

அகரண இதி

॥ 47 ॥