ವಕ್ಷ್ಯಮಾಣಯೋಗಮುದ್ದಿಶ್ಯ ತನ್ನಿಷ್ಠೋ ಭೂತ್ವಾ ಕರ್ಮಾಣಿ ಕ್ಲೇಶಾತ್ಮಕಾನ್ಯಪಿ ವಿಹಿತತ್ವಾತ್ ಅನುಷ್ಠೇಯಾನೀತ್ಯಾಹ -

ಯೋಗಸ್ಥಃ ಸನ್ನಿತಿ ।

ಕರ್ಮಾನುಷ್ಠಾನಸ್ಯೋದ್ದೇಶ್ಯಂ ದರ್ಶಯತಿ -

ಕೇವಲಮಿತಿ ।

ಫಲಾಂತರಾಪೇಕ್ಷಾಮಂತರೇಣ ಈಶ್ವರಾರ್ಥಂ - ತತ್ಪ್ರಸಾದನಾರ್ಥಮನುಷ್ಠಾನಮಿತ್ಯರ್ಥಃ ।

ತರ್ಹಿ ಈಶ್ವರಸಂತೋಷೋಽಭಿಲಾಷಗೋಚರೀಭೂತೋ ಭವಿಷ್ಯತಿ, ನೇತ್ಯಾಹ -

ತತ್ರಾಪೀತಿ ।

ಈಶ್ವರಪ್ರಸಾದನಾರ್ಥೇ ಕರ್ಮಾನುಷ್ಠಾನೇ ಸ್ಥಿತೇಽಪೀತ್ಯರ್ಥಃ । ಸಂಗಂ ತ್ಯಕ್ತ್ವಾ ಕುರ್ವಿತಿ ಪೂರ್ವೇಣ ಸಂಬಂಧಃ ।

ಆಕಾಂಕ್ಷಿತಂ ಪೂರಯಿತ್ವಾ, ಸಿದ್ಧಿಶಬ್ದಾರ್ಥಮಾಹ -

ಫಲೇತಿ ।

ತದ್ವಿಪರ್ಯಯಜಾ - ಸತ್ತ್ವಾಶುದ್ಧಿಜನ್ಯಾ । ಜ್ಞಾನಾಪ್ರಾಪ್ತಿಲಕ್ಷಣೇತಿ ಯಾವತ್ ।

ಕರ್ಮ ಅನನುತಿಷ್ಠತೋ ಯೋಗಮುದ್ದಿಶ್ಯ ಶೇಷತಯಾ ಪ್ರಕೃತಮಾಕಾಂಕ್ಷಾಪೂರ್ವಕಂ ಪ್ರಕಟಯತಿ -

ಕೋಽಸಾವಿತ್ಯಾದಿನಾ

॥ ೪೮ ॥