వివేకవతో విదుషో వివేకజన్యా ప్రజ్ఞా కథం ప్రతిష్ఠాం ప్రతిపద్యతామ్ ? ఇత్యాశఙ్క్యాహ -

యః సర్వత్రేతి ।

నను - దేహజీవనాదౌ స్పృహా, శుభాశుభప్రాప్తౌ హర్షవిషాదౌ విదుషో వివిదిషోశ్చ అవర్జనీయౌ ? ఇతి ప్రజ్ఞాస్థైర్యాసిద్ధిః, తత్రాహ -

యో మునిరితి ।

తత్తదితి శోభనవత్త్వేన అశోభనవత్త్వేన వా ప్రసిద్ధత్వం ప్రతినిర్దిశ్యతే । తదేవ విభజతే -

శుభమితి ।

విషయేషు అభిషఙ్గాభావః శుభాదిప్రాప్తౌ హర్షాద్యభావశ్చ ప్రజ్ఞాస్థైర్యే కారణమిత్యాహ -

తస్యేతి

॥ ౫౭ ॥