விஷயாணாம் ஸ்மரணமபி சேத³நர்த²காரணம் , ஸுதராம் தர்ஹி போ⁴க³:, தேந ஜீவநார்த²ம் பு⁴ஞ்ஜாநோ விஷயாந் அநர்த²ம் கத²ம் ந ப்ரதிபத்³யதே ? இத்யாஶங்க்ய, வ்ருத்தாநுவாத³பூர்வகமுத்தரஶ்லோகதாத்பர்யமாஹ -

ஸர்வாநர்த²ஸ்யேதி ।

அநர்த²மூலகத²நாநந்தர்யமத²ஶப்³தா³ர்த²: ।

பரிஹர்தவ்யே நிர்ணீதே தத்பரிஹாரோபாயஜிஜ்ஞாஸாம் த³ர்ஶயதி -

இதா³நீமிதி ।

ராக³த்³வேஷபூர்விகா ப்ரவ்ருத்தி:, இத்யத்ர அநுப⁴வத³ர்ஶநார்தோ² ஹிஶப்³த³: । ஶாஸ்த்ரீயப்ரவ்ருத்திவ்யாஸேதா⁴ர்த²ம் ஸ்வாபா⁴விகீ இத்யுக்தம் । தத்ரேத்யதி⁴க்ருதாந் அதி⁴க்ருத்ய ப்ரயோக³: । அவர்ஜநீயாந் அஶநபாநாதீ³ந் , தே³ஹஸ்தி²திஹேதூநிதி யாவத் ।